N’OCHUFWENYAJ 9

Honhatna, ¿atsihila lewhay che wʼatshan wet isilataj?

Nʼowitʼayhyajay toj iche honhatena inʼalit toj tatay lhimpaj lewhay wet Dios Niyatyaj tachumhilhila (Lucas 21:10, 11; 2 Timoteo 3:1-5).

Nʼowitʼayhyajay toj iche ifwalasna toj lepes: wichi toj inuʼpe lewʼet toj nilhakʼalej chinaj tʼoj toj ihutwek, nʼokaʼtshayajay, nʼotʼinhayajay, nehlas, naʼtshas tachʼahuhiyetʼa lako wet lajcha wet nʼowʼet lheley tataywek toj ihi lewʼet

Lewhay toj pajche, Dios Lhomtes yome pʼante wujpe nʼowitʼay toj nawʼen athana. Hate yome pʼante toj naʼtshas tachʼahuhiyetʼala lajcha wet lako wet wichi hopkhihena wichi toj fwitses wet ihuminhila chinaj tʼoj wet iwoye mʼak toj lenechʼethayaj.

Hate ifwel namhohen toj ihichela honhat wʼahu toj wuj, nʼokaʼtshayajay, nehlas wet wujpe nʼotʼinhayajay. Malhyej iwoye mʼak toj iche ifwalasna.

Elh toj yen lhometa Heowa iwo lhometayej hinʼu hop nʼosilot toj yome Dios Niyatyaj

Jesús yome pʼante toj nʼosilotyaj toj is toj yome Dios Niyatyaj, nʼowohla silota nilhokej wichi toj iʼpe honhat (Mateo 24:14).

Dios Niyatyaj itayhthila nilhokej mʼayhay toj niʼisahen (2 Pedro 3:13).

Nʼotayhet wichi toj fwitses toj ihi Armagedón wet toj paj nʼotasnhila Satanás wet ahot lhayis

Tatay lhimpaj wet Heowa itayhthila nilhokej wichi toj fwitses.

Dios itasnhila Ahottaj wet ahot lhayis.

Jesús tatayhipha leniyatyaj toj ihi pele; wichi toj wenhahiche lakeyis lakajyaj ihi

Hop wichi toj tachʼahuye Dios ilayhichehla toj ihi honhat, ihichela wuj nʼohumnhayaj, nʼotamsek wet nʼoʼisyaj, nemla iche wichi toj noway. Nemla iche wichi toj kantses.