Pelhay toj Wuj pʼante, ¿atsi wichi toj tachʼahuye pʼante Dios?

Lewhay toj Noé iche pʼante wujpe wichi iwoye pʼante mʼak toj niʼisa (Génesis 6:5).

Adán wet Eva iwo pʼante lelesa wet toj paj iche pʼante wujpe wichi toj iʼpe Honhat. Ifwalastso iyhaj ángeles tatayhla Dios hate iwoye Satanás.

Lhamel inuhcha pʼante toj talhe pele wet lhaiwʼelanthen pʼante hate iwoye hinʼul, tsi lhamel iwatla pʼante che yen chʼefwasa atsinhay. Atsinhaytso iwo pʼante lelesa, lelestso wuj toj fwitses pʼante wet wuj toj takhajayhen inuʼpe iyhaj wichi.

Iche pʼante wujpe wichi toj fwitses toj iʼpe Honhat. Dios Lhomtes yok: «Wuj tä niʼisa mʼayhay tä iwoye wichi tä ihi honhat». Nilhokej lewhay wichi yen tichunhayaja che iwoye mʼayhay toj niʼisa.

Noé tachʼahuye pʼante Dios wet yenlhi lehi (Génesis 6:13, 14, 18, 19, 22).

Noé hope pʼante hinʼu toj is. Heowa ifwenho pʼante lham toj itayhthila wichi toj fwitses ichumyenlhi pelhay toj wuj toj ipʼohlaʼpe Honhat.

Ifwenho pʼante Noé toj is che yenlhi lehi toj halʼo toj wuj hopkhilak tʼilinpe inat, toj lhey Noé lehi. Lham is che ithatho lewʼet lheley wet tshatay toj wʼenhahiche.

Noé ifwenho pʼante iyhaj wichi toj namla Pelhay toj Wuj, mat wichi tachʼahuhiyetʼa. Iche pʼante wichi toj ilakwlhi lham wet iyhaj wuj toj fwitses pʼante.

Lewhay toj Noé wakʼalh lehi, ithatho tshatay.