အမှုဆောင်လုပ်ငန်းမှာ ကျင့်သုံးပါ | အမှုဆောင်လုပ်ငန်းမှာ ပိုပျော်ရွှင်နိုင်ပုံ
စာနာမှု ပြပါ
စာနာမှုဆိုတာ တခြားသူတွေရဲ့ အတွေး၊ ခံစားချက်၊ ကိုယ်ကျင့်တရား စံနှုန်းနဲ့ လိုအပ်ရာတွေကို နားလည်ပေးခြင်း ဖြစ်တယ်။ တခြားသူတွေ အလွယ်တကူ သိမြင်နိုင်တဲ့ အရည်အသွေးပါပဲ။ တခြားသူတွေကို တကယ် ကူညီပေးချင်စိတ် ရှိရင် စာနာမှု ရှိလာပါလိမ့်မယ်။ အမှုဆောင်လုပ်ငန်းမှာ စာနာမှု ပြတာက ယေဟောဝါရဲ့ မေတ္တာနဲ့ ဂရုစိုက်မှုကို အတုယူတာ ဖြစ်တယ်။ လူတွေကို ယေဟောဝါဆီ ဆွဲဆောင်တယ်။—ဖိ ၂:၄။
စာနာမှု ပြတယ်ဆိုတာ သွန်သင်ခြင်း နည်းစနစ်လောက်ပဲ မဟုတ်ဘူး။ ကျွန်တော်တို့ရဲ့ နားထောင်ပုံ၊ ပြောဆိုပုံ၊ စိတ်သဘောထား၊ ကိုယ်ဟန်အမူအရာ၊ မျက်နှာနေ မျက်နှာထားမှာ ပေါ်လွင်တယ်။ တစ်ဖက်သားကို အမှန်တကယ် စိတ်ဝင်စားမှု ပြခြင်းအားဖြင့် စာနာမှု ပြကြတယ်။ တစ်ဖက်သားရဲ့ စိတ်ဝင်စားရာ၊ ယုံကြည်ချက်နဲ့ အခြေအနေကို ထည့်စဉ်းစားတယ်။ လက်တွေ့ကျတဲ့ အချက်အလက်တွေကို ပြောပြပေမဲ့ ပြောင်းလဲဖို့ အတင်း ဖိအားမပေးဘူး။ ကျွန်တော်တို့ရဲ့ အကူအညီကို လူတွေ လက်ခံရင်တော့ ပျော်ကြတယ်။
တပည့်ဖြစ်စေခြင်းလုပ်ငန်းမှာ ပျော်ရွှင်ဖို့ စွမ်းရည်များကို မြှင့်တင်ပါ—စာနာမှုပြခြင်း ဗီဒီယိုကို ကြည့်ပါ။ ပြီးနောက် အောက်ပါမေးခွန်းတွေကို ဖြေပါ။
ဂျက်စမင် နောက်ကျတဲ့အခါ နီတာ ဘယ်လို စာနာမှု ပြခဲ့သလဲ။
ကျမ်းစာလေ့လာဖို့ အားမရှိဘူးလို့ ဂျက်စမင် ပြောတဲ့အခါ နီတာ ဘယ်လို စာနာမှု ပြခဲ့သလဲ။
စာနာမှု ပြတာက လူတွေကို ယေဟောဝါဆီ ဆွဲဆောင်
သပ်သပ်ရပ်ရပ် မနေတတ်ဘူးလို့ ဂျက်စမင် ပြောတဲ့အခါ နီတာ ဘယ်လို စာနာမှု ပြခဲ့သလဲ။