NʼOCHUFWENYAJ 4

Lham iwo pʼante kajyaja lajcha wet Heowa

Jefté iwo tʼalhyajaye Heowa lewhay toj Israel lhayis tatayhla letayhfwas — ¿Atsi mʼak toj Jefté ifwenho pʼante Heowa toj iwohiyela?

Jefté, yaple lewʼet toj talhe n’oka’tshayaj, tatsufwelej lhase toj yistejla — Tej toj wuj toj atha, mat Jefté lhase yam matche lajcha lhomtes toj ifwenho toj iwohiyela

¿Ha lewʼen hop hanʼofwaj toj ihi nʼopeyakna? ... Lham hope pʼante hinʼu toj lhey Jefté lhase. Hop Dios Lhomtes yamhiyetʼa lhey, mat yome toj iwo pʼante kajyaja lajcha wet Heowa. Lhek natetshan mʼak toj lham wet lajcha iwoye pʼante.

Jefté hope pʼante hinʼu toj is lakey wet ichufwenejpej lhase mʼayhay toj talhejla Heowa. Hate hope pʼante hinʼu toj takhajay wet hope pʼante wichi laka niyat toj is. Hop toj tamenej toj Israel lhayis ihuminche pʼante che hope nʼoelh toj inuhyenkwe lhamel lenʼayij hopkhilak tataypejla letayhfwas.

Jefté tʼalheje pʼante Heowa lechʼotyaj hopkhilak ikalhi letayhfwas. Jefté ifwenho pʼante Heowa mʼak toj iwohiyela, che lham ikalhi letayhfwas, hiwʼenhohla tʼat nʼoelh toj ichun toj yikla toj ihi lewʼet che lham yaple. Nʼoelhtso is pʼante che ihi wet tachumlhi yamlek tiyajʼattsiy toj ihi Dios Lewʼet toj Nʼotʼamajchet. Hop Dios Lewʼet toj Nʼotʼamajchet hope lhip toj wichi ihoye hopkhilak nʼokwiyej Heowa. Jefté ikalhi pʼante tʼat letayhfwas toj tatayhla. Lewhay toj yaple pʼante lewʼet, ¿ha lehanej atsi nʼoelh toj ichun toj iyahinla wet yikla?...

Hope pʼante Jefté lhase toj weiyhalha. Athana is pʼante che lajcha ichene lhase hop Dios Lewʼet toj Nʼotʼamajchet hopkhilak tachumlhi toj ihi. Tajtso tamenej toj matche pʼante toj aytaj letichunhayaj. Mat yej pʼethatla mʼak toj Jefté ifwenho pʼante Heowa toj iwohiyela. Hop toj tamenej toj lhase yopʼantek: ‹Ijcha, mʼak toj lefwenho Heowa is che lham matche›.

Jefté lhase toj tachuma n’olhetes hopkhilak ihane Dios Lewʼet toj N’ot’amajchet, lakay’efwas t’isiyake — Nekchompej, hop Jefté lhase lakayʼefwas tʼisiyakaye toj ihi Dios Lewʼet toj Nʼotʼamajchet

Hote Jefté lhase aytaj pʼante letichunhayaj. Tsi Dios Lewʼet toj Nʼotʼamajchet toj is che ihi toj tachumlhi, isitʼa pʼante che iwo lechʼefwaya wet iwo lelesa. Mat toj paj ihuminche pʼantek yam matche lajcha lhomet wet ikajyenlhi Heowa. Tajtso hope pʼante mʼak toj matche toj iwo lahaya, inuʼpe toj che iwo lechʼefwaya wok iwo lelesa. Toj malhyejtso ihoye pʼante Dios Lewʼet toj Nʼotʼamajchet wet yen lewʼeta yamlek tiyajʼattsiy.

¿Ha lefwetaj mʼak toj atsinhana iwoye pʼante ikajyenlhi lajcha wet Heowa?... Matche, iwoye pʼante tajtso. Che am ahope elh toj tachʼahuye wet ihumin Heowa, iwoyek amalhyej iwoye hop Jefté lhase. Wet ajcha wet ako hate Heowa matche toj lhamel lekajyaj ihihla.

TETSHAN TOJ IHI DIOS LHOMTES

Deuteronomio 6:4-6
Jueces 11:30-40
1 Corintios 7:37, 38