N’OCHUFWENYAJ 8

¿Atsi mʼak toj tamenej toj Jesús yʼil pʼante?

Jesús yʼil pʼante hopkhilak namel nakatej nʼowʼatshancheyaj toj tʼun (Juan 3:16).

Atsinhay iyahin Jesús lepʼitsekwʼet wet mʼak ihichetʼa

Tres ifwalas toj tafwaytshi toj Jesús yʼil pʼante, atsinhay ihoye lepʼitsekwʼet, mat lhamel hiwʼenhitʼa lepʼitsek. Heowa ilayhthi pʼante.

Jesús lhainʼaltej laka apóstoles wet toj paj ihoye pele

Toj paj, Jesús lhainʼaltej lakalayʼis, toj hopehen apóstoles.

Lham nemhit tʼisan malhyej iwoye hinʼu. Dios hiwʼenho pʼante tʼisan toj espíritu, malhyej iwoye ángeles. Lechufwenkay hiwʼenej pʼante lham toj ihokapha. Athana toj ihi pele, hope espíritu toj takhajay toj nemla yʼil.

Dios ilayhthi pʼante Jesús wet yen niyata toj ihi Leniyatyaj (Daniel 7:13, 14).

Toj ihi leniyatyaj, Jesús niyatej wichi toj ihi honhat toj wʼatshan wet isilataj

Jesús lhaiwom pʼante hopkhilak wichi tafwayej lechʼisukyajay wet letʼilek (Mateo 20:28). Toj naisej tajtso, Dios iwoyek hiwʼen namhomche nʼowʼatshancheyaj toj tʼun.

Heowa itshupyene pʼante Jesús toj is che niyat toj ihi pele hopkhilak Leniyatyaj iʼpe Honhat. Lhayʼehila 144.000 wichi toj tachʼahuye Dios, ilayhichehla toj ihi pele lewhay che inuhikwephala. Nʼoniyatyajtso toj matche toj is hope Dios Niyatyaj (Apocalipsis 14:1-3).

Nilhokpe Honhat, Dios Niyatyaj iwelanthiyeja honhat toj wʼatshan wet isilataj. Nemla iche nʼokaʼtshayaj, etantses, nʼopʼaltseyaj wet nehlas. Wichi matche toj lekajyaj ihihla (Salmo 145:16).