ဘုရားသခင့်တောင်းဆိုချက်များ လူများ သိရှိစေရန် အကူအညီပေးသည့် ကိရိယာသစ်တစ်ခု

“ယင်း၏ရိုးရှင်းသော၊ တိုက်ရိုက်ဖြစ်သော၊ ကြင်နာသောချဉ်းကပ်ပုံသည် မျှော်လင့်ထားသည်များထက် ရလဒ်များဖြစ်စေမည်။ အကြောင်းအရာများကို ရှင်းလင်းနှစ်သက်ဖွယ်ပုံစံနှင့် ဖော်ပြထားရကား စိတ်ရင်းမှန်နှင့်ရှာဖွေသူတို့က ‘ဘုရားသခင်သည် သင်တို့တွင် အမှန်ရှိတော်မူသည်’ ဟုပြောဆိုရန် လှုံ့ဆော်ခံရမည်။” (၁ ကောရိန္သု ၁၄:၂၅) ကျွန်ုပ်တို့ထံမှ ဘုရားသခင် အဘယ်အရာတောင်းဆိုတော်မူသနည်း ဘရိုရှာအသစ်ရရှိသည့်အခါ ထိုင်းနိုင်ငံမှ ယေဟောဝါသက်သေတစ်ဦး ထိုသို့ပြောခဲ့သည်။ ၁၉၉၆/၉၇ ခုနှစ်အတွင်း “ဘုရားရေးရာငြိမ်သက်ခြင်း၏တမန်များ” ခရိုင်စည်းဝေးကြီးတွင် ယင်းကို ကင်းမျှော်စင်အသင်းက ထုတ်ဝေခဲ့သည်။

ဤ ၃၂ မျက်နှာရောင်စုံပြည့်ဘရိုရှာကို ကျမ်းစာသင်ရန်အတွက် ပြုလုပ်ထားသည်။ ယင်းသည် ကျမ်းစာအခြေခံသွန်သင်ချက်များကို ဖော်ပြထားသည်။ သုံးထားသောစကားလုံးများသည် ကျွန်ုပ်တို့ထံမှ ဘုရားသခင်တောင်းဆိုသည့်အရာကို တိုတိုဖြင့် ပီပြင်စွာရှင်းပြထားသည်။ ဖတ်ရှုသူများက ယင်းကိုနားလည်ရန် အခက်အခဲမရှိသင့်ပါ။ သင်သည် ဤဘရိုရှာအသစ်နှင့် ကျမ်းစာသင်အံမှုတစ်ခု မည်သို့ပြုလုပ်မည်နည်း။

မေးခွန်းများကိုအသုံးပြုပါ။ သင်ခန်းစာတစ်ခုစီ၏အစတွင် မေးခွန်းများရှိသည်။ မေးခွန်းတစ်ခုပြီးသည့်နောက် ကွင်းထဲတွင် အဖြေတွေ့ နိုင်သည့် အပိုဒ်နံပါတ်များတွေ့ရမည်။ ယင်းမေးခွန်းများကို သွန်သင်ခြင်းအထောက်အကူအဖြစ် ကြိုတင်သုံးသပ်ရန်နှင့် ပြန်လည်သုံးသပ်ရန်အတွက် အသုံးပြုနိုင်သည်။ ဥပမာ၊ အိမ်တွင်းကျမ်းစာသင်အံမှုအစ၌ သင်သည် သင်တန်းသား၏မှတ်ချက်များရရှိဖို့ မေးခွန်းများမေးပေမည်။ အဖြေမှားများကို ချက်ချင်းပြင်ပေးခြင်းထက် သင်အံမှုကို ဆက်လုပ်နိုင်သည်။ သင်ခန်းစာအဆုံး၌ သင်တန်းသားက ကျမ်းစာနှင့်အညီ အဖြေပေးနိုင်၊ မပေးနိုင်သိရှိရန် မေးခွန်းများကို ပြန်မေးကြည့်နိုင်သည်။

