5-11 AGOSTO

SALMOS 70-72

Nʼotenek 59 wet nʼotʼalhyaj | Nʼolhomtes toj ichun (1 min.)

BIBLIA LECHUFWENYAJAY TOJ LAHAL IHI

1. Fwenho Heowa lakhajyhayaj hop «iyhäj tä tatay alhoho»

(10 mins.)

Lewhay toj mamse David hiwʼen toj Heowa tʼuye (Sl 71:5; w99-S 1/9 18 párr. 17).

Lewhay toj hichʼut David hiwʼen toj Heowa tachʼote (Sl 71:9; g04-S 8/10 23 párr. 3).

David ikhajyen mamses wet lhutshay lewhay toj ifwenho mʼayhay toj Heowa iwoyeje pʼante lham (Sl 71:17, 18; w14-S 15/1 23 párrs. 4, 5).

Nʼowʼet lheley toj nawʼen lepeyak semana naji toj ihi lhip toj lhey «Mʼayhay toj iwoyek tachʼot ame toj lenʼokwiyej Heowa toj lelhayʼe hawʼet lheley». Lhayʼe ipunfwa toj talakw lhayʼe lechʼefwa wet yen lekajyaja toj tachʼahuye mʼayhay toj lhamel yome toj ihi pʼante wet hate ipayne lepeykas.

ATSHAN AME: «Toj ihi oka congregación, ¿atsi ipunfwa toj ohuminchek otʼane, hopkhilak lhayʼe lhip toj otafwelej, lewhay toj olhayʼe owʼet lheley toj olhaihutwek toj onʼokwiyej Heowa?».

2. Nʼolhomtes toj iwatlak natʼukwe

(10 mins.)

Sl 72:8. ¿Chi malhyej (Ep hote) toj Heowa yam matche pʼante lhomtes toj itʼunhatche toj ifwenho pʼante Abraham toj ihi Génesis 15:18 lewhay toj Salomón niyat? (it-1-S 883).

Achulhyaj
Toj ihi Biblia lhip toj nʼoyahyen semanana, ¿atsi mʼak toj lewʼen toj lehuminchek lhome?

Achulhyaj

3. Nʼoyahyen Dios Lhomtes

(4 mins.) Sl 71:1-24 (th-S nʼoch. 5).

NAM IS TOJ NAHOPEHEN NʼOCHUFWENYAJWOS

4. Wo tesa toj letahuyej wichi

(3 mins.) TOJ IHI LEWʼETES. Che nʼoelh toj lewo silotayej fwitsaj, leyej toj lhomlhi mat nʼaltej ahumnhayaj (lmd nʼoch. 4 punto 5).

5. Tʼisiyakaye wichi

(4 mins.) LEWHAY AT CHE HOPE. Tujlhache toj letahuyej elh hawʼet lhele toj ihanhiyejtʼa che iwo tesa toj lhaichufwenej Biblia wok tachumla nʼochufwenyaj toj talhe Biblia (lmd nʼoch. 8 punto 4).

6. Kalelhat mʼak toj letʼekhaye

(5 mins.) Discurso. ijwfq 49. Lhey: ¿Atsi mʼak toj tamenej toj olhamel, wichi toj yen lhometa Heowa, iche mʼayhay toj otʼekhaye toj iwo iyhaja? (th-S nʼoch. 17).

MʼAK TOJ DIOS LAKAWOS IHI

Nʼotenek 76

7. Mʼayhay toj iwoyek lewoye toj lenʼokwiyej Heowa toj lelhayʼe hawʼet lheley

(15 mins.) Nʼotetshan lhayʼe wichi toj tachʼahuye.

Wet toj paj takasthen hopkhilak iten nʼotenkay.

Nʼowʼet lheleyna iyahin JW Broadcasting.

Nʼoko lhayʼe lhose iwaklhat mʼak toj iwoyek lhome wet lako tachʼahuye.

Lewhay toj lenʼokwiyej Heowa toj lelhayʼe hawʼet lheley, hope lewhay toj wuj toj laha ihi hopkhilak lechufwenej ales Lhawuk lhomtes hopkhilak «isyen alhoho mʼak tä iwoye» (Ef 6:4). Tej toj nʼalej atha, mat iwoyek lhen akajyaja toj lechufwen ales, hop toj naʼtshas ihumin toj ihanej mʼayhay toj nechʼe toj talhe Heowa (Jn 6:27; 1Pe 2:2). Mʼak toj iwoyek tachʼote nʼojchalis wet nʼokolis hope toj iwoyek ichumyenlhi recuadro toj lhey «Mʼayhay toj iwoyek lewoye toj lelhayʼe hawʼet lheley» hopkhilak lewhay che lhaihutwek toj nʼokwiyej Heowa, ikalhi toj lhamel wet leles iche mʼayhay toj ihanej wet yen lekajyaja. Tetshan lhimpaj recuadro wet toj paj enlhi nʼoyʼatshanhayna:

¿Ha iche mʼayhay toj ihi recuadro toj lehuminchek lewoye?

Achulhyaj
¿Ha iche mʼak toj pajche lewoye toj matche toj tachʼot amehen?

