NʼOCHUFWENYAJ 8
Abraham wet Sara tachʼahuye Dios
Iche ciudad toj lhey Ur toj wujhitʼa toj tofwehla Babel. Wichi toj ihi lhiptso nʼokwihiyejtʼa Heowa mat nʼokwiyej dioses iyhaj. Mat iche pʼante hinʼu toj ihi Ur toj nʼokwiyej Heowa lhey Abraham.
Heowa ifwenho Abraham toja: «Ekchʼoye hawʼet wet hawʼet lheley wet hoye lhip toj opayenla ame». Toj paj Dios ikalelhtho toja: «Otalhthila ame wujpe wichi. Wet wujlaʼpe mʼayhay toj isis toj ihiyeja wichi isila amej».
Abraham ihanhiyejtʼa lhip toj Heowa tʼalhe che ihoye, mat lham tʼekhaye Heowa. Abraham, lechʼefwa Sara, lajcha Tare wet laka sobrino Lot tachʼahuye tʼat Dios. Iwaklhat laka mʼayhay wet iwo tesa toj yikhen.
Abraham hiwʼen pʼante 75 años lewhay toj lham wet lewʼet lheley ichate lhip toj Heowa ipayne, lhiptso lhey pʼante Canaán. Lewhay toj ichatho lhiptso Heowa ikalelhtho toja: «Nilhokej honhat toj lewʼen owʼenhihola ales». Mat Abraham wet Sara tanhay wet leles ihihitʼa. Toj malhyejtso, ¿atsi mʼak toj Heowa iwohiyela hopkhilak yam matche lhomet toj ifwenho lhamel?
«Abraham tʼekhaye pʼante Dios, wet häp tä iwoye tʼat tä Dios tʼäne, wet yik, ihoye honhat tä Dios ifwenho tä yenla lewuka. Tä yikchʼoye laka honhat, ihanhiyejtʼa ihi lhip tä ihoye» (Hebreos 11:8).