“ယုံကြည်ခြင်း၌ တည်မြဲ” နေဖို့ ကူညီပေးပါ
ယေဟောဝါဘုရားသခင်က စုသိမ်းခြင်းလုပ်ငန်းအပေါ်မှာ ကောင်းချီးပေးနေပါတယ်။ နှစ်စဉ်နှစ်တိုင်း လူသစ် နှစ်သိန်းခွဲကျော် နှစ်ခြင်းခံနေတာကို သိရတဲ့အတွက် ကျွန်ုပ်တို့အားလုံး အရမ်းပျော်ကြပါတယ်။ (တရား. ၂၈:၂) ကြေညာသူတစ်ဦးက ကျမ်းစာသင်သားတစ်ဦးကို နှစ်ခြင်းခံအောင် ကူညီပေးပြီးတဲ့အခါ သူနဲ့ ကျမ်းစာဆက်မသင်တော့ဘဲ တခြားသူကို ကူညီပေးရမယ်ဆိုတဲ့ စိတ်သဘောထားရှိနိုင်ပါတယ်။ သင်သားဖြစ်သူကလည်း အမှုဆောင်လုပ်ငန်းမှာ ပိုပြီးပါဝင်နိုင်ဖို့ ကြိုးစားတဲ့အတွက် လေ့လာမှုဘက်မှာ အားနည်းသွားနိုင်ပါတယ်။ ဘယ်လိုပဲဖြစ်ပါစေ ကျမ်းစာသင်သားတစ်ယောက်ဟာ အမှန်တရားဘက်မှာ ကောင်းကောင်းအခြေခိုင်ဖို့ လိုပါတယ်။ သူတို့ဟာ ခရစ်တော်မှာ “စွဲမြဲ” နေဖို့လိုပြီး “ယုံကြည်ခြင်း၌ တည်မြဲ” နေဖို့အရေးကြီးပါတယ်။ (ကော. ၂:၆၊ ၇; ၂ တိ. ၃:၁၂) ဒါကြောင့် ကျမ်းစာသင်သားတစ်ယောက်ဟာ နှစ်ခြင်းခံပြီးသွားတဲ့အခါမှာလည်း သမ္မာကျမ်းစာသွန်သင်ရာ စာအုပ်နဲ့ ဘုရားသခင့်မေတ္တာတော် စာအုပ်ကို ပြီးအောင် ဆက်လေ့လာဖို့ လိုအပ်ပါတယ်။—ဧပြီ ၂၀၁၁ ကျွန်ုပ်တို့၏ နိုင်ငံတော်ဓမ္မအမှု၊ စာမျက်နှာ ၂ ကို ကြည့်ပါ။