NʼOCHUFWENYAJ 56
Chʼote hopkhilak aka congregación lhaipʼajtitwek
Lewhay toj nalhayʼe lhapunfwas, namalhyej iwoye mʼak toj David ilate pʼante toj tumho lehusek wet yok: «Matche tä is tä Dios leles lhaipʼajtitwek» (Salmo 133:1). Hopkhilak nalhaipʼajtitwek is che nawoye mʼak, che nawohiyetʼa iwoyek tatay.
1. ¿Atsi mʼayhay toj lhayʼe lhip toj nʼal toj ihi Dios laka wichi?
Che am letʼisiyake congregación toj ihi lhip elh, nʼalej toj iwoyek letafwnhichetʼa lhomtes mat lelathiyela toj tumho ahusek malhyej at che lhehi hawʼet. ¿Atsi mʼak toj tamenej? Hop toj lhip at che lehoye, mʼak toj wichi toj yen lhometa Heowa lhaichufwenej, hate iwoye mʼak toj congregaciones iyhaj toj iʼpe honhatna itetshan. Hate olhamel olhaikhajyenej toj onʼalit lhamehen ohumnhayaj. Lhip at che olhamel oihi ohuminchek «wʼawulhchä [o]tichunhayajay lhäyʼe [o]husey» toj onʼokwiyej Heowa (1 Corintios 1:10).
2. ¿Chi malhyej (Ep hote) toj am iwoyek lechʼote aka congregación hopkhilak lhaipʼajtitwek?
«Mälhetwek akhajyhayaj lhäyʼe ahusek tä alehumnhen» (1 Pedro 1:22). ¿Chi malhyej (Ep hote) toj iwoyek lehanlhi nʼofwonyajna? Isitʼa che tajlhamet letetshan mʼak toj niʼisa toj iyhaj iwoye, tetshan lakeyis toj isen. Yej tsʼilkat toj ayʼe iyhaj toj wʼawulhla mʼak toj am lewʼen, hate alekhajyenej toj letafwelej wichi toj talhe lhip elh wet toj laka cultura wʼenha lhamej. Hate alekhajyenej toj letompha nilhokej mʼayhay toj niʼisahen toj talho ahusek toj letiyej aelh at che hope (yahyen 1 Pedro 2:17).a
3. ¿Atsi mʼak toj lewohiyela che lehuminhichetʼa mʼak toj cristiano elh iwoye?
Matche tʼat toj nalepʼajtitwek; mat toj nahopehen wichi toj lechʼisukyajay ihiche, ichepej toj nahuminhichetʼa mʼak toj lhaiyhaj iwoye wok toj natiyejpej lelatsek. Hop toj tamenej toj Biblia ifwel namhohen toja: «Mat [...] che iche aelh letes, täyhat». Wet hate yome toja: «Mälhyej tä Lhawuk itäyhat amejen ates, häte täyhthen aiyhäj letes» (yahyen Colosenses 3:13). Tej toj wujpe lewhayis toj nafwitajayen Heowa lham itayhat lhates. Hop toj tamenej toj lham tataye che natayhtej lhapunfwas letes. Che am lehanej toj iche mʼak toj aelh ihuminhichetʼa toj lewoye, chunkat toj letʼalhe che itayhat ates (yahyen Mateo 5:23, 24).b
NATʼAYHETTSHI TOJ NALECHUFWENEJ
En atichunhayaja mʼayhay toj am iwoyek lewoye hopkhilak nʼotamsek wet ipunfwas lhaipʼajtitwek toj ihi congregación.
¿Atsi mʼak toj am lewohiyela hopkhilak aise aelh?
4. Tumla nʼotichunhayajay toj niʼisahen toj letiyej aiyhaj
Is che nanʼaltej lhahumnhayaj nilhokej lhapunfwas. Mat nʼalej toj ichepej toj athahla toj nachumla iyhaj, malhyej iyhaj toj wʼenha lhamej namel. ¿Atsi mʼak toj iwoyek tachʼot namehen? Yahyen Apóstoles Lhenhay 10:34, 35 wet ame mʼayhayna:
Heowa tachumla nilhokej wichi toj talhe lhipey iyhaj hopkhilak hope laka wichi. Toj nahanej toja, ¿chi malhyej (ep hote) toj am is che lewʼen wichi toj wʼenha lhamej am?
Lhip toj lhehi, wichi letichunhayajay toj niʼisahen toj itiyej iyhaj, ¿atsi iyhaj toj lehuminchek letekawayhla?
Yahyen 2 Corintios 6:11-13 wet ame mʼayhayna:
¿Atsi mʼak toj iwoyek lewoye hopkhilak lhayʼe lhip toj lehumnhen apunfwas?