ကျမ်းချက်များကိုဖွင့်ကြည့်ပါ။ သင်ခန်းစာတိုင်း၌ ကျမ်းစာသမ္မာတရားတင်ပြချက်များကို ထောက်ခံသောကျမ်းချက်များနှင့်ဖော်ပြထားသည်။ ကျမ်းချက်အများစုသည် ညွှန်းပြချက်ဖြစ်ပြီး ကိုးကားချက်မဟုတ်သောကြောင့် သင်တန်းသား၏ကိုယ်ပိုင်ကျမ်းစာကို ဖွင့်ကြည့်ရန် အားပေးခြင်းသည်အရေးကြီးသည်။ သူ၏ဘဝအသက်တာတွင် ဘုရားသခင့်နှုတ်ကပါဌ်စကားတော်ကို မကျင့်သုံးမီ လေ့လာခြင်းနှင့်ဆင်ခြင်တွေးတောခြင်းတို့ လိုအပ်သည်။—ယောရှု ၁:၈။

ရုပ်ပုံများကိုပေါ်လွင်စေပါ။ ဘရိုရှာကို ဓာတ်ပုံများ၊ ပန်းချီများတို့ဖြင့် များပြားစွာ သရုပ်ဖော်ထားသည်—ရုပ်ပုံ ၅၀ ကျော်ပါရှိသည်။ ယင်းတို့သည် အလှကြည့်ရုံအတွက်သာမဟုတ်ဘဲ သွန်သင်ခြင်းအထောက်အကူအတွက်လည်းဖြစ်စေသည်။ ဥပမာ၊ နောက်ဆုံးသင်ခန်းစာနှစ်ခုမှာ (စာမျက်နှာတစ်ခုစီ၊ မျက်နှာချင်းဆိုင်စာမျက်နှာများပေါ်တွင်) “ဘုရားသခင့်အလိုတော်ကိုဆောင်ရန် အခြားသူများအားကူညီပေးခြင်း” နှင့် “ဘုရားသခင့်အမှုတော်ကိုထမ်းဆောင်ရန် အသင့်ဆုံးဖြတ်ချက်” တို့ဖြင့်ခေါင်းစဉ်တပ်ထားသည်။ စာမျက်နှာနှစ်မျက်နှာ အပြည့်ပါရှိသောဓာတ်ပုံများသည် လူတစ်ဦး၏ အလွတ်သဘောသက်သေခံခြင်းကိုပြသခြင်း၊ တစ်အိမ်မှတစ်အိမ်လုပ်ငန်း၌ပါဝင်ခြင်း၊ ဆက်ကပ်အပ်နှံမှုကိုပြုလုပ်ခြင်း၊ နောက်ဆုံးနှစ်ခြင်းယူခြင်းစသည့် ဝိညာဏတိုးတက်မှုကို ဖော်ပြထားသည်။ ယင်းရုပ်ပုံများကို သင်တန်းသားအာရုံစိုက်စေခြင်းအားဖြင့် ဘုရားသခင့်အမှုတော်ဆောင်ရန် လိုအပ်သည့်ခြေလှမ်းများကို မြင်တွေ့ နိုင်ရန် ကူညီပေးသည်။

အကယ်၍ စိတ်ဝင်စားသောသူတစ်ဦးသည် ကောင်းစွာစာမဖတ်နိုင် သို့မဟုတ် လုံးဝစာမဖတ်နိုင်လျှင်ကော။ အသင်းမသည် ယင်းဘရိုရှာအသစ်ကို ကက်ဆက်ခွေအဖြစ် ဘာသာစကားပေါင်းများစွာရနိုင်အောင် ပြုလုပ်လျက်ရှိသည်။ ကက်ဆက်ခွေထဲတွင် ဘရိုရှာ၏စာသားနှင့်အတူ ညွှန်းပြထားသော ကျမ်းချက်များလည်းပါရှိသည်။ ယင်းကိုအောက်ပါအတိုင်း အသံသွင်းထားသည်– ပထမမေးခွန်းဖတ်ပြီးနောက် ညွှန်းထားသောကျမ်းချက်များနှင့်တကွ အဖြေပါရှိသည့်အပိုဒ် (သို့မဟုတ် အပိုဒ်များ) ကိုဖတ်သည်။ ထိုနောက် နောက်မေးခွန်းတစ်ခုကိုဖတ်ပြီး အဖြေပါရှိသည့်အပိုဒ်နှင့် ကျမ်းချက်များကိုဖတ်သည်၊ စသည်ဖြင့်။ သင်တန်းသားက သင်အံမှုအတွက် ကြိုတင်ပြင်ဆင်စဉ် တိပ်ခွေကိုနားထောင်နိုင်သည်။ ကက်ဆက်ခွေကို သင်အံမှုပြုလုပ်နေစဉ်အတွင်းလည်း အသုံးပြုနိုင်သည်။

