N’OCHUFWENYAJ 6

Pelhay toj Wuj pʼante, ¿atsi mʼak toj ichufwen namejen?

Dios itayhat pʼante wichi toj tachʼahuhiyetʼa, mat ifwayhat Noé wet lewʼet lheley (Génesis 7:11, 12, 23).

Nʼohi toj Noé yenlhi pʼante toj tʼilinpe inat wet wichi ichʼahen wet ángeles toj fwitses ileyej tisanis toj hinʼul tisanis

Iwomcha pʼante cuarenta ifwalas wet cuarenta honatsis. Hop inat hipʼoʼpe Honhat wet nilhokej wichi toj fwitses yʼinhen pʼante.

Hop ángeles toj tatayhla Dios iwom pʼante tʼisanis toj hinʼul wet lhaipʼajtej Satanás. Lhayen hopeya ahot lhayis.

Noé, lewʼet lheley wet itshatay inukwepha toj talhchufwi lehi wet nʼale lewo toj ihi pele

Tajlhamet mʼayhay toj ihi Noé lehi toj tafwayhen pʼante. Wet, tej toj paj, Noé wet lewʼet lheley yʼinhen pʼante, mat Dios hiwʼenhomchela lewʼatshancheyaj wet ilayhichehla pajlaʼtha tiyajʼattsiy.

Dios yachajohla che itayhat wichi toj fwitses wet ifwayhthenla wichi toj isen (Mateo 24:37-39).

Ahottaj wet ahot lhayis ichumyenlhi wenhahiche mʼayhay hopkhilak ifwechʼenwetha wichi

Hop Ahottaj wet ahot lhayis kamaj ifwechʼenwetha wichi hopkhilak nitchʼahuyaye Heowa.

Ifwalasna, malhyej iwoye lewhay toj iche pʼante Noé, wujpe wichi ihuminhitʼa che tachʼahuye Heowa lefwonyajay toj yʼisej lehumnhayaj. Tatay lhimpaj lewhay wet Lham itayhthila wichi toj fwitses (2 Pedro 2:5, 6).

Wichi toj yen lhometa Heowa ichumyenlhi Dios Lhomtes hopkhilak ichufwen hinʼu; hinʼu toj iyahyen Biblia

Mat hate iche wichi toj malhyej iwoye Noé, iwoye mʼak toj Dios neʼtek iwoye. Lhamel hopehen wichi toj yen lhometa Heowa.