Josué wet Gabaón lheley

Honhatil iyhaj toj ihi Canaán ihanej mʼak toj iyej Jericó. Niyateytso itshupiye toj lhaihutwek hopkhilak tatayhla israelitas. Mat Gabaón lheley ihanej mʼak toj iwohiyela. Lhamel tawʼuyhi lakay toj wasiche, ihoye Josué wet ifwenho toja: «Olhamel otalhe lhip toj matche toj tofwe. Olhamel olatchʼoye Heowa wet nilhokej mʼayhay toj iwoyej amehen toj lhehi pʼante Egipto wet Moab. Che lekalelhat nʼohohen toj lenuhiyetʼa olhamel, ohopehenla akawos».

Josué imatitche lhamel lhomet wet ikalelhtho toj inuhiyetʼala lhamel. Mat toj tafwaytshi tres ifwalas, Josué ihanej toj gabaonitas talhiyetʼa lhip toj tofwe mat talhe tʼat Canaán. Hop toj tamenej toj Josué yʼatshane lhamel: «¿Atsi mʼak toj tamenej toj lefwechʼenwetha olhamel?». Lhamel nichulho: «Hop toj olhamel onowayhen. Ohanej toj aka Dios Heowa tachʼot amehen toj lekalhi atayhfwas. Por favor, yej lanhen olhamel». Josué yam matche mʼak toj ifwenho lhamel wet itihiyejtʼa mʼak toj niʼisa.

Toj tafwaytshi lewhay, cinco niyatey toj talhe Canaán wet laka sipʼalis inuye hop gabaonitas. Josué wet laka sipʼalis honajche toj yikhen hopkhilak tachʼote Gabaón lhayis. Nʼokaʼtshayaj iwo tesa ifwala elh, toj nechʼe ifwala. Cananeos iwo tesa toj inukwe alhoho lhip at che lhamel tiyajche, mat Heowa itshaype kalatu toj wus lhamel. Toj malhyejtso Josué tʼalhe pʼante Heowa che Fwala takasit. Hop Fwala ihichetʼa pʼante lewhay che takasit. ¿Atsi mʼak toj tamenej toj Josué tʼalhe tajtso? Hop toj matche pʼante toj tʼekhaye Heowa. Fwala lhaiskathitʼa. Ifwalatso ihichetʼa pʼante che honatsi pajtha israelitas ikalhi cananeos laka niyatey wet laka sipʼalis.