စိတ်ဖိစီးမှုမှ လွတ်မြောက်ခြင်း
စိတ်ဖိစီးမှု မရှိတဲ့ အသက်တာ
ကျမ်းစာမှာပါတဲ့ ဉာဏ်ပညာက မလိုအပ်တဲ့ စိတ်ဖိစီးမှုတွေကို ရှောင်ရှားဖို့ ကူညီနိုင်တယ်။ စိတ်ဖိစီးမှု အားလုံးကိုတော့ ကိုယ့်ဘာသာကိုယ် မဖယ်ရှားနိုင်ဘူး။ ဖန်ဆင်းရှင်ပဲ ဖယ်ရှားပေးနိုင်တယ်။ ကျွန်တော်တို့ကို ကူညီပေးဖို့ ယေရှုခရစ်ကို ဘုရားခန့်ထားတယ်။ မြေကြီးပေါ် လူသားဘဝတုန်းက လုပ်ဆောင်ခဲ့တာထက် ပိုကောင်းတာတွေကို မကြာခင် တစ်ကမ္ဘာလုံးမှာ ယေရှု လုပ်ဆောင်ပေးတော့မယ်။ ဥပမာ၊
ဖျားနာသူတွေကို ယေရှု ကုသပေးမယ်။
“ရောဂါဝေဒနာအမျိုးမျိုး စွဲကပ်နေသူတွေကို ခေါ်လာကြတဲ့အတွက် ယေရှု ကုသပေးတယ်။”—မဿဲ ၄:၂၄။
လူတိုင်းအတွက် နေစရာ၊ စားစရာ ယေရှု စီစဉ်ပေးမယ်။
“လူတွေ [ခရစ်တော်ရဲ့ အုပ်ချုပ်မှုကို လက်အောက်ခံသူတွေ] က အိမ်တွေဆောက်ပြီး ကိုယ်တိုင်နေထိုင်ရလိမ့်မယ်။ စပျစ်ခြံတွေစိုက်ပြီး စပျစ်သီးတွေကို ကိုယ်တိုင်စားသုံးရလိမ့်မယ်။ သူတို့ဆောက်တဲ့အိမ်မှာ တခြားသူတွေ နေထိုင်မှာ မဟုတ်ဘူး။ သူတို့စိုက်ပျိုးတဲ့ အပင်တွေကို တခြားသူတွေ စားသုံးမှာ မဟုတ်ဘူး။”—ဟေရှာယ ၆၅:၂၁၊ ၂၂။
ယေရှုရဲ့ အုပ်ချုပ်မှုက တစ်ကမ္ဘာလုံးကို ငြိမ်းချမ်းလုံခြုံစေမယ်။
“မင်းကြီးရဲ့လက်ထက်မှာ ဖြောင့်မတ်သူတွေ ကြီးပွားလိမ့်မယ်။ လမင်းတည်ရှိနေသရွေ့ ငြိမ်သက်ခြင်း တိုးများလိမ့်မယ်။ လက်အောက်ခံ ပြည်သူပြည်သားတွေဟာ ပင်လယ်တစ်ပြင်ကနေ တစ်ပြင်အထိ၊ မြစ်ကြီးကနေ မြေကြီးစွန်းအထိ ရှိကြလိမ့်မယ်။ . . . မင်းကြီးရဲ့ရန်သူတွေ မြေမှုန့်ကို လျက်ရလိမ့်မယ်။”—ဆာလံ ၇၂:၇-၉။
တရားမမျှတမှုကို ယေရှု ဖယ်ရှားပေးမယ်။
“နိမ့်ကျသူတွေ၊ နွမ်းပါးသူတွေကို သနားလိမ့်မယ်။ ဆင်းရဲသားတွေရဲ့အသက်ကို ကယ်တင်လိမ့်မယ်။ သူတို့ကို ဖိနှိပ်မှုနဲ့ အကြမ်းဖက်မှုကနေ ကယ်တင် လိမ့်မယ်။”—ဆာလံ ၇၂:၁၃၊ ၁၄။
ဆင်းရဲဒုက္ခနဲ့ သေခြင်းကိုတောင် ယေရှု ဖယ်ရှားပေးမယ်။
“သေခြင်းရှိတော့မှာ မဟုတ်ဘူး။ ငိုကြွေးမြည်တမ်းခြင်း၊ အော်ဟစ်ခြင်း၊ နာကျင်ခြင်းလည်း ရှိတော့မှာ မဟုတ်ဘူး။”—ဗျာဒိတ် ၂၁:၄။