Rahab iskat hop espías

Hop espías toj talhe Israel ihoye pʼante Jericó wet imalheyej atsinha toj lhey Rahab lewʼet. Lewhay toj niyat toj ihi Jericó ihanej, ichene laka soldados hop Rahab lewʼet. Lham iskat dos espiastso toj itiʼpe lhip toj ikapha toj ihi lewʼet wet ifwenho soldados toj is che tʼukwe espiastso toj ihi lhip elh. Toj malhyejtso Rahab ifwenho espías: «Ochʼotla amehen hop toj ohanej toj Heowa iʼamejen wet toj amel lekalhihla honhatna. Por favor, wʼenhoho amel amet toj lefwayhthila owʼet lheley».

Hop espías ifwenho Rahab: «Che lefwuhatejlhi niyakw toj chat aka ventana, olhamel okalelhat amho toj ihichetʼala mʼak che niʼisa toj ihi hawʼet. Toj malhyejtso hawʼet lheley tafwayhla».

Rahab tachʼote pʼante espías toj inukwepha toj talho Jericó italhetche laka ventana toj itihcha lhamel. Espías lhaiskathen toj ihi chenaj tres ifwalas toj kamaj yapnhiyetʼa Josué. Toj paj, israelitas inuho tewok Jordán wet lhaiwaklhathen hopkhilak lhayʼen lewuka honhattso. Jericó hopkhila ciudad toj ichun toj lhamel ikalhi. Heowa tʼalhe pʼante israelitas che ifwalaspej una vez ilunej Jericó. Seis ifwalas toj lhamel iwoye tajtso. Wet toj ifwala siete, lhamel ilunej ciudadtso siete veces. Toj paj, sacerdotes ichumyenlhi laka trompetas, wet soldados matche toj tʼanwetha. Toj malhyejtso ciudadtso lelafwek ichat at katsi. Tej toj Rahab lewʼet ihi tʼat nʼolafwek, ichathitʼa katsi. Rahab wet lewʼet lheley tafwayhen hop toj tʼekhaye Heowa.