¿Atsi mʼak toj tamenej toj is che lhekatchufwi toj alechufwen?

1. ¿Ha tachʼotla ame toj lhekatchufwi toj alechufwenej Biblia?

Kalelhaj tʼat toj nʼochufwenyajay toj ichun toj ihi Biblia toj letetshanne, ichiyhelit ahumnhayaj toj letiyej Heowa. Mat kamaj is che lhekatchufwi toj lekhajyen ahumnhayajtso (1 Pedro 2:2). Che lhekatchufwi toj lhewhaye Heowa toj alechufwenej Dios Lhomtes iwoyek lewʼen aniwhayaj toj hope hawʼatshancheyaj toj tʼun. Yahyen Juan 17:3 wet Judas 21.

Che lhimpajpej toj letʼayhettsi toj alechufwenej atsi toj hope Dios, ekhahyaj takhajayla wet toja tachʼotla ame toj lewo lekajyaja Heowa (Hebreos 11:1, 6). Ekhahyajtso aikhajyen hopkhilak lewo elha atichunhayajay wet lewo elha hanʼayij toj aisiyeja. Yahyen Apóstoles Lhenhay 3:19.

2. ¿Atsi mʼak toj is che lewoye yamthilek letachʼote wichi iyhaj?

Nʼalej toj lehuminchek lefwenho wichi iyhaj mʼak toj nechʼe toj letafwelej, hop toj nilhokej namel nahumin toj nafwenhomche wichi hop nʼosilotyaj toj isis. Che lhekatchufwi toj alechufwenej Dios Lhomtes lehanhiyeja toj lechumyenlhi toj lhame Heowa wet lesilotyaj toj isis toj hiwʼenhihola wichi. Yahyen Romanos 10:13-15.

Am iwoyek lewotesa toj lefwenho hawʼet lheley wet akalayʼis. Mat is che letʼamajej amtes lewhay toj lhamhoplhi hopkhilak lenʼaltej toj lhenhitʼa wʼet mʼayeka. Isitʼa che lefwenho toj mʼak toj tʼekhaye hopkhitʼa mʼak toj is alhoho, mat is che lefwenho mʼayhay toj Dios yome pʼante toj yenhilhila. Tichunla toj mʼak toj lewoye matche toj takhajay inuʼpe mʼak toj lhame. Yahyen 2 Timoteo 2:24, 25.

3. ¿Ha iwoyek matche toj aise Dios?

Che lhekatchufwi toj alechufwenej Dios Lhomtes tʼaytshihla ekhahyaj wet hate matche toj aise Heowa. Am iwoyek lhehi Dios lewʼet lheley. Yahyen 2 Corintios 6:18.

4. Hopkhilak tʼaytshi toj lhamwhaye Dios, ¿atsi mʼayhay toj tach’otla ame?

Yej leyej toj alechufwenej Dios Lhomtes (Hebreos 5:13, 14). Tʼalhe wichi toj yen lhometa Heowa che ichufwen amej Dios Lhomtes ichumyenlhi tʼat libro Mʼak toj Biblia ichufwen amej. Che tʼaytshi toj letafwelej, tʼaytshihla toj is mʼak toj lhehi. Yahyen Salmo 1:1-3 wet 73:27, 28.

Mʼayhay toj ihi Dios Lhomtes toj hopehen «nʼosilotyaj toj isis toj lewujyajay ihi talhe tʼat Dios toj lekajyaj ihi» (1 Timoteo 1:11, nwt). Am iwoyek lhamwhaye Dios, che lhamwhaye laka wichi (Hebreos 10:24, 25). Che lhekatchufwi toj alekhajyenej toj lekajyenlhi Heowa, lenʼalit toj lewatlak lekalhi nʼowʼatshancheyaj toj matche, nʼowʼatshancheyaj toj laj lepesa. Kalelhaj tʼat: toj lhamwhaye Dios, hope mʼak toj lhayʼe lhip toj is toj am lewoye. Yahyen 1 Timoteo 6:19.