NʼOCHUFWENYAJ 37
Mʼak toj Biblia yome nʼochumet wet chinaj tʼoj
¿Ha iche lewhay toj lhen alhakliya achumet wok chinaj tʼoj? Iwoyek atha namhohen toj nawʼen mʼak toj nawatla wet nachaje Heowa mʼak toj tʼuhawetej. Biblia hiwʼen namhohen nʼofwonyajay toj ichufwen namejen hopkhilak nakalhi toj nawoye tajtso.
1. ¿Chi malhyej (Ep hote) toj Biblia yomeje nʼochumet?
Dios ihuminchek nen kajyaja lhachumet. Biblia yome toja: «¿Atsi mʼak tä is che hinʼo iwoye? [...] akäjejlhi mʼak tä tälhe lechumet» (Eclesiastés 2:24). Heowa wuj toj tachumlhi. Lewhay toj naten lham wet hate toj nachumhas, nawoye tʼat mʼak toj lham ihumin wet nalate toj lhakajyaj ihi.
Hinʼu lechumet hope mʼak toj matche toj laha ihi, mat isitʼak nanuhatpe tajtso toj nanʼokwiyej Heowa (Juan 6:27). Lham ikalelhat namhohen toj hiwʼenla namhohen mʼak toj nawatla ifwalapej che nachunkat toj nawoye lenechʼethayaj.
2. ¿Chi malhyej (Ep hote) toj Biblia yome chinaj tʼoj?
Tej toj Biblia yome toj «nʼopʼot tʼat chinaj tʼäj», hate ifwel namhohen toj, che tsʼilak chinaj tʼoj toj natʼukwe iwohiyetʼak hiwʼen namhohen lhakajyaj (Eclesiastés 7:12). Mat, Biblia ifwel namhohen toj isitʼak natiyej lhahumnhayaj chinaj tʼoj wet ifwel namhohen nʼofwonyajna: «mʼak tä iʼamej naya tʼat» (yahyen Hebreos 13:5). Lewhay toj nen kajyaja mʼayhay toj nawʼen, lhafwitajayaj ihihitʼa che nawʼenhitʼa mʼak toj nawatla. Hate nawʼenhitʼa deudas hop toj natʼuhlak nawʼen mʼak toj nawathitʼahla (Proverbios 22:7). Wet natekawayhla nʼowitʼayhyajay toj iwoyek inamejen toj nakoyej mʼayhay toj hiwʼen namhohen chinaj tʼoj wet toj nahanlhi mʼayhay toj ifwala elh iwoyek naniyatey.
3. ¿Chi malhyej (Ep hote) toj nam is toj nachumyenlhi chinaj tʼoj wet nanhahiyejtʼa?
Heowa hope Dios toj nahiyejtʼa mʼak, wet naten lham che nahopehen iyhaj toj «ihumin tä hiwʼenho wet tisi elh häp mʼak tä iyej» (1 Timoteo 6:18). Mʼak elh toj iwoyek nawoye toj nam is toj nachumyenlhi chinaj tʼoj wet natahiyetʼa che nʼoyachaj namehen hope toj nachʼote congregación, iyhaj toj iwatla mʼayek, mat lhayʼe lhip toj is che nachʼote hope lhapunfwas. Heowa itetshanhitʼa mʼak toj nawʼenho, mat Lham wuj toj itetshan mʼak toj tamenej toj nawoye tajtso. Che nanhahiyejtʼa mʼak wet natalhto lhahusek, lhakajyaj ihihla wet nakajyenlhi Heowa (yahyen Apóstoles Lhenhay 20:35).
NATʼAYHETTSHI TOJ NALECHUFWENEJ
Natetshan mʼak toj iwoyek naisej che natihi lewhay toj tʼuhawetej lhachumet wet nen kajyaja mʼak toj nawʼen.
4. Wujyen Heowa toj lham is achumet
Toj naise Heowa yʼaje lhatichunhayaj toj natiyej nʼochumet. Yahin VIDEO wet ame mʼayhayna:
¿Atsi mʼak toj lhayʼe lhip toj leseltej Jason lakey wet letichunhayaj toj itiyej lechumet?
¿Atsi mʼak toj iwoye hopkhilak itihi lewhay toj tʼuhawetej lechumet?
Yahyen Colosenses 3:23, 24 wet ame mʼayhayna:
¿Atsi mʼak toj tamenej toj is che natalhtho lhahusey toj nachumwetha?
Nʼochumet hope mʼak toj laha ihi, mat isitʼak nen tichunhayaj toj inuʼpe toj nanʼokwiyej Heowa.