စည်းဝေးကြီးတက်ရောက်သူများသည် သူတို့၏လယ်ကွင်းလုပ်ငန်းတွင် ဤဘရိုရှာအသစ်ကို အသုံးပြုရန် စိတ်အားထက်သန်ခဲ့ကြသည်။ ဥပမာ၊ ဘရိုရှာရရှိသည့်နောက် ရက်ပိုင်းအတွင်း အမေရိကန်ပြည်ထောင်စုမှ ရှေ့ဆောင်နှစ်ဦးသည် (အချိန်ပြည့်ဧဝံဂေလိဟောပြောသူများ) မိမိတို့လည်ပတ်နေသည့် ငယ်ရွယ်သောဇနီးမောင်နှံတို့ကို ဝေငှခဲ့သည်။ ဇနီးမောင်နှံက မာတိကာကိုကြည့်လိုက်သောအခါ “ဘုရားသခင်ရွံမုန်းသောအကျင့်အကြံများ” သင်ခန်းစာက သူတို့၏စိတ်အာရုံကို ဖမ်းစားခဲ့သည်။ “ဘုရားသခင်ဟာ ဘယ်တော့မှမမုန်းနိုင်ဘူးလို့ ကျွန်မအမြဲတမ်းသင်ခဲ့ရတယ်—ကိုယ်တော်ဟာ မေတ္တာအလုံးစုံပဲ” ဟုအမျိုးသမီးငယ်ကပြောခဲ့သည်။ “ဒီအကြောင်းအရာကို ကျွန်မပထမဆုံးဖတ်မယ်။” နောက်တစ်ပတ် ရှေ့ဆောင်နှစ်ဦး ရောက်သွားသောအခါ အမျိုးသမီးငယ်က ဤသို့ပြောခဲ့သည်– “ဘရိုရှာအသစ်ကို ကျွန်မဖတ်နေပါတယ်။ ကျွန်မတို့ လုပ်သင့်တဲ့အရာအားလုံးကို ပြုလုပ်ဖို့မလွယ်ကူဘူး။ ယေဟောဝါ ကျွန်မတို့ကိုနှစ်သက်မှာ မဟုတ်ဘူး—ကျွန်မတို့ လက်မထပ်ရသေးဘူး။ ဒါပေမဲ့ ဆုံးဖြတ်ချက်ချပြီးပါပြီ။ လာမယ့်သောကြာနေ့မှာ လက်ထပ်ကြဖို့ ပြင်ဆင်မှုတွေလုပ်ပြီးပါပြီ။” ရှေ့ဆောင်ဇနီးမောင်နှံကို ဖက်ယမ်းပြီး သူတို့ထပ်ပြောခဲ့သည်– “သင်အံမှုမှန်မှန်မပြုလုပ်တဲ့အတွက် ကျွန်မတို့တောင်းပန်ပါတယ်၊ ဒါပေမဲ့ ကျွန်မတို့ရဲ့ ဝန်ထုပ်ကြီး ကျသွားပါပြီ။”

တောင်းဆို ဘရိုရှာအသစ်ကို အသုံးချပါလေ။ ယင်းသည် အခြားသူများကို ဘုရားသခင့်တောင်းဆိုချက်များ သိရှိစေရန် အကူအညီဖြစ်စေသည့် ထူးခြားသောကိရိယာတစ်ခုဖြစ်သည်။

[စာမျက်နှာ ၁၇ ပါ ရုပ်ပုံ]

ဘရိုရှာအသစ်ကို သင်တို့ မည်ကဲ့သို့အသုံးပြုမည်နည်း