Jefté laka promesa

Israelitas yachajo toj hipʼethatla Heowa wet iwo tesa toj nʼokwiyej dioses toj kamatachehen. Toj Amón laka wichi inuye lhamel, dioses toj kamatachehen tʼuhiyetʼa lhamel. Wujpe lewhayis toj ihi lewitʼay, toj lepes ifwenho Heowa: «Isitʼa mʼak toj owoye. Fwayhat nʼoyejen olhamel otayhfwas». Israelitas iwasthi laka dioses toj kamatachehen wet yachajo toj lhamel nʼokwiyej Heowa. Toj malhyejtso, Heowa iwohiyetʼak itelaytej toj hiwʼen toj lhamel ihi lefwitajayaj.

Hop toj tamenej toj israelitas tatshupiye guerrero toj lhamya toj lhey Jefté. Lham hopkhila laka líder hopkhilak itayhla Amón lhayis. Jefté ifwenho Heowa toja: «Che am lechʼot nʼoyehen toj okalhi Amón lhayis, oyachajla ame elh toj ichun toj talhchufwi hop owʼet che oyapil». Heowa tachʼahuye Jefté letʼalhyaj wet tachʼote toj ikalhi Amón lhayis.

Toj Jefté yaple lewʼet, elh toj ichun toj iyahinla lham hope lhase. Unofwaj lhase. Tiyajpalhi wet yʼaji pandereta. ¿Atsi mʼak toj Jefté iwohiyela athana? Lham ihusekla laka promesa wet yok: «¡Olhase! Wasi otʼotle. Ofwenho oka promesa hop Heowa, wet hopkhilak oyam matche, is che ochʼen ame toj lechumhoplhi tabernáculo toj ihi Silo». Lhase nichulho: «Ijcha, che pajche lefwenho tajtso Heowa, athana is che lham matche. Tajlhamet otʼalh ame che iwoyek ohoye chenhas lhayʼe oka amigas dos meses. Che paj, ohohiyela tabernáculo». Jefté lhase tʼifwtintsaj wet tachumhoplhi Heowa toj ihi tabernáculo nilhokej lewhay toj ilay. Laka amigas nilhokej años toj tʼisiyake lham toj ihi Silo.