¡Iche nʼohanyaj toj iwoyek tachʼot ame!

Cristina hiwʼen pʼante toj wichi toj iwhoye lewʼet, Pedro wet lechʼefwa María, letamsekis ihi wet lekajyaj ihiche. Toj malhyejtso, ifwenho pʼante Martín toj che ifwala elh che hiwʼen atsinha toj iwhoye lewʼet tayʼotshanhiyela chi iwoyneje lhamel hopkhilak ikatej letamsek wet lekajyaj. Wet iwoye pʼante tajtso.

—Is, Cristina, mʼak toj matche hop toj olhamel owʼen owitʼayhyajay lhayʼe olhaklis —yomlhi pʼante María—. Mat ifwala elh naji owʼen libro toj matche toj tachʼot nʼoyehen. Ipayen nʼoyehen hop nʼayij toj nʼotamsek wet nʼokajyaj, wet tachʼot nʼoyehen hopkhilak olhamel okajyaj ihi tej toj iche olhamel olhaklis ifwalapej.

Cristina ihuminche pʼante che ihanej lhayʼe lhip mʼak toj ihi librotso. —Tej toj hope libro toj matche toj pajche wet talhe Israel wet iyhoj honhates toj iwhoye —yomlhi pʼante María — tachʼote nilhokej wichi, tej toj lhamel hiwʼen laka religión. Lhayʼe toj, wichi iwo iyhoja nʼolhomtes toj ihi, wujpe nʼolhomtes toj wʼenhahiche hopkhilak nilhokej wichi iwoyek iyahyen. Hate iche nʼochufwenyajwos toj ichumyenlhi wet wujpe niyatey toj itenlo hop leyes toj ihi Dios Lhomtes hopkhilak laka wichi tachʼahuye.

Cristina iwatla pʼante che hiwʼen hop librotso, hop toj tamenej toj honajtso ihoye pʼante María lewʼet, atsinhana inʼaltej pʼante nʼolhomtes toj tachʼote pʼante lhamel toj ihi librotso, malhyej:

Wichi lechufwenyajay toj itiyej leles

• 

  “Chufwenej mʼak tä is häp hanʼäfwaj yämthilek iwoye, häpkhilek chik nichäte tä thaläkw ilehiyejtʼala”.

• “Häp amel tä hinʼol tä ales ihi, isitʼak letamenej lhamel che lewäk ihi”.

Wichi lechumet wet toj ichumyenlhi chinaj tʼoj

• 

  “Elh tä tʼetan, is che ileyej tä tʼetan, mat tachumlhi. Is che iwoye lechumet tä is, häpkhilek iche mʼak tä hichʼotyeneje wichi tä iwatlä mʼayek”.

• “Oelh che nitʼuyahläk tachumlhi, häte isitʼak iwatlä lhäk”.

Wichi toj ichumyenlhi drogas wet iyoyej hatʼes

• 

  “Nʼalej lhamchehen yämlek noj nilhokej lhachʼohle tä iyej lhatʼisanis lhäyʼe lhahusey”.

• “Hatʼes, chik hinʼo iyäyej, nechʼe aläkwyhantsaj tʼat wet ifwitseyen, wet nehit katsik is mʼak tä iwoye chik wʼoknaj”.

Wichi lakeyis toj niʼisa

• 

  “Yej lhenay wʼet mʼayeka nʼowhayyhayaj, mat amajej hachʼefwa wet yej känchiyej akainʼoyaj”.

• “Isitʼak iche elh tä iwo lakainʼoyaja”.

• “Elh chik häpe chik iyahin atsinha wet ikäne, oyok, hinʼotso lehusek iwoyeje lakainʼoyaj”.

Wichi toj yen mʼayeka lewʼet lheley

• 

  “Humin ajcha lhäyʼe ako”.

• “Chʼahuye ajcha tä häpe elh tä letälho wet yej lhen wʼet mʼayeka ako chik nichäte ifwala tä hichʼut”.

• “Amel häte, is chik hinʼo elh weihalhapej ihumin lechʼefwa, mälhyej tä lhaihumin, wet atsinha is chik tek yen wʼet mʼayeka lechʼefwa”.