လုံခြုံစိတ်ချရတဲ့ အနာဂတ်ကို လူတိုင်း လိုချင်ကြ

ဒါပေမဲ့ ကိုယ်လိုချင်တဲ့ အနာဂတ်မျိုး ရနိုင်ပါ့မလားလို့ လူတွေ သံသယ ဝင်ကြတယ်။ ကိုဗစ်-၁၉ ကပ်ရောဂါလိုမျိုး မျှော်လင့်မထားတဲ့ အဖြစ်အပျက်တွေ ရုတ်တရက် ဖြစ်လာတဲ့အခါ လူတွေရဲ့ ဘဝတွေ၊ စီးပွားရေးတွေ ကမောက်ကမ ဖြစ်ကုန်တယ်။ အသက်တွေလည်း ဆုံးရှုံးကြရတယ်။ ဒါကြောင့် လုံခြုံစိတ်ချရတဲ့ အနာဂတ် မရနိုင်တော့ဘူးလို့ လူတွေ ခံစားကြရတယ်။

ဘဝဟာ မသေချာ မရေရာတဲ့အတွက် လူတွေဟာ ပိုကောင်းတဲ့ အနာဂတ်ကို ရစေမယ့် အရာတစ်ခုခုကို အသည်းအသန် ရှာဖွေနေကြတယ်။ တချို့က ကံကြမ္မာကို ယုံကြည်ကြတယ်။ တချို့ကျတော့ ပညာရေး လိုက်စားကြတယ်။ စည်းစိမ်ဥစ္စာ ရှာဖွေ စုဆောင်းကြတယ်။ ဒါတွေက သူတို့ လိုချင်တဲ့ဘဝမျိုး ရရှိစေမယ်လို့ ယူဆကြတယ်။ တချို့ကျတော့လည်း လူကောင်းဖြစ်ရင် ရပြီ လို့ ယူဆကြတယ်။

ဘယ်အရာက ကိုယ်လိုချင်တဲ့ အနာဂတ်မျိုး ရရှိစေမလဲ။ အဖြေ သိရဖို့ အောက်ပါမေးခွန်းတွေကို သုံးသပ်ပါ။

• ကိုယ့်ရဲ့ အနာဂတ်ကို တကယ်တမ်း သတ်မှတ်ပေးတာက ဘာလဲ။

• ပညာရေးနဲ့ ငွေက ပိုကောင်းတဲ့ အသက်တာ ရစေနိုင်မလား။

• လူကောင်းဖြစ်ရင် လုံခြုံစိတ်ချရတဲ့ အနာဂတ် ပိုင်ဆိုင်နိုင်မလား။

• လုံခြုံစိတ်ချရတဲ့ အနာဂတ်ရဖို့ ယုံကြည်ရတဲ့ လမ်းညွှန်ကို ဘယ်မှာ ရှာတွေ့နိုင်သလဲ။

အဖြေရဖို့ ဒီကင်းမျှော်စင် စာစောင်က ကူညီပေးနိုင်ပါတယ်။