သင်ခန်းစာ ၄
ကျမ်းချက်တွေကို ဆီလျော်စွာ မိတ်ဆက်ပေးခြင်း
မဿဲ ၂၂:၄၁-၄၅
အကျဉ်းချုပ်– ကျမ်းချက် မဖတ်ပြခင် နားထောင်နေသူတွေရဲ့ စိတ်နှလုံးကို ပြင်ဆင်ပေးပါ။
လုပ်ဆောင်နိုင်ပုံ–
ကျမ်းချက်ကို ဘာကြောင့် ဖတ်ရတယ်ဆိုတာ စဉ်းစားပါ။ ကျမ်းပိုဒ်ထဲက သင်ပေါ်လွင်စေချင်တဲ့ အချက်ကို နားထောင်နေသူတွေ သိမြင်လာစေနိုင်မယ့်နည်းနဲ့ ကျမ်းချက်ကို မိတ်ဆက်ပါ။
ကျမ်းစာကို အဓိကရင်းမြစ်အဖြစ် ညွှန်းပါ။ ဘုရားကို ယုံကြည်တဲ့သူတွေနဲ့ စကားပြောတဲ့အခါ ကျမ်းစာဟာ “ဘုရားသခင့်တရားစကား” ဖြစ်ကြောင်း သိမြင်စေပါ။ ဒီနည်းနဲ့ သင်ဟာ ဘုရားသခင့်အတွေးအခေါ်တွေကို သွန်သင်ပေးနေမှန်း သိစေနိုင်တယ်။
ကျမ်းချက်ကို စိတ်ဝင်စားလာအောင် လှုံ့ဆော်ပေးပါ။ ကျမ်းချက်မှာ အဖြေပေးထားတဲ့ မေးခွန်းတစ်ခု မေးပါ။ ကျမ်းချက်မှာ ဖြေရှင်းထားတဲ့ ပြဿနာတစ်ခုကို ပြောပါ။ ကျမ်းစာမှတ်တမ်းကနေ သိလာရမယ့် မူတစ်ခုကို ဖော်ပြပါ။