ဒီကမ္ဘာကို အုပ်ချုပ်နေသူက ဘယ်သူလဲ

ကျမ်းစာအဆို

‘တစ်လောကလုံးကတော့ ဆိုးညစ်သူရဲ့ ဩဇာအောက်မှာ ရှိနေတယ်။’—၁ ယောဟန် ၅:၁၉။

“ဘုရားသခင်၏သား (ခရစ်တော်) သည် မာရ်နတ်၏ လုပ်ဆောင်မှုများကို ဖျက်ဆီးရန် ကြွလာသည်။”—၁ ယောဟန် ၃:၈၊ နားလည်လွယ်သော ခေတ်သုံးမြန်မာကျမ်း။

သမ္မာကျမ်းစာကနေ ရရှိနိုင်မယ့် အကျိုးကျေးဇူးများ

ကမ္ဘာ့ပြဿနာတွေနဲ့ပတ်သက်ပြီး ကျိုးကြောင်းညီညွတ်တဲ့ ရှင်းပြချက်များ။—ဗျာဒိတ် ၁၂:၁၂။

ကမ္ဘာ့အခြေအနေတွေ ပိုကောင်းလာတော့မယ်လို့ ယုံကြည်စိတ်ချနိုင်တဲ့ အကြောင်းရင်း။—၁ ယောဟန် ၂:၁၇။

ကျမ်းစာအဆိုကို ယုံကြည်စိတ်ချနိုင်ပါသလား

စိတ်ချနိုင်တဲ့ အကြောင်းရင်း အနည်းဆုံး သုံးခု ရှိပါတယ်–

• စာတန်မာရ်နတ်ရဲ့ အုပ်ချုပ်မှုက ပျက်စီးကိန်းဆိုက်နေပြီ။ ယေဟောဝါဘုရားဟာ လူသားတွေအပေါ် စာတန်မာရ်နတ် အုပ်ချုပ်နေတာကို အဆုံးတိုင်ဖို့ ဆုံးဖြတ်ချက် ချထားပြီးပြီ။ “မာရ်နတ်ကို . . . ဖျက်ဆီး” ပြီး မာရ်နတ် ဖြစ်ပေါ်စေခဲ့တဲ့ ပြဿနာ အားလုံးကို လုံးဝ ဖယ်ရှားပစ်လိုက်မယ်လို့ ဘုရားသခင် ကတိပြုထားတယ်။—ဟီဘရူး ၂:၁၄။

• ကမ္ဘာကို အုပ်ချုပ်ဖို့ ယေရှုခရစ်ကို ဘုရားသခင် ရွေးချယ်ထားပြီးပြီ။ ယေရှုဟာ ရက်စက်ပြီး တစ်ကိုယ်ကောင်းဆန်တဲ့ လက်ရှိ ကမ္ဘာ့အုပ်စိုးရှင်နဲ့ လုံးဝ မတူပါဘူး။ ဘုရင် ယေရှုခရစ်နဲ့ပတ်သက်ပြီး ဘုရားသခင် ဒီလိုကတိပြုထားပါတယ်– “နိမ့်ကျသူတွေ၊ နွမ်းပါးသူတွေကို သနားလိမ့်မယ်။ . . . ဖိနှိပ်မှုနဲ့ အကြမ်းဖက်မှုကနေ ကယ်တင်လိမ့်မယ်။”—ဆာလံ ၇၂:၁၃၊ ၁၄။

• ဘုရားသခင်က မုသာမသုံးနိုင်ပါဘူး။ “ဘုရားသခင်ဘက်က မုသားပြောဆိုဖို့ဆိုတာ မဖြစ်နိုင်ဘူး” လို့ သမ္မာကျမ်းစာမှာ ရှင်းရှင်းလင်းလင်း ဖော်ပြထားပါတယ်။ (ဟီဘရူး ၆:၁၈) တစ်စုံတစ်ရာကို လုပ်ဆောင်ပေးမယ်လို့ ဘုရားသခင် ကတိပြုတဲ့အခါ လုပ်ဆောင် ပြီးတဲ့အလား ကိုယ်တော် ရှုမြင်တယ်။ (ဟေရှာယ ၅၅:၁၀၊ ၁၁) ဘုရားသခင်က “ဒီလောကရဲ့မင်းကို နှင်ထုတ်ပစ်လိမ့်မယ်။”—ယောဟန် ၁၂:၃၁။