မေ့လျော့မခံရတဲ့ အလုပ်မွန်များ

ယေဟောဝါရဲ့ ကျေးကျွန် အားလုံးဟာ ယေဟောဝါ ထာဝစဉ် သတိရနေမယ့် အရာတွေကို လုပ်ဆောင်နိုင်တယ်။ မေတ္တာရှိတဲ့ မိဘတွေဟာ သားသမီးတွေရဲ့ ကောင်းမွန်တဲ့ လုပ်ရပ်တွေကို ဘယ်တော့မှ မမေ့သလို ယေဟောဝါလည်း ကျွန်တော်တို့ရဲ့ လုပ်ရပ်ကို၊ နာမတော်အတွက် ပြတဲ့မေတ္တာကို ဘယ်တော့မှ မမေ့ဘူး။ (မ ၆:၂၀။ ဟီ ၆:၁၀) ကျွန်တော်တို့ရဲ့ စွမ်းရည်နဲ့ အခြေအနေကတော့ အမျိုးမျိုး ရှိနိုင်ပါတယ်။ ဒါပေမဲ့ ယေဟောဝါရဲ့အမှုတော်မှာ အတတ်နိုင်ဆုံး ပါဝင်နေရင် ဝမ်းမြောက်နိုင်ပါတယ်။ (ဂ ၆:၄။ ကော ၃:၂၃) နှစ်တွေတစ်လျှောက် ထောင်နဲ့ချီတဲ့ ညီအစ်ကို/မတွေဟာ ဗေသလမှာ အမှုဆောင်ခဲ့ကြတယ်။ ဗေသလမှာ သင် စေတနာ့ဝန်ထမ်း လုပ်နိုင်မလား။ ကိုယ်တိုင်မလုပ်နိုင်ဘူးဆိုရင် ဗေသလမှာ အမှုဆောင်ဖို့ တစ်ယောက်ယောက်ကို အားပေးနိုင်မလား။ ဒီအထူးနည်းလမ်းနဲ့ ဆက်အမှုဆောင်နိုင်ဖို့ ဗေသလအိမ်သား တစ်ယောက်ယောက်ကို ကူညီပေးနိုင်မလား။

ဗေသလမှာ အမှုဆောင်ဖို့ အသင့်ရှိပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• ဗေသလမှာ အမှုဆောင်ဖို့ ဘာက လှုံ့ဆော်ပေးသင့်သလဲ။

• ဗေသလမှာ အမှုဆောင်လို့ ခံစားရတဲ့ ကောင်းချီးတွေအကြောင်း တချို့သူတွေ ဘာပြောသလဲ။

• ဗေသလမှာ အမှုဆောင်ဖို့ ဘယ်အရည်အချင်းတွေ ပြည့်မီရမလဲ။

• ဗေသလမှာ အမှုဆောင်ဖို့ လျှောက်လွှာ ဘယ်လို တင်နိုင်သလဲ။