NʼOCHUFWENYAJ 29
¿Atsi mʼak toj iche toj tafwaytshi toj nʼoelh yʼil?
¿Ha iche pʼante elh toj lehumin toj yʼil? Ifwalatso wuj toj aytaj atichunhayaj. Mat, nʼalej toj leyʼatshan ame «¿Atsi mʼak toj iyej toj tafwaytshi toj nʼoelh yʼil? ¿Iwohiyelak yachajo toj owʼen iyhaj toj ohumnhen toj yʼinhen pʼante?». Nʼochufwenyajna wet elh toj ihan, natetshanla lechulhyajay toj talho tʼat Biblia toj ikhajyenla namel.
1. ¿Ha kamaj ilay nʼoelh toj tafwaytshi toj yʼil?
Jesús yome pʼante toj nʼotʼilek hate iwoye toj nʼoelh ima. ¿Atsi mʼak toj tamenej toj nʼotʼilek hate iwoye toj nʼoelh ima? Che nʼoelh choyhat laka nahathi, ihanhiyejtʼa mʼak toj nʼowoye toj ilunej lham. Lewhay toj nʼoelh yʼil, ilathiyetʼa mʼak toj aytaj wet lefwitajayaj ihihitʼa. Biblia yome toj «tseyhay mʼak ihanhiyejtʼa» (yahyen Eclesiastés 9:5).
2. ¿Atsi mʼak toj tamenej toj tachʼot namehen toj nahanej mʼak toj iyej wichi toj yʼinhen?
Wujpe wichi nowaye tʼat nʼotʼilek wet hate nʼopʼitseyhay. Che iʼamej mʼayhaytso, mʼak toj Biblia yome iwoyek hiwʼen amho atamsek. Jesús yopʼantekwe: «Mʼak tä matche ailanhichela» (Juan 8:32). Hatehitʼa iwoye mʼak toj religiones iyhaj ichufwenej wichi, Biblia yomhiyetʼa toj wichi toj yʼinhen kamaj ilayhiche. Nʼoelh toj tafwaytshi toj yʼil lefwitajayaj ihihitʼa. Nʼopʼitseyhay mʼak ihanhiyejtʼa. Iwohiyetʼak iti namejen lhawitʼay. Hop toj tamenej toj isitʼak nahane lewʼayhtes hop toj natʼuhlak itihitʼa namejen lewakw wok nʼowo tʼalhyajaʼpe lhamel.
Iche wichi toj yome toj iwoyek tahuyej nʼopʼitseyhay, mat tajtso iwohiyetʼa. Malhyej toj nawʼenne, wichi toj yʼinhen «mʼak ihanhiyejtʼa». Iyhaj toj fwetaj tahuyej tʼat nʼopʼitseyhay, lhamel tahuyej tʼat hop ahot lhayis toj lhaitechʼaynej hop wichi toj yʼinhen. Hop toj tamenej toj, che nahanej mʼak toj matche toj talhe wichi toj yʼinhen hop ahot lhayis ichathitʼa namejen. Heowa ifwel namhohen toj isitʼak namel natʼuhlak natahuyej wichi toj yʼinhen, hop toj ihanej toj ahot lhayis iwoyek tahu namehen wet tajtso iwoyek iwitʼayen namel (yahyen Deuteronomio 18:10-12).
NATʼAYHETTSHI TOJ NALECHUFWENEJ
Nalechufwenej mʼayhay iyhaj toj talho Biblia toj yome nʼotʼilek. Hate natetshan chi malhyej (ep hote) toj iwoyek ikhajyen lhatʼekhahyaj toj natiyej Dios toj ihumnhen namel wet toj itihiyejtʼa letelaythayaj iyhaj toj yʼinhen.
3. Mʼak toj matche toj yome lewhay toj nʼoelh yʼil
Nilhokpe Honhat, iche wujpe mʼayhay toj nʼomatitche toj iyej lewhay toj nʼoelh yʼil. Matche, nilhokhiyejtʼa mʼak toj wichi imatitche iwoyek hope mʼak toj matche.
Lhip toj am lhehi, ¿atsi mʼak toj wichi wuj toj imatitche toj itiyej hop wichi toj yʼinhen?
Hopkhilak lehanej mʼak toj Biblia yome, yahin VIDEO.
Yahyen Eclesiastés 3:20 wet ame mʼayhayna:
Malhyej toj ihi versiculona, ¿atsi mʼak toj iyej wichi, lewhay toj yʼil?
Lewhay toj nʼoelh yʼil, ¿ha lehusek kamaj ilayhi toj ihi lhip toj nawʼenhitʼa?
