ခရစ်ယာန်အသက်တာလမ်းစဉ်
ဘုရားရဲ့ တရားစကားကို သင် ဘယ်လောက် တန်ဖိုးထားသလဲ
ကျမ်းစာမှာ ကျမ်းစာရဲ့ အာဘော်ရှင် ယေဟောဝါရဲ့ အတွေးတွေနဲ့ စကားတွေ ပါတယ်။ (၂ပ ၁:၂၀၊ ၂၁) နိုင်ငံတော်အားဖြင့် ဘုရားသခင့်အချုပ်အခြာအာဏာကို သံသယကင်းရှင်းစေမယ့်အကြောင်း အလေးပေးခြင်းအားဖြင့် ကျမ်းစာဟာ လူသားတွေကို ပိုကောင်းတဲ့အသက်တာ ရတော့မယ်ဆိုတဲ့ မျှော်လင့်ချက် ရှိစေတယ်။ ကျမ်းစာမှာ ကောင်းကင်ဘုံစံဖခင်ရဲ့ နှစ်သက်စရာ အရည်အသွေးတွေကိုလည်း ဖော်ပြထားတယ်။—ဆ ၈၆:၁၅။
ကျွန်တော်တို့အားလုံးဟာ ယေဟောဝါရဲ့ စကားတော်ကို အကြောင်းအမျိုးမျိုးကြောင့် တန်ဖိုးထားကြတယ်။ ကျမ်းစာကို နေ့တိုင်း ဖတ်ရှုခြင်း၊ လက်တွေ့ကျင့်သုံးခြင်းအားဖြင့် အဲဒီလက်ဆောင်ကို တန်ဖိုးထားကြောင်း ကျွန်တော်တို့ ဖော်ပြနေကြသလား။ “ပညတ်တော်ကို အလွန်နှစ်သက်ပါတယ်” ဆိုတဲ့ ဆာလံကျမ်းရေးသူရဲ့ သဘောထားမျိုး ရှိကြောင်း လုပ်ရပ်တွေအားဖြင့် သက်သေပြကြပါစို့။—ဆ ၁၁၉:၉၇။
ကျမ်းစာကို သူတို့ တန်ဖိုးထားခဲ့ကြ—ကောက်နုတ်ချက် (ဝီလျံ တင်ဒေး) ဗီဒီယိုကို ကြည့်ပါ၊ ပြီးတဲ့နောက် အောက်ပါမေးခွန်းတွေကို ဖြေပါ–
ကျမ်းစာရဲ့ အပိုင်းတစ်ပိုင်းကို ဝီလျံတင်ဒေး ဘာကြောင့် ဘာသာပြန်ခဲ့သလဲ။
ကျမ်းစာကို ဘာသာပြန်ဖို့ သူကြိုးစားခဲ့တာတွေက ဘာကြောင့် မှတ်သားထိုက်သလဲ။
တင်ဒေးရဲ့ ဘာသာပြန်ကျမ်းဟာ အင်္ဂလန်ကို ဘယ်လို ရောက်သွားသလဲ။
ဘုရားရဲ့ စကားတော်ကို တန်ဖိုးထားကြောင်း တစ်ယောက်စီ ဘယ်လို ပြသနိုင်သလဲ။