Achulhyaj

MʼAYHAY TOJ IWOYEK LEWOYE TOJ LELHAYʼE HAWʼET LHELEY

BIBLIA:

Amel iwoyek leyahyen Biblia wet toj iwo elha elh toj yomlhi toj ihi Biblia lewo elha elh toj iyahyen.
Lewhay toj leyahyen lhip toj nʼoyahyen semanapej toj ihi Biblia, waklhat nʼoyʼatshanhay. Wet alheje tefwajpejni hawʼet lheley toj itshupiye tefwajni nʼoyʼatshanek wet is che itetshanchʼoye. Wet che paj iwoyek alefwenhomche mʼak toj alechufwenejenne.
Enlhi nʼoyʼatshanek wok tetshan nʼowitʼay toj iwoyek iche wet toj paj ukwe nʼofwonyajay toj laha ihi toj iwoyek lehanlhi toj ihi librofwaj Textos bíblicos para la vida cristiana.
Enlhi mʼak hopkhilak leten mʼak at che hope toj Biblia yome.
Enlhi tarjetafwas wet thatho versículos toj talho Biblia, malhyej iwoye toj ihi apéndice A toj ihi librofwaj Wo achufwenkaya: Nʼalit ahumnhayaj, wet alekhajyenej toj letihi etek versiculostso. Tetshan tarjetas iyhaj toj lhenlhi semanas toj tafwaytshi.
Tetshan lhip mʼak toj ihi libro ¡Iwoyek lepes ihihitʼa akajyaj!
Alheje tefwajpejni hawʼet lhele toj tʼukwe elh artículo toj ihi lhip toj lhey «Nʼoyʼatshanhay toj talho Biblia» wok «Textos bíblicos explicados» toj ihi lhip toj lhey «BIBLIA LECHUFWENYAJAY» toj ihi jw.org.

REUNIONES:

Waklhat lhip mʼak toj nʼotetshanla toj iyej reunión.
Waklhat amel aka comentarios wet alechufwenejpej. Tetshan lewhay toj lechumyenlhi toj lhome aka comentarios.
Alechufwenej nʼotenkay toj iwujyen Heowa.
Ame wet alechufwenej atsi mʼak toj iwoyek lewoye toj lekhajyen ipunfwa toj iyej reunión.
Che iche elh hawʼet lhele toj hiwʼenla tema toj ihi reunión, chʼahuye mʼak toj iwaklhat.

NʼOWO SILOTA:

Waklhat mʼak toj lhomhiyela toj lewo ameta toj lehoye wichi lewʼetes.
Waklhat mʼak toj letetshanla toj lhachajo toj lehoye wichi.
En atichunhayaja toj lhehi lhip at che hope, wet toj paj alechufwenej toj lewo tesa toj letahuyej nʼoelh.
Tetshan mʼayhay toj letʼuhlak lekalhi toj lewoye hopkhilak letʼayhettshi toj lewo ameta lewhay toj Nʼotichunchʼoye Jesús tʼilek, wok lewhay toj lewʼen vacaciones, toj iyej achumet wok escuela.

MʼAK TOK NʼOWʼET LHELEY IWATLA:

Alechufwenej mʼak toj iwoyek lewoye wok lhome lewhay che iche wok nʼalej ihichela, mʼayhay toj is che letumla malhyej bullying, mʼayhay toj iyej mamses wet lhutshay, toj aleyʼuythihotʼa mʼayhay toj ihonhatena wok mʼayhay toj talhe política wok nʼokajyaj navidad.
Alechufwenej mʼak toj amel is che lewoye, naʼtshas is che lhayene lajcha wok lako wet lajcha wok lako is che lhayene naʼtshas. Wet naʼtshas is che itetshanchʼoye mʼak wet tachʼote lako wet lajcha toj itichunchʼoye tajtso.

IYHAJ MʼAYHAY:

Yahin elh video JW Broadcasting^® wet toj paj ame mʼak toj alechufwenejenne.
Yahyen mʼak wok yahin video toj ihi jw.org, wet toj paj amehen mʼak toj lewʼen.
Tetshan mʼak at che hope toj ihi lhip toj lhey «Mamses wet Lhutshay» wok «Naʼtshas» toj ihi lhip toj lhey «BIBLIA LECHUFWENYAJAY» toj ihi jw.org.
Achajo toj letetshan mʼayhay toj lelesayen toj talho reunión toj wuj.
Yahin wok tetshan mʼak toj talhe Heowa lhenhay wet toj paj tetshan mʼak toj ichufwen amejen toj hope Heowa.
Ichepej lewhay toj iwoyek letʼane aelh hopkhilak iho ame wet toj paj iwoyek leyʼatshane mʼayhay toj iyej.
Tetshan mʼayhay toj espirituales toj iwoyek letʼuhlak lewoye wet tetshan mʼayhay toj iwoyek lewoye hopkhilak lekalhi.
Alechufwenejpej toj lhenlhi mʼayhay malhyej Noé lehi, lhenlhi mapa wok tetshan cartas toj ihi Biblia wok iyhaj publicaciones.

Yahin VIDEO Tujlhache toj lham is toj lenʼokwiyej Heowa toj lelhayʼe hawʼet lheley. Toj paj enlhi nʼoyʼatshanek:

Che leles ihihitʼa, ¿atsi mʼak toj iwoyek hinʼu iwoye hopkhilak lechʼefwa yen kajyaja toj nʼokwiyej Heowa lhayʼe lham?

Achulhyaj

8. Congregación lhaichufwenej Biblia

(30 mins.) bt nʼoch. 13 párrs. 17-24.