Hinʼul toj wujitʼaʼpe toj Itetshan wichi toj yen lhometa Heowa lhomtes

Olhamel opunfwa:

Malhyej toj am lehanej, Biblia yome wichi toj matche toj iche pʼante. Yome mʼak toj iyej pʼante hinʼul wet atsinhay toj tʼifwtintses toj tatayhla lewitʼayhyajay wet letichunhayajay toj niʼisa, malhyej iwoye namel (Santiago 5:17). Iyhaj ilate toj aytaj lewitʼayhyajay toj ihi wet mʼayhay toj yen lelhakliya wok lefwitajayaj ihi hop toj lehusekchʼoye mʼak toj iyhaj Dios lakawos iwoye pʼante. Wujpe iyhaj toj yʼelej toj itichunla mʼayhay toj niʼisa toj iwoye pʼante.

¿Ha wichitso toj tʼifwtintses imalhewek toj ileyej pʼante Heowa? Kha. Wujpe lhamel hatet iwoye salmista toj iwo tʼalhyajaye pʼante Heowa wet yok: «Oweta, ohätet iwoye tsonʼataj tä weta. ¡[...] unʼokwe, tsi tek opʼethatlä ämtes!» (Salmo 119:176). ¿Ha ichepej lewhay toj amalhyej at iwoye hop salmista?

Heowa ihichetʼa lewhay che hipʼethatla lakawos toj ileyej pʼante lham. Mat tʼukwe tʼat lhameltso, ichepej toj ichumyenlhi hop ipunfwas toj ihi congregación. Tichunla toja, lewhay toj Heowa tachʼote pʼante Job, toj ihi pʼante wujpe lewitʼayhyajay malhyej toj hiwʼenhitʼa mʼak, wichi toj lham ihumin pʼante yʼinhen, wet tʼinhayaj toj aytajche. Hate wichi toj is che tachʼote pʼante Job ifwenho pʼante lhomtes toj ayteschehen. Tej toj lham ilehiyejtʼa Heowa, iche lewhay toj yome lhomtes toj tʼuhawethiyejtʼa (Job 1:22; 2:10). ¿Atsi mʼak toj iwoye pʼante Heowa hopkhilak Job yam isen letichunhayajay?

Mʼak toj lham iwoye pʼante hope toj ichumyenlhi lakawo elh toj lhey Elihú. Toj ichun Elihú tachʼahuye toj Job ifwenho lewitʼayhyajay, toj paj ifwenho mʼak toj yen tichunhayaja. ¿Atsi mʼak toj ifwenhohla? ¿Ha ifwenhohla lhomtes toj niʼisa? ¿Ha tʼuhikwela che Job ilat lhame toj letes ihi wok lenʼafwlhi ihi? ¿Ha Elihú lhomtes inʼalthila toj inuʼpe Job toj laha ihi? Kha. Isej Dios laka espíritu, Elihú ikalelhtho Job lhomtesna: «Nʼawʼawulhchä tä yʼehi tä Dios tatache, te olham tä nʼahäpe iyhät tä nʼolhenek». Hate ifwenho pʼante toj yok: «Yej noway nʼoye, olhayenhiyetʼa elh tä lenʼohyaj iʼatape» (Job 33:6, 7). Iwohitʼa lefwitajayaja Job, Elihú tʼamajej lhomtes toj ifwone Job wet ikhajyen.

Folletona, mʼak toj ihi malhyej iwoye mʼak toj Elihú iwoye pʼante. Mʼak toj ichun toj olhamel owoye hope toj matche toj ochʼahuye wujpe ipunfwas toj ileyej congregación, wet olhamel oyen tichunhayaja mʼak toj lhamel ihi (Proverbios 18:13). Hate isej nʼotʼalhyaj, olhamel otetshanchʼoye toj ihi Dios lhomtes ejemplos toj inʼalit mʼak toj Heowa iwoye pʼante toj tachʼote lakawos toj ihi pʼante lewitʼayhyajay. Toj lepes, olhamel oyiwtaynejla ejemplos toj ihi Biblia toj yome Dios lakawos toj pajche hop mʼayhay toj iyej Dios lakawos toj iche ifwalasna. Olhamel ohuminchek matche toj leyahyen folletona. Is che amel lehanej toj olhamel oti amejen ohumnhayaj.

Hinʼul toj wujitʼaʼpe toj Itetshan wichi toj yen lhometa Heowa