အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—မတိုးတက်တဲ့ ကျမ်းစာသင်အံမှုတွေကို ရပ်လိုက်ခြင်း

ဘာကြောင့် အရေးကြီး– လူတွေ ကယ်တင်ခံရဖို့ ယေဟောဝါရဲ့ နာမည်ကို ခေါ်ရမှာ ဖြစ်တယ်။ (ရ ၁၀:၁၃၊ ၁၄) ဒါပေမဲ့ ကျမ်းစာလေ့လာဖို့ သဘောတူတဲ့သူတိုင်းကတော့ ယေဟောဝါရဲ့စံနှုန်းအတိုင်း နေထိုင်ချင်ကြတာ မဟုတ်ဘူး။ ယေဟောဝါရဲ့ မျက်နှာသာရဖို့ အမှန်တကယ် ပြောင်းလဲချင်သူတွေကို ကူညီပေးခြင်းအားဖြင့် ကျွန်တော်တို့ရဲ့ အဖိုးတန်အချိန်တွေကို အသုံးပြုကြပါတယ်။ ဒါကြောင့် ကျမ်းစာသင်းသားတစ်ယောက်ဟာ အချိန်အတိုင်းအတာ တစ်ခုအတွင်းမှာ မတိုးတက်ဘူးဆိုရင် သူ့ကို ကျမ်းစာ ဆက်မသင်တော့ဘဲ အဖွဲ့အစည်းထံ ယေဟောဝါ ဆွဲဆောင်သူကိုပဲ ကူညီဖို့ ကျွန်တော်တို့ရဲ့ အချိန်ကို အသုံးပြုမှာဖြစ်တယ်။ (ယဟ ၆:၄၄) ဒါပေမဲ့ နောက်ပိုင်းမှာ အဲဒီပုဂ္ဂိုလ်ဟာ ပြောင်းလဲလာပြီး “ထာဝရအသက်ရဖို့ စိတ်ရင်းမှန်နဲ့ ကြိုးစား” သူဖြစ်ကြောင်း ဖော်ပြတယ်ဆိုရင် ကျမ်းစာသင်အံမှုကို ပြန်စနိုင်ပါတယ်။—တ ၁၃:၄၈။

လုပ်ဆောင်နိုင်ပုံ–

• တိကျမှန်ကန်တဲ့ အသိပညာ ရယူချင်တဲ့အတွက် ကျမ်းစာသင်သားကို ချီးမွမ်းပါ။—၁တိ ၂:၄

• လေ့လာသိရှိတာကို လက်တွေ့ကျင့်သုံးဖို့ အရေးကြီးကြောင်း ပြောပြပါ။—လု ၆:၄၆-၄၉

• မျိုးကြဲသူ ပုံဥပမာအကြောင်း ပြောပြပါ၊ တိုးတက်ဖို့ ဘာက အတားအဆီး ဖြစ်နေသလဲဆိုတာ သူ့ကို မေးကြည့်ပါ။—မ ၁၃:၁၈-၂၃

• ဘာကြောင့် ကျမ်းစာ ဆက်မသင်ပေးတော့သလဲဆိုတာ လိမ္မာပါးနပ်စွာ ရှင်းပြပါ

• သူ့ဆီကို မကြာမကြာ လာလည်ပတ် အားပေးမယ့်အကြောင်း၊ သူ တိုးတက်လာတဲ့အခါ ကျမ်းစာပြန်သင်ပေးမယ့်အကြောင်း ပြောပြပါ

ဗီဒီယိုကို ကြည့်ပြီး အောက်ပါမေးခွန်းတွေကို ဖြေပါ–

• ကျမ်းစာသင်သား မတိုးတက်ဘူးဆိုတာ ဒီစကားပြောခန်းကနေ ဘယ်လို သိရသလဲ။

• ပြောင်းလဲဖို့လိုမှန်း ကျမ်းစာသင်သား နားလည်လာအောင် ကြေညာသူ ဘယ်လို ကူညီပေးသလဲ။

• ကြေညာသူက နောက်ပိုင်း တစ်ချိန်ချိန်မှာ ကျမ်းစာပြန်သင်ပေးနိုင်ဖို့ ဘယ်လို လမ်းဖွင့်ထားခဲ့သလဲ။