Is che atʼotle tʼun

Mʼak toj Jesús iwoye pʼante

VIDEO: Jesús ifwone mamse niyat toj hiwʼen mʼayek

1. Yahin VIDEO wok yahyen Marcos 10:17-22. Che paj tetshan nʼoyʼatshanhayna:

1. ¿Atsi lakeyis toj isis toj Jesús hiwʼen toj niyatna toj mamse inʼalit?

2. ¿Atsi mʼak toj tamenej toj Jesús iwatlak inʼaltej lehumnhayaj wet tʼotle tʼunej toj ifwone mamsena?

¿Atsi toj ichufwen namejen mʼak toj Jesús iwoye pʼante?

2. Che nahuminchek lhachufwenkay tʼaytshi tʼekhahyaj, is che nanʼaltej lhahumnhayaj toj namhoplhi lhamel mat hate is che lhatʼotle tʼunej.

Tenla mʼak toj Jesús iwoye

3. Chʼote elh toj lhaichufwenej Biblia hopkhilak ikalhi mʼak toj tʼuhlak iwoye.

1. Chumyenlhi lhip toj yok «Mʼak toj is che lewoye» toj ihi weihalha nʼochufwenyaj toj ihi libro ¡Iwoyek lepes ihihitʼa akajyaj!.

2. Chʼote achufwenek hopkhilak ihanej mʼak toj is che iwoye hopkhilak ikalhi mʼak toj tʼuhlak iwoye toj tofwe wet iyhaj toj nitofwaye.

3. Fwenhopej achufwenek toj is tʼat mʼak toj iwoye.

4. Tetshan atsi mʼayhay toj tamenej toj inuhla achufwenek toj tʼaytshi letʼekhahyaj wet chʼote hopkhilak tafwayej tajtso.

1. Atshan ame:

   • «Che ochufwenek lhaikhajyenhiyejtʼa hopkhilak nichate bautismo, ¿atsi mʼak toj inuhla?».

   • «¿Atsi mʼak toj olham iwoyek owoye toj ochʼote?».

2. Alheje Heowa hopkhilak aikhajyen toj atʼotle tʼunej toj lefwone hop achufwenek wet nʼalit ahumnhayaj.

5. Leyej nʼoelh toj iwohiyetʼa mʼak toj lechufwenej

1. Hopkhilak lehanej che kamaj is che lechufwenej Biblia nʼoelh, atshan ame:

   • «¿Ha ochufwenek ichumyenlhi mʼak toj ihanej?».

   • «¿Ha ihoye nilhokej reuniones wet ifwenho wichi mʼak toj matche?».

   • «Che pajche toj lhaichufwenej Biblia, ¿ha tʼuhlak hope wichi toj yen lhometa Heowa?».

2. Che inʼalthitʼa toj iwoye mʼak toj lhaichufwenej:

   • Fwenho toj is che itetshan atsi mʼak toj inuhla toj ichiyhelit letʼekhahyaj.

   • Nʼalit ahumnhayaj toj lefwenho mʼak toj tamenej toj leleyej toj lechufwen.

   • Kalelhtho mʼayhay toj is che iwo iyhaja che ihuminchek yachajo toj lhaichufwenej Biblia.