Tatay alhoho mʼak toj lhoyʼa lhip toj isilataj

Ahottaj wet ahot lhayis nemhila ikanej wichi pitaj lawhoy. Heowa pajche itatey pʼante honhat lhameltso (Apocalipsis 12:9). Tatoy lhimpaj lawhoy yachajola toj tatayhlo Ahottaj wet ahot lhayis. Juan Dios lakawo lewʼenhay toj tolhe Dios yuk: “Wet owʼen ángel tä inuhchä tä tälh puleye tä ichäj häp chowej tä najit lechʼoya laka llave, lhäyʼe cadena tä wusche. Wet itsoklhi alhutaj tä wujche, häp amlhätaj tä nechʼenyaya tä häpe Ahättaj wet Satanás. Wet yäytej tʼakay tä ichäjlhi, wet ithatche chowej tä najit lechʼoya, wet hipʼohi wet hipʼajtej sello tä letetnek yämthilek nehit katsik ifwoyenche lepe yäk mil nekchämes. Tä mälhyejtso, alhutaj tä wujchetso nemhit ikanejen wichi tä ihiche honhates pajlaʼtha tajyäme lewhäytso. Wet chik tajyäme täjtso, nechʼehilak õʼwahinphä ayej lhimphaj lewhäy” (Apocalipsis 20:1-3). Toj tafwaytsi tajtso Ahottaj wet ahot lhayis Dios yikonchila yomlek tiyajʼattsiy (Apocalipsis 20:10).

Heowa hote yikonchila nilhokej wichi fwitses toj ihi honhatna (Salmo 37:9, 10; Lucas 13:5).

¡Wichi toj yʼinhen yachajola iloyhiche!

Toj paj toj itiyej kanhi Ahottaj wet ahot lhayis, Heowa hiwʼenhola wujpe nʼokapfwayajay wichi toj ihila honhatna. Am tichunla toj wichi toj yʼinhen nemhi lewʼatshancheyaj ihi, lhamel nemhi iche. Jesús itechʼaynej hinʼu toj yʼil hote iwuye hinʼu toj imo imalhewek (Juan 11:11-14). Iwuye tajtso hop toj ihanej toj nomla lawhoy toj wichi imohen toj ihi nʼotʼilek yachajola iloyhiche. Lham yuk: “Nämla lewhäy tä nilhokhiyeja nʼopʼitseyhay [...] inuhikwephäla tä tälhomche lepʼitsekhis” (Juan 5:28, 29; ukwe hote techʼaynej Apóstoles Lhenhay 24:15).

Nilhokej wichitso yachajola iloyhiche ihila honhatna. Nemhi lelotiyela nʼosilatyajay toj yome toj yʼinhen wichi, ¡ihichela nʼosilatyajay toj akosiche toj yome atsihila toj yachajola toj iloyhiche! ¡Matche toj akojyaj ihila lawhoy chik lewʼen wichi pʼante toj letiyej ahumnhayaj wet toj yʼinhen pʼante yachajola iloyhiche!