သွန်သင်ခြင်း လေးထောင့်ကွက် ၂၁က
‘ဖယ်ထားရမယ့် အလှူမြေကွက်’
ယေဟောဝါ သီးသန့်ဖယ်ထားတဲ့ မြေကွက်ကို ယေဇကျေလနဲ့အတူ အနီးကပ် လိုက်ပါလေ့လာကြရအောင်။ မြေကွက်မှာ အပိုင်းငါးပိုင်း ပါတယ်။ ဘာတွေလဲ။ ဘာအတွက်လဲ။
က။ “အလှူမြေကွက်”
ဒီမြေကွက်ဟာ အုပ်ချုပ်ရေးပိုင်းအတွက် ဖြစ်ပြီး “စီမံခန့်ခွဲအုပ်ချုပ်သူတို့အတွက် မြေကွက်” လို့ ခေါ်တယ်။
ခ။ “အလှူမြေတစ်ခုလုံး”
ဒီအပိုင်းဟာ ပုရောဟိတ်တွေ၊ လေဝိအမျိုးသားတွေနဲ့ မြို့တော်အတွက် ဖြစ်တယ်။ ၁၂ နွယ်သားတိုင်း ယေဟောဝါကို ဒီနေရာမှာ ကိုးကွယ်ကြတယ်။ စီမံခန့်ခွဲမှု အစီအစဉ်ကို ထောက်မကြတယ်။
ဂ။ “အကြီးအမှူးရဲ့ နယ်မြေ”
“အစ္စရေးပြည်မှာ ဒီမြေကို အကြီးအမှူး ပိုင်ရလိမ့်မယ်။” “ဒါဟာ အကြီးအမှူးအတွက်ပဲ။”
ဃ။ “သန့်ရှင်းတဲ့မြေကွက်”
အပေါ်ပိုင်းက “လေဝိအမျိုးသားတွေအတွက်၊” “သန့်ရှင်းတဲ့ မြေကွက်” ဖြစ်တယ်။ အလယ်ပိုင်းက “ပုရောဟိတ်တွေအတွက် သန့်ရှင်းတဲ့အလှူမြေကွက်၊” “နေအိမ်တွေရော ဗိမာန်တော်အတွက် သန့်ရှင်းတဲ့မြေနေရာ” ဖြစ်တယ်။
င။ “ကျန်မြေကွက်”
“အဲဒါကို အစ္စရေးတစ်မျိုးလုံး ပိုင်လိမ့်မယ်။” “မြို့သူမြို့သားတွေ အထွေထွေ သုံးဖို့၊ အိမ်ရာနဲ့ စားကျက်မြေအတွက် သုံးဖို့ ဖြစ်တယ်။”