Gedeón ikalhi Madián lhayis

Toj tafwaytshi lewhay, israelitas yachajo toj iwom Heowa wet iwo tesa toj nʼokwiyej dioses toj kamatachehen. Siete años, toj Madián laka wichi iskat hop israelitas lelay wet iwasthi mʼak toj lhamel itatcha. Israelitas tiyajche chenaj hopkhilak tafwayhen. Toj paj, tʼalhe Heowa che ifwaythen lhamel. Toj malhyejtso Heowa ichene hop ángel hopkhilak tahuyej mamse toj lhey Gedeón wet ifwenho toja: «Heowa tatshupi ame hopkhilak ahope guerrero toj matche toj khajay». Gedeón yʼatshane toja: «¿Chi malhyej (Ep hote) toj iwoyek ochʼote hop Israel toj ohopkhitʼa elh toj laha ihi?».

Gedeón tʼupʼantehlak kalelhaj toj ihanej toj Heowa itshupiye tʼat lham. ¿Atsi mʼak toj iwoye? Itihi hop honhat, lana lhip wet ifwenho Heowa: «Che fwala toj nechʼenhat che ayʼas ipumyen hop lana mat honhat tamchay, ohanhiyeja toj letshupi nʼoye hopkhilak ofwayhat Israel lhayis». Toj ifwala elh, lana matche toj pumi, mat honhat tamchay. Toj malhyejtso, Gedeón tʼalheje Heowa toj che ifwala elh lana tamchay, mat honhat pumi. Mʼak toj Gedeón tʼalheje lhayam matche. Gedeón nechʼe kalelhaj lhamho toj Heowa tatshupiye lham. Hop toj tamenej toj ihutwek laka soldados hopkhilak tatayhla Madián lhayis.

Heowa ifwenho Gedeón toja: «Ochʼothiyela israelitas toj ikalhi letayhfwas. Mat toj lewʼen wujpe soldados, lhamel iwoyek yen tichunhayaja toj tsʼilak lhamel toj iwoyek ikalhi letayhfwas. Is  che lefwenho toj iyhaj toj nowayhen is che yaple lewʼetes». Toj malhyejtso 22.000 hinʼul toj yikhen, wet 10.000 toj imalheyej. Toj paj Heowa yok: «Kamaj wujpe amel. Chaje tewok wet fwenho toj is che iyayej inat. Malheyej iyhaj toj iyayej inat wet hate toj itetshan che namhen tʼat letayhfwas». Tajlhamet 300 hinʼul toj iwoye tajtso. Heowa yome toj 300 hinʼultso ikalhihila 135.000 soldados toj talhe Madián.

Honatsitso, Heowa ifwenho Gedeón: «Athana hope tʼat lewhay toj is che lenuye madianitas». Gedeón hiwʼenho lhamel tsonʼataj chʼu wet jarrones toj antorchas ihi wet yok: «Yahinnʼo wet tennʼo». Gedeón yafwutche tsonʼataj chʼu toj ichajlhi, iwasthi laka jarrón wet ilayhatlhi laka antorcha wet tʼan: «¡Heowa laka espada wet Gedeón!». Hop 300 hinʼul iten mʼak toj Gedeón iwoye. Hop madianitas wuj toj nowayhen wet inukwe alhoho lhip at che tiyaje. Wet, toj lhamel ihanhiyejtʼa mʼak toj iwoye, iwo tesa toj lhamel tʼat toj lhailanhen. Yachajo, toj Heowa tachʼote israelitas toj ikalhi letayhfwas.