5. Tayhatpej aiyhaj letes wet aleisʼyene
Tej toj namel ihichetʼa lewhay che is che natayhtej Heowa letes, lham itayhatpej lhates. Yahyen Salmo 86:5 wet ame mʼayhayna:
¿Atsi mʼak toj ichufwen namejen versiculona toj chi malhyej (ep hote) toj Heowa itayhatpej lhates?
¿Ha lewʼenhopej gracias Heowa toj itayhat ates? ¿Atsi mʼak toj tamenej?
¿Atsi lewhay toj iwoyek atha namhohen toj naise lhaiyhaj?
¿Atsi mʼak toj is che nawoye hopkhilak naten Heowa, wet nalhaipʼajtej lhapunfwas? Yahyen Proverbios 19:11 wet ame mʼayhayna:
Che iche mʼak toj aelh iwoye toj lehuminhitʼa, ¿atsi mʼak toj iwoyek lewoye hopkhilak aise lham?
Ichepej toj namel nawohiyela mʼak toj lhaiyhaj ihuminhitʼa. Che malhyejtso, ¿atsi mʼak toj is che nawoye? Yahin VIDEO wet ame mʼayhayna:
¿Chi malhyej (Ep hote) toj ipunfwa toj ihi video ikalhi toj ise lepunfwa?
6. Tetshan mʼak toj isis toj ipunfwa iwoye
Che lhayʼe lhip toj natafwelej lhapunfwas tsʼilakhitʼa toj nawʼenla lakeyis toj is hate iyhaj toj isitʼa. ¿Chi malhyej (Ep hote) toj iwoyek natshupiye toj natetshan lakeyis toj isi? Yahin VIDEO wet ame mʼayhayna:
¿Atsi mʼak toj iwoyek tachʼot ame toj tajlhamet letetshan mʼayhay toj isis toj ipunfwas iwoye?
Heowa tajlhamet itetshan lhakeyis toj isis. Yahyen 2 Crónicas 16:9a wet ame mʼayhayna:
¿Chi malhyej (Ep hote) toj lelat ame toj tumho ahusek toj lehanej toj Heowa tajlhamet itetshan mʼayhay toj isis toj am lewoye?
Tej toj diamante matche toj isilataj wet wuj laha, iche mʼak toj tayej. Malhyejtso lhapunfwas: lechʼisukyajay ihiche, mat Heowa wuj toj iwo lahaya lhamel.
IYHAJ WICHI YOME TOJA: «Hopkhilak otayhtej letes nʼoelh, toj ichun is che inʼalit toj yʼulhanche mʼak toj iwoye».
¿Atsi mʼak toj tamenej toj is che nʼotayhatpej lhaiyhaj letes?
MʼAYHAY TOJ LETETSHANNE
Che am letayhtej ipunfwas letes wet lenʼaltej lhamel ahumnhayaj lepʼajtitlawek hop congregación.
Mʼayhay toj nalechufwenejne
¿Chi malhyej (Ep hote) toj am iwoyek letiyej kanhi atichunhayaj toj niʼisahen toj letiyej aiyhaj?
¿Atsi mʼak toj lewohiyela lewhay che aelh iwoye mʼak toj lehuminhitʼa?
¿Ha lehuminchek letayhtej aiyhaj letes malhyej Heowa? ¿Atsi mʼak toj tamenej?
IWOYEK LEWʼEN IYHAJ MʼAYHAY:
Jesús ichumyenlhi pʼante nʼotechʼaynek hopkhilak tachʼot namehen toj nakalelhthitʼa lhaiyhaj. Tetshan atsi mʼak toj yome.
¿Ha is che natʼalhe ipunfwas che tayhat namehen lhates che nafwetaj toj nawohiyetʼa mʼak toj niʼisa?
Yahin chi malhyej (ep hote) toj wichi ihanej toj iwʼawlhatcha iyhaj.
Tetshan chi malhyej (ep hote) toj iwoyek aise ipunfwa hopkhilak kamaj nʼotamsek ihi hop congregación.
«Nanʼalit lhahumnhayaj toj naise lhaiyhaj» (La Atalaya, mayo toj 2016)
a Toj ihi nʼosilot 6 nʼokalelhat mʼayhay toj cristianos is che iwoye toj inʼalit lehumnhayaj hopkhilak itihiyejtʼa letʼinhayaj nʼoelh at che hope.
b Toj ihi nʼosilot 7 nʼokalelhat chi malhyej (ep hote) toj iwoyek nʼohanlhi nʼolhomtes toj matchehen toj ihi Biblia che iche negocios wet mʼayhay toj talhe nʼokalelhthayajwos.