Alekhajyenej toj lechufwenhen wichi

Mʼak toj Jesús iwoye pʼante

VIDEO: Jesús ichufwen Nicodemo

1. Yahin VIDEO wok yahyen Juan 3:1, 2. Che paj tetshan nʼoyʼatshanhayna:

1. ¿Atsi mʼak toj tamenej toj Nicodemo ihoye Jesús toj honatsi? (Tetshan Juan 12:42, 43).

2. Toj Jesús tahuyej Nicodemo toj honatsi, ¿chi malhyej (ep hote) toj inʼalit toj lhaikhajyenej toj ichufwenhen wichi?

¿Atsi mʼak toj ichufwen namejen Jesús laka ejemplo?

2. Toj nahumnhen wichi, nen tichunhayaja toj lhachumet hope toj nachʼote wichi hopkhilak lhayen nʼochufwenkaya.

Tenla mʼak toj Jesús iwoye

3. Chufwenej wichi Biblia hora wet lhip toj ihuminchek ihi. ¿Ha iche ifwala wok hora toj lham ihuminchek lechufwenej Biblia? ¿Ha letamsek ihihla toj lhaichufwenej Biblia: toj ihi lechumet, toj ihi lewʼet wok lhip toj wichi ihi? Alekhajyenej toj lechufwenej nʼoelh Biblia hora wet lhip toj lham ihuminche.

4. Chufwenejpej Biblia nʼoelh. Che lekalhihitʼa, isitʼa che leleyej toj lechufwenej nʼoelh Biblia. Atshan ame mʼayhayna:

1. ¿Ha iche elh ifwala toj ihi semana toj iwoyek lechufwenej Biblia?

2. ¿Ha iwoyek lechumyenlhi teléfono wok computadora?

3. ¿Ha iwoyek letʼalhe ipunfwa elh che ichufwen?

5. Alhe Heowa hopkhilak is alhoho atichunhayaj toj letiyej nʼoelh. Alhe Heowa toj tachʼot ame toj lelehiyejtʼa toj lechufwen nʼoelh, tej toj nilhokhiyejtʼa lewhay toj lhaichufwen wok ikelhthitʼa toj iwoye mʼak toj lhaichufwenej (Filip. 2:13). Alhe Heowa lechʼotyaj hopkhilak tajlhamet letetshan nʼoelh toj lechufwen lakeyis toj isen. ¡Nʼalej toj iche wujpe!