Dios lakalayʼis iwuhiyeʼa mʼak toj niʼisa

Ahottaj yelhat ame yomtilak lawuye mʼak toj niʼisa. Chik lewatlok ahope Dios kalayʼi, is che lenhoyehu mʼak toj Heowa noyehu (Salmo 97:10). Natetshan mʼak toj Dios lhoyfwa is che iwuhiyeʼa:

Nʼochʼisukiajay sexuales. “Yej lewo akainʼoyaja” (Éxodo 20:14). Hote isitʼe hinʼu wet atsinha imoyej elh toj kamaj newayej (1 Corintios 6:18).

Wichi wʼoknhas. “Wʼoknhas [...] lewʼet ihihitʼala Dios Niyatyaj” (1 Corintios 6:10).

Ilon iñhoj wet ilonlhami lhos. “Yej lelän aelh” (Éxodo 20:13).

Tʼetan. “Yej letʼetan” (Éxodo 20:15).

Matitʼe. Heowa noyehu “olhämtes mathichehentʼa” (Proverbios 6:17).

Nʼokattshayajwo. Heowa “wuj tä nʼäyihomche hinʼol tä fwitses” (Salmo 11:5). Iche “mʼayhay tä tälho wichi lenechʼethayajay” molhyejt “awäkwyhatses” (Gálatas 5:19, 20).

Ikhuyej yomtilak hiwʼen lhoyʼa lhip chinajʼtoj. “Tʼuhawethiyejtʼa chik alepʼajtej elh chick häpe” alhen “alhaknhatsaj” (1 Corintios 5:11).

Noyehu hop wichi toj wenhalhamej wet wenchelhamej lhomtes. “Humnhen atayhfwas wet alhyene Dios häp lhamel tä iti amejen lakaʼtshayaj” (Mateo 5:43, 44).

Dios ifwel amhu mʼak toj is che lawuye yomtilak aʼisen. Hatahiʼa letiyej kanhi mʼak toj niʼisa, mat Heowa wet laka wichi toj yen lhometa iwuye tachʼut ame che letiyej kanhi mʼak toj Dios niwatanlok (Isaías 48:17; Filipenses 4:13; Hebreos 10:24, 25).