သွန်သင်ရာစာအုပ်ရဲ့ အသွင်အပြင်တွေကို ထိထိရောက်ရောက်အသုံးပြုပါ

ကျမ်းစာသွန်သင်ရာကို သင်သားသိရှိပြီး ကျင့်သုံးလာတာနဲ့အမျှ ဘုရားရေးရာမှာ သူတိုးတက်လာပြီး အရည်အသွေးကောင်းတွေ တင်ပြလာမှာဖြစ်တယ်။ (ဆာ. ၁:၁-၃) သွန်သင်ရာစာအုပ်ရဲ့ အသွင်အပြင်တချို့ကို ကောင်းစွာအသုံးပြုပြီး သင်သားတိုးတက်ဖို့ ကူညီပေးနိုင်တယ်။

နိဒါန်းမေးခွန်းများ– အခန်းတစ်ခန်းစီကို နိဒါန်းမေးခွန်းတွေနဲ့အစပြုထားပြီး သင်ခန်းစာထဲမှာ အဖြေပေးထားပါတယ်။ ဆွေးနွေးမယ့်အကြောင်းအရာအပေါ် သင်သား ပိုသိချင်လာအောင် နိဒါန်းမေးခွန်းတွေကို သုံးနိုင်တယ်။ ဒါမှမဟုတ် နိဒါန်းမေးခွန်းတွေကိုပြပြီး သူ့ကို အတိုချုပ်ဖြေခိုင်းကြည့်ပါ။ သူ့အဖြေက မှားနေခဲ့ရင်တောင် အဲဒီအချိန်မှာ အမှန်ပြင်ပေးဖို့ မလိုပါဘူး။ သင်သားရဲ့ အဖြေတွေက ဘယ်အချက်တွေကို ကျွန်ုပ်တို့ ဂရုတစိုက်၊ အလေးပေး ရှင်းပြဖို့လိုကြောင်း သိမြင်စေပါလိမ့်မယ်။—သု. ၁၆:၂၃; ၁၈:၁၃။

နောက်ဆက်တွဲ– လေ့လာနေတဲ့ အကြောင်းအရာကို သင်သား သဘောပေါက်လက်ခံပြီဆိုရင် သက်ဆိုင်တဲ့ နောက်ဆက်တွဲအကြောင်းအရာကိုသူကိုယ်တိုင်ဖတ်ရှုဖို့အားပေးပါ။ နောက်တစ်ကြိမ် ကျမ်းစာလေ့လာတဲ့အခါ သူဖတ်ခဲ့တဲ့အချက်တွေကို နားလည်၊ မလည်သိနိုင်ဖို့ အနည်းငယ် ပြန်ဆွေးနွေးပါ။သင်သားအကျိုးရစေဖို့အတွက်လေ့လာမှုအတွင်း နောက်ဆက်တွဲအကြောင်းအရာ ဒါမှမဟုတ် အဲဒီထဲက အပိုင်းတစ်ပိုင်းကိုဖတ်ပြီးဆွေးနွေးတာ၊ နောက်ဆက်တွဲအတွက် သင်ပြင်ဆင်ထားတဲ့ မေးခွန်းတွေ မေးတာကိုလည်းလုပ်နိုင်တယ်။

ပြန်လည်သုံးသပ်ခြင်းအကွက်– အခန်းတစ်ခန်းရဲ့အဆုံးက လေးထောင့်ကွက်ထဲမှာ နိဒါန်းမေးခွန်းတွေရဲ့အဖြေတွေ ပါရှိတယ်။ လေ့လာခဲ့တဲ့ အဓိကအချက်ကို သင်သား တကယ်နားလည်ပြီး ရှင်းပြနိုင်ကြောင်းသိနိုင်ဖို့ အဲဒါတွေကို ပြန်သုံးသပ်နိုင်တယ်။ လေးထောင့်ကွက်ထဲက အချက်တွေအပြင် ပေးထားတဲ့ကျမ်းချက်တိုင်းကိုပါ အသံကျယ်ကျယ်ဖတ်ပါ။ ပြီးနောက် သင်ခန်းစာပါအချက်တွေ မှန်ကန်ကြောင်း ကျမ်းချက်(တွေ) သုံးပြီး ရှင်းပြခိုင်းကြည့်ပါ။—တ. ၁၇:၂၊ ၃။