ရုပ်ပုံတွေကနေ သင်ယူပါ

အဖွဲ့အစည်းစာပေတွေမှာ အရေးကြီးအချက်တွေ သင်ပေးတဲ့ ရုပ်ပုံအများကြီး ပါတယ်။ ရုပ်ပုံတွေကနေ ကျွန်တော်တို့ ဘယ်လို သင်ယူနိုင်သလဲ။

• ဆောင်းပါးမဖတ်ခင် ဘာရုပ်ပုံတွေ ပါသလဲ အရင်ကြည့်ပါ။ (အာ. ၇:၇၊ ၈) စားချင်စဖွယ် ဟင်းပွဲတစ်ပွဲ မြင်လိုက်ရုံနဲ့တင် အားပါးတရ စားချင်လာသလို ရုပ်ပုံတွေ အရင်ကြည့်လိုက်တဲ့အခါ ဆောင်းပါးတစ်ပုဒ်လုံး အားပါးတရ ဖတ်ချင်လာမယ်။

• ဆောင်းပါးဖတ်တဲ့အခါ ဘာကြောင့် ဒီနေရာမှာ ဒီရုပ်ပုံ ထည့်ထားသလဲဆိုပြီး စဉ်းစားပါ။ ပုံစာတွေ၊ ပုံအညွှန်းတွေ ပါတယ်ဆိုရင် ဖတ်ပါ။ ဆောင်းပါးနဲ့ ရုပ်ပုံ ဘယ်လို ဆက်စပ်နေသလဲ၊ ဘာသင်ခန်းစာ ရသလဲ ဆန်းစစ်ပါ။

• ဆောင်းပါးဖတ်ပြီးတဲ့အခါ ရုပ်ပုံတွေ ကြည့်ပြီး ဆောင်းပါးရဲ့ အဓိကအချက်တွေ ပြန်စဉ်းစားပါ။ မျက်စိမှိတ်ရင်း ရုပ်ပုံတွေကို အတွေးထဲ ပြန်ပုံဖော်ကြည့်ပြီး သင်ခန်းစာတွေ မှတ်မိဖို့ ကြိုးစားပါ။

• ဒီစာစောင်မှာ ပါတဲ့ ရုပ်ပုံတွေ ပြန်ကြည့်ပြီး သင်ခန်းစာတွေ မှတ်မိ၊ မမှတ်မိ စမ်းကြည့်လိုက်ပါ။