လူငယ်တို့—‘မွန်မြတ်တဲ့အလုပ်တွေမှာ စိတ်ထက်သန်’ သူဖြစ်ပါ

တိတုကို ရေးတဲ့စာမှာ တမန်တော်ပေါလုက တိတု အပါအဝင် လူငယ်အမျိုးသားတွေကို ‘မွန်မြတ်တဲ့အလုပ်တွေမှာ နည်းအမျိုးမျိုးနဲ စံနမူနာကောင်းပြ’ ဖို့ ကြိုးစားသင့်တယ်လို့ တိုက်တွန်းခဲ့တယ်။ (တိ ၂:၆၊ ၇) ယေရှုက ယေဟောဝါရဲ့လူတွေကို သန့်စင်ပေးပြီး “မွန်မြတ်တဲ့အလုပ်မှာ စိတ်ထက်သန်သူတွေဖြစ်” စေမယ်လို့ ဒီအခန်းကြီးမှာပဲ သူ ဆက်ရေးခဲ့တယ်။ (တိ ၂:၁၄) မွန်မြတ်တဲ့ အလုပ်တစ်ခုကတော့ ဘုရားသခင့် နိုင်ငံတော်အကြောင်း ဟောပြော၊ သွန်သင်ခြင်း ဖြစ်တယ်။ သင်ဟာ လူငယ်ဖြစ်တယ်ဆိုရင် သင့်ရဲ့ လူငယ်ခွန်အားကို သုံးပြီး အရန် ဒါမှမဟုတ် မှန်မှန်ရှေ့ဆောင် လုပ်နိုင်မလား။—ပ ၂၀:၂၉။

ရှေ့ဆောင်လုပ်ချင်တယ်ဆိုရင် လက်တွေ့ကျတဲ့ အစီအစဉ်တွေ ဆွဲပါ။ (လု ၁၄:၂၈-၃၀) ဥပမာ၊ အချိန်ပြည့်အမှုဆောင်နေချိန်မှာ ငွေရေးကြေးရေးအတွက် ဘယ်လို လုပ်မလဲ။ တောင်းဆိုထားတဲ့ နာရီ ပြည့်မီဖို့ ဘယ်လို လုပ်မလဲ။ ဒီအတွက် ယေဟောဝါဆီ အကူအညီတောင်းပါ။ (ဆ ၃၇:၅) သင့်အစီအစဉ်ကို မိဘတွေ၊ အောင်မြင်တဲ့ ရှေ့ဆောင်တွေနဲ့ တိုင်ပင်ပါ။ ပြီးတဲ့နောက် ပန်းတိုင်ပြည့်မီဖို့ စတင်လုပ်ဆောင်ပါ။ အမှုတော်အတွက် သင့်ရဲ့ ထက်သန်မှုကို ယေဟောဝါ ကောင်းချီးပေးမှာ သေချာပါတယ်။

ယေဟောဝါကို ဂုဏ်တင်တဲ့ လူငယ်များ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• တချို့သူတွေ ရှေ့ဆောင်လုပ်ဖို့ ဘယ်အခက်အခဲတွေ ရင်ဆိုင်ခဲ့ရသလဲ။ သူတို့ ဘယ်လို လုပ်ခဲ့ကြသလဲ။

• သားသမီးတွေ မှန်မှန်ရှေ့ဆောင်လုပ်ဖို့ မိဘတွေ ဘယ်လို ကူညီပေးနိုင်သလဲ။

• ဟောပြောခြင်းအတွက် ဇယားရှိဖို့ ဘာကြောင့် အရေးကြီးသလဲ။

• အသင်းတော်သားတွေဟာ ရှေ့ဆောင်တစ်ယောက်ကို ဘယ်လို အားပေး၊ ကူညီနိုင်သလဲ။

• ရှေ့ဆောင်တွေ ဘာကောင်းချီး ခံစားရသလဲ။