LIBROS LEW'ET TOJ IHI INTERNET Watchtower
Watchtower
LIBROS LEW'ET TOJ IHI INTERNET
Wichí
b
  • s
  • e
  • r
  • á
  • DIOS LHOMTES
  • M'AYHAY TOJ IWOYEK N'OYAHYEN
  • REUNIONES
  • hf lhip 2 lew’oley 6-8
  • Is che weihalhapej amel tʼifwtiyej elh toj lechʼefwa

Videona toj letshupiye ihichet'a.

Tayhat olhamel otes, isit'a alhoho toj iwo tesa videona.

  • Is che weihalhapej amel tʼifwtiyej elh toj lechʼefwa
  • Hawʼet lheley iwoyek lekajyaj ihi
  • Lheyis weihalhapej lhipey
  • M'ayhay toj malhyej iwoye
  • 1 CHUNKAT TOJ LETETSHAN HACHʼEFWA
  • 2 TʼUYE MʼAK TOJ IHI AHUSEK
  • Wichi toj tawhayeyhen is che tʼukwe Dios lechʼotyaj hopkhilak lekajyaj ihiche
    Hawʼet lheley iwoyek lekajyaj ihi
  • Mʼak toj is che lewoye hopkhilak aisla hawʼet lheley wet hachʼefwa lewʼet lheley
    Hawʼet lheley iwoyek lekajyaj ihi
  • ¿Atsi mʼak toj is che lewoye hopkhilak letayhat awitʼayhyajay?
    Hawʼet lheley iwoyek lekajyaj ihi
  • Mʼak toj iwoyek lewoye toj letʼukwe aelh toj hachʼefwahila
    La Atalaya (toj nʼolhaichufwenej) 2024
Hawʼet lheley iwoyek lekajyaj ihi
hf lhip 2 lew’oley 6-8
Hin’u toj lech’efwa ihi iti’pe asus lech’efwa toj tach’ote toj ihoho lehi

LHIP 2

Is che weihalhapej amel tʼifwtiyej elh toj lechʼefwa

«Isitʼak hinʼol isowek häp mʼak tä Dios hipʼajtitwek» (Marcos 10:​9).

Heowa iwatlak nahumin nʼotʼifwtinyaj (Salmo 18:25). Toja hope mʼak toj matche toj laha ihi che wichi toj iwek iwoye, hop toj che neyache tajtso iwohiyetʼa che nʼoelh toj lechʼefwa ihi tʼekhaye lechʼefwa. Hopkhilak nʼoelh toj lechʼefwa ihi tʼayhettshi lehumnhayaj toj itiyej lechʼefwa, is che tʼekha lhamehen.

Nʼowitʼayhyajay toj iche ifwalasna athahyen wichi toj tawhayeyhen lenʼayij toj tʼifwti lhamehen. Hopkhilak amel letʼuye toj lhewek, is che lewoye dos mʼayhay.

1 CHUNKAT TOJ LETETSHAN HACHʼEFWA

MʼAK TOJ BIBLIA YOME: Is che lekalelhat atichunhayaj hopkhilak «letshupyenepej mʼak tä is» (Filipenses 1:10). Toj letawhayey hope mʼak toj matche toj laha ihi. Toj malhyejtso hope mʼak toj tʼuhawetej che lechunkat toj letetshan.

Heowa iwatlak tajlhamet hachʼefwa toj is che leyahin wet lhen akajyaja toj amel lhewek (Eclesiastés 9:9). Lham ikalelhat amho toj isitʼa che leleyej toj letetshan. Is che letʼukwe mʼayhay toj iwo lekajyaja (1 Corintios 10:24). Is che hachʼefwa ihanej toj am lewatla wet lewo lahaya.

Hin’u toj hiw’enho lech’efwa lhat toj chayohi; Hin’u toj lech’efwa ihi nichate lew’et wet hiw’en lech’efwa toj takatay

MʼAK TOJ IWOYEK LEWOYE:

  • Is che letiyej kanhi iyhaj mʼayhay hopkhilak lheyej hachʼefwa wet letetshan

  • Isitʼa che tsʼilak toj letichunejlhi mʼak toj atichunhayaj, hate is che letichunejlhi mʼak toj hachʼefwa letichunhayaj

Hin’u lhay’e lech’efwa tufw lhakfwaj toj iwek

2 TʼUYE MʼAK TOJ IHI AHUSEK

MʼAK TOJ BIBLIA YOME: «Elh chik häpe chik iyahin atsinha wet ikäne, oyok, hinʼotso lehusek iwoyeje lakainʼoyaj» (Mateo 5:28). Che nʼoelh che hope yen tichunhayaja mʼayhay toj talhejla nʼokainʼoyaj, malhyej iwoye che ilokwlhi lechʼefwa.

Heowa yome toj is che natʼuye mʼak toj ihi lhahusek (Proverbios 4:23; Jeremías 17:9). Hopkhilak lekalhi, is che letetshan mʼak toj leyahin (Mateo 5:29, 30). Is che leten hop Job mʼak toj iwoye pʼante, toj hitʼunhatche pʼante lhomet toj yome toj itiyej kanhi letelhoy toj iyahin toj itiyej tʼakonyaj atsinha toj kahopeya lechʼefwa (Job 31:1). Kalelhat toj isitʼa che leyahin nʼopeykas toj inʼalit wichi toj iwoye lewanyahay. Isitʼa che lewahnej che lhaichiyhelit ahumnhayaj toj letiyej nʼoelh toj kahopeya hachʼefwa.

Hin’u toj hiw’en lech’efwa lepeyak toj i’pe lhip toj ichumyenlhi toj tachumlhi

MʼAK TOJ IWOYEK LEWOYE:

  • Is che lenʼaltej iyhaj wichi toj lewo haya hachʼefwa wet ihichetʼala lewhay che lewom

  • Yej lhen wʼet mʼayeka hachʼefwa letichunhayajay wet is che lenofwat toj lhamhoplhi wet letʼisiyakaye nʼoelh toj hachʼefwa tʼischene

IS CHE ALEKHAJYEN

Isitʼa che alekan amej, is che letafwelej toj akʼefwhayajay ihi (Salmo 15:2). Yej nafwelh che letʼalhe aʼelh lechʼotyaj (Proverbios 1:5). Che iche atichunhayajay toj talhejla nʼowanyahay toj niʼisa, isitʼa che tajtso tamenej toj akʼefwhayaj ihi wet leleyej toj letatayhla (Proverbios 24:16). Heowa ikopfwahiyela toj alekhajyenej toj lhekchufwi toj letʼifwtiyej hachʼefwa.

ATSHAN AME . . .

  • ¿Atsi toj is che owoye hopkhilak oyʼayhettshi lhip lewhay toj oiyej ochʼefwa?

  • ¿Ha ochʼefwa hope elh toj otʼunfwa toj lhamya?

    M’ayhay toj n’oyahyen toj wichi lhomtes (2008-2025)
    En lepesa lhipna
    Wo tesa lhipna
    • Wichí
    • N'otate n'oelh
    • M'ayhay toj iwoyek n'otshupyene
    • Copyright © 2025 Watch Tower Bible and Tract Society of Pennsylvania
    • Len'ayij toj t'uhawetej toj lechumyenlhi lhipna
    • Política de privacidad
    • Configuración de Privacidad
    • JW.ORG
    • Wo tesa lhipna
    N'otate n'oelh