ကျမ်းစာမှာ ငရဲကလေးအကြောင်း ပါသလား
သမ္မာကျမ်းစာဖြေဆိုရာ
လုံးဝ မပါဘူး။ ငရဲကလေး (purgatory) ဆိုတဲ့ စကားလုံး ကျမ်းစာမှာ မပါသလို သေသွားတဲ့သူရဲ့ ဝိညာဉ်ကို ငရဲကလေးမှာ သန့်စင်ပေးတယ်ဆိုပြီးလည်း ကျမ်းစာ မသွန်သင်ပါဘူး။a အပြစ်နဲ့သေခြင်းအကြောင်း ကျမ်းစာသွန်သင်တာက ငရဲကလေး အယူဝါဒနဲ့ ဘယ်လို ကွာခြားတယ်ဆိုတာ သုံးသပ်ကြည့်ရအောင်။
လူတစ်ယောက်ရဲ့အပြစ်ကို သန့်စင်ပေးတာက ငရဲကလေးမှာ အပြစ်ခံနေရချိန် မဟုတ်ဘဲ ယေရှုခရစ်ရဲ့ အသွေးအားဖြင့် ဖြစ်တယ်။ “ဘုရားသခင်၏သားတော် ယေရှုခရစ်၏ အသွေးတော်သည်၊ ငါတို့အပြစ်ရှိသမျှကို ဆေးကြောတော်မူ၏။” “ယေရှုခရစ် . . . ငါတို့ကိုချစ်၍ မိမိအသွေးနှင့် ငါတို့အပြစ်များကို ဆေးကြောတော်မူ” တယ်လို့ ကျမ်းစာမှာ ပြောထားတယ်။ (၁ ယောဟန် ၁:၇။ ဗျာဒိတ် ၁:၅) ယေရှုဟာ “လူများအတွက် ရွေးနုတ်ဖိုးအဖြစ် အသက်ကိုစွန့်” ခဲ့တယ်။—မဿဲ ၂၀:၂၈။
သေသွားတဲ့သူတွေဟာ ဘာကိုမှ မသိတော့ဘူး။ “အသက်ရှင်သောသူသည် မိမိသေရမည်ကို သိ၏။ သေသောသူမူကား အဘယ်အရာကိုမျှ မသိ။” (ဒေသနာ ၉:၅) သေသွားတဲ့သူတစ်ယောက်ဟာ ဘာခံစားချက်မှ မရှိတော့တဲ့အတွက် ငရဲကလေးရဲ့ မီးက သူ့ကို သန့်စင်ပေးနိုင်မှာ မဟုတ်ဘူး။
လူတစ်ယောက်သေဆုံးပြီးရင် အပြစ်အတွက် ဒဏ်ပေးတာ မရှိတော့ဘူး။ ကျမ်းစာပြောတာက “အပြစ်ရဲ့ အခကား သေခြင်း” ဖြစ်ပြီး “သေသောသူသည် အပြစ်တရား၏လက်မှ လွတ်လျက်ရှိ၏။” (ရောမ ၆:၇၊ ၂၃) သေခြင်းဟာ အပြစ်အတွက် ပြည့်စုံလုံလောက်တဲ့ ပြစ်ဒဏ်ဖြစ်တယ်။
a ငရဲကလေး အယူဝါဒနဲ့ပတ်သက်ပြီး စာအုပ်တစ်အုပ်မှာ “အဲဒီအကြောင်း ခရစ်ဝင်ကျမ်းတွေမှာ စကားလုံး တစ်လုံးတောင် မပါဘူး” လို့ ဖော်ပြထားတယ်။ (Orpheus: A General History of Religions) “သေချာစစ်ကြည့်လိုက်ရင် ကစ်သလစ်ဘာသာရဲ့ ငရဲကလေး အယူဝါဒဟာ ထုံးတမ်းစဉ်လာတွေကနေ ယူထားတာဖြစ်ပြီး ကျမ်းစာကို အခြေခံတာ မဟုတ်ဘူး” ဆိုပြီး ကက်သလစ်စွယ်စုံကျမ်းသစ် မှာ ဖော်ပြထားတယ်။—Second Edition, Volume 11, page 825.
b New Catholic Encyclopedia, Second Edition, Volume 11, page 824 ကို ကြည့်ပါ။