5. Mʼayhay toj isen toj nakalhi lewhay toj nen kajyaja mʼak toj nawʼen
Wujpe wichi lhaikhajyenej toj ihutwek wujpe chinaj tʼoj, mat Biblia ichufwen namejen mʼak elh. Yahyen 1 Timoteo 6:6-8 wet ame mʼayhayna:
¿Atsi nʼofwonyajay toj Biblia hiwʼen namhohen?
Iwoyek lhakajyaj ihi tej toj wujitʼa mʼak toj nawʼen. Yahin VIDEO wet ame mʼayhayna:
¿Atsi mʼak toj tamenej toj lakajyaj ihi wichi toj lewʼet lheley ihi toj ihi video tej toj wujitʼa toj hiwʼen chinaj tʼoj?
¿Wet che nawʼen wujpe mʼayhay mat natʼuhlak natʼayhettshi toj nawʼen? Jesús yenlhi nʼotechʼaynek hopkhilak ikalelhat toj tajtso iwoyek iwitʼayen namel. Yahyen Lucas 12:15-21 wet ame mʼayhayna:
¿Atsi mʼak toj ichufwen amej nʼotechʼaynek toj Jesús yenlhi? (Tetshan versículo 15).
Yahyen Proverbios 10:22 wet hate yahyen 1 Timoteo 6:10. Toj paj ame mʼayhayna:
¿Ha lefwetaj toj lhayʼe lhip toj laha ihi: che nʼoelh hope Heowa lakalayʼi wok che hiwʼen wujpe chinaj tʼoj? ¿Atsi mʼak toj tamenej?
¿Atsi nʼowitʼayhyajay toj iwoyek hiwʼen iyhaj toj tsʼilak chinaj tʼoj toj itichunejlhi?
6. Heowa hiwʼenla namhohen mʼak toj nawatla
Lewhay toj lhachumet ihihitʼa wet lhimpaj lhaka chinaj tʼoj iwoyek tachʼot namehen toj nahanej che wuj toj natʼekhaye Heowa wok kha. Yahin VIDEO hopkhilak lehanej chi malhyej (ep hote) toj letumla nʼowitʼayhyajaytso wet che paj ame mʼayhayna:
Ipunfwa toj ihi video, ¿atsi mʼayhay toj athahen toj is che tatayhla?
¿Atsi mʼak toj is che iwoye hopkhilak ikalhi mʼak toj iyej?
Yahyen Mateo 6:25-34 wet ame mʼayhayna:
¿Atsi mʼak toj Heowa ikalelhto iyhaj toj ichunkat toj tachumhoplhi lham?
IYHAJ WICHI YOME TOJA: «Is che wuj toj ochumlhi hopkhilak owʼenho owʼet lheley mʼak toj iwatla. Iwohiyetʼak ohoye nilhokej reuniones».
¿Atsi texto toj ihi Biblia toj ikalelhat amho toj, che lechunkat toj lenʼokwiyej Heowa hope mʼak toj aisej?
MʼAYHAY TOJ LETETSHANNE
Tej toj nʼochumet wet chinaj tʼoj hope mʼak toj nawatla, isitʼa che mʼayhaytso toj tamenej toj naleyej toj nachumhoplhi Heowa.
Mʼayhay toj nalechufwenejne
¿Atsi mʼak toj iwoyek tachʼot ame toj letiyej atichunhayaj toj tʼuhawetej hop nʼochumet?
¿Atsi mʼayhay toj isen toj lekalhi toj lhen akajyaja mʼayhay toj lewʼen?
Che Heowa ifwenho lakawos toj hiwʼenhola mʼak toj iwatla, ¿chi malhyej (ep hote) toj lenʼalit toj letʼekhaye Lham?
IWOYEK LEWʼEN IYHAJ MʼAYHAY:
Tetshan che Biblia yome che hope mʼak toj niʼisa chinaj tʼoj.
«¿Ha chinaj tʼoj toj tamenej toj iche mʼayhay toj niʼisa?» (Nʼochufwenyaj toj ihi jw.org)
Tetshan chi malhyej (ep hote) toj mʼayhay toj nawʼenho iyhaj ikajyenlhi Heowa.
«¿Atsi mʼak toj Biblia yome toj nanhahiyejtʼa mʼak?» (Nʼochufwenyaj toj ihi jw.org)
¿Ha isitʼa che nʼoelh ikoyej mʼak hopkhilak ikalhi chinaj tʼoj?
Yahyen atsi mʼak toj inityenej toj iwo elha mʼak toj ihi nʼoelh toj ikoyej mʼak hopkhilak ikalhi chinaj tʼoj wet etantsaj.
«Dios Lhomtes iwo elha mʼak toj ihi» (La Atalaya, 1 toj noviembre toj 2011)