Biblia yome Jesús lakalayʼi toj yʼil pʼante toj lhey Lázaro, mʼak toj matche toj yome nʼotʼilek tachʼot namehen. ¿Chi malhyej (Ep hote) toj Jesús yomeje Lázaro tej toj yʼil pʼante? Yahyen Juan 11:11-14 wet ame mʼayhayna:
¿Atsi mʼak toj Jesús itechʼaynej nʼotʼilek?
¿Atsi mʼak toj ichufwen namejen nʼotechʼaynekna toj yome nʼotʼilek?
¿Ha lefwetaj toj tʼuhawetej toj Biblia yome nʼotʼilek?
4. Mʼak toj matche toj yome nʼotʼilek tachʼot namehen
Toj nahanej mʼak toj matche toj yome nʼotʼilek, noj toj nanowaye nʼopʼitseyhay. Yahyen Eclesiastés 9:10 wet ame mʼayhayna:
¿Ha nʼopʼitseyhay iwoyek iwitʼayen namel?
Mʼayhay toj matche toj Biblia ichufwen namejen hate tachʼotla namehen toj naleche toj is che nahane inat wok lhak hop wichi toj yʼinhen hopkhilak nawujyen, wet toj malhyejtso itihiyejtʼa namejen lewakw. Yahyen Isaías 8:19 wet Apocalipsis 4:11 wet ame mʼayhayna:
¿Chi malhyej (Ep hote) toj lefwetaj toj Heowa ilat lhame che iche elh toj iwujyen nʼopʼitseyhay wok tʼalhchʼoye lechʼotyaj?
Mʼak toj matche toj yome nʼotʼilek tachʼot namehen toj naleyej nʼokeyis toj Heowa ihuminhitʼa.
5. Mʼak toj matche toj yome nʼotʼilek ikhajyen namel
Wujpe wichi nʼochufwenej toj, che yʼinhen, tiskanlaʼpe mʼayhay toj niʼisa toj iwoye pʼante toj kamaj ilay. Mat, wuj toj ikhajyen namel toj nahanej toj ihichetʼala elh che lefwitajayaj ihi che tafwaytshi toj yʼil, tej toj iche nʼoelh toj iwoye pʼante mʼayhay toj niʼisahen. Yahyen Romanos 6:7 wet ame mʼayhayna:
Malhyej toj Biblia yome, nʼotʼilek tafwayej tʼat nʼochʼisukyaj lakhajyhayaj. Toj malhyejtso, ¿ha lefwetaj toj nʼopʼitseyhay ihi tʼat letelaythayaj hop toj tiskanpe mʼayhay toj niʼisa toj iwoye toj kamaj ilay?
Che tʼaytshipej toj natafwelej Heowa, lhayʼe lhip toj kalelhaj toj Lham tʼuhitʼahlak che nʼopʼitseyhay ihi letelaythayaj. Yahyen Deuteronomio 32:4 wet 1 Juan 4:8 wet ame mʼayhayna:
Malhyej toj ihi versículos, ¿ha Dios toj malhyejtso, inuhitʼalahla che wichi toj yʼinhen ihi letelaythayaj?
¿Ha lefwetaj toj mʼak toj matche toj yome nʼotʼilek ikhajyen namel? ¿Atsi mʼak toj tamenej?
IYHAJ WICHI YOME TOJA: «Onowaye che oiyhaj toj yʼinhen pʼante iwitʼayennʼo».
¿Atsi versículos toj ihi Biblia, iwoyek lechumyenlhi toj lekhajyen aelh toj ifwel amho tajtso?
MʼAYHAY TOJ LETETSHANNE
Che nʼoelh yʼil, tatay. Hop nʼopʼitseyhay iwohiyetʼak letelaythayaj iyej hate iwohiyetʼak iwitʼayen nʼoelh.
Mʼayhay toj nalechufwenejne
¿Ha nʼoelh kamaj ilay toj tafwaytshi toj yʼil?
¿Atsi mʼak toj tamenej toj tachʼot namehen toj nahanej mʼak toj matche toj yome nʼotʼilek?
¿Atsi mʼak toj tamenej toj ikhajyen namel toj nahanej mʼak toj matche toj yome nʼotʼilek?
IWOYEK LEWʼEN IYHAJ MʼAYHAY:
Tafwelej mʼak toj hope nʼolhomet nʼohusek toj ihi Biblia.
Yahin che matche toj Dios itiyej letelaythayaj wichi toj niʼisahen toj ihi itaj.
¿Ha infierno hope lhip toj nʼotate wichi hopkhilak letelaythayaj ihi? (3:07)
¿Ha is che nʼonowaye wichi toj yʼinhen?
Espíritus toj tolhe wichi toj yʼinhen ¿Ha tachʼot ame?, ¿ha aiwitʼayen? ¿Ha iche tʼat? (Librofwaj)
Tafwelej hinʼu toj ihanej pʼante mʼak toj matche toj yome nʼotʼilek ikhajyen lham.