14. Afaka ny ho Sambatra ny Fianakavianao

1 I JEHOVAH NO NAMORONA NY FIANAKAVIANA

‘Ny Ray no ahazoan’ny fianakaviana rehetra any an-danitra sy eto an-tany anarana.’—Efesianina 3:14, 15

Afaka ny ho sambatra ve ny fianakavianao?

• Genesisy 1:26-28

  I Jehovah no namorona ny fianakaviana.

• Efesianina 5:1, 2

  Tahafo i Jehovah sy Jesosy, dia ho sambatra ny fianakavianao.

2 INONA NO TOKONY HATAON’NY MPIVADY?

“Aoka ... ny lehilahy tsirairay avy ho tia ny vadiny ..., ary aoka kosa ny vehivavy hanaja fatratra ny vadiny.”—Efesianina 5:33

Inona no tokony hataon’ny lehilahy sy ny vehivavy manambady?

• Efesianina 5:22-29

  Ny lehilahy no loham-pianakaviana. Tokony ho tia ny vadiny izy, ary tokony hanaiky ny fanapahan-keviny ilay vehivavy.

• Kolosianina 3:19; 1 Petera 3:4

  Tokony ho samy tsara fanahy sy hitady izay hahasoa ny vadiny izy ireo.

• 1 Petera 3:1, 2, 7

  Tokony hifanaja ny mpivady.

• 1 Timoty 5:8; Titosy 2:4, 5

  Tokony hamelona ny vady aman-janany ny lehilahy. Tokony hikarakara tokantrano ny vehivavy.

3 INONA NO TOKONY HATAON’NY RAY AMAN-DRENY?

“Aza mampahatezitra ny zanakareo, fa tezao hatrany araka ny fananarana sy ny fomba fisainan’i Jehovah izy.”—Efesianina 6:4

Inona no andraikitry ny ray aman-dreny?

• Deoteronomia 6:4-9; Ohabolana 22:6

  Dieny mbola kely ny zanakareo dia ampianaro tsikelikely mba hahalala an’i Jehovah sy ho lasa namany.

• 1 Petera 5:8

  Ampianaro izy ireo mba ho voaro amin’ny olon-dratsy sy ny mpametaveta.

• Jeremia 30:11; Hebreo 12:9-11

  Aza masiaka na tezitra loatra rehefa mananatra na manasazy ny zanakao.

4 INONA NO ASAIN’I JEHOVAH ATAON’NY ANKIZY?

“Ianareo zanaka, ankatoavy ny ray aman-dreninareo.”—Efesianina 6:1

Nahoana no tokony hankatò ray aman-dreny ny ankizy?

• Ohabolana 23:22-25; Kolosianina 3:20

  Ho faly i Jehovah sy ny ray aman-dreninao raha mankatò ianao.

• 1 Korintianina 15:33

  Izay olona tia an’i Jehovah no ataovy namana, dia ho vitanao ny hanao ny tsara.