NʼOCHUFWENYAJ 11
Heowa ihuminchek ihanej che Abraham tʼekhahyaj takhajay
Abraham ichufwenej pʼante lhos Isaac toj ihumin Heowa wet toj tʼekhaye nilhokej mʼak toj yome. Mat, toj Isaac tottʼaye toj hiwʼen 25 años, Heowa tʼalhe pʼante Abraham mʼak toj lhayʼe lhip toj athaho lham. ¿Ha lehanej atsi mʼak toj tʼalhe?
Dios ifwenho Abraham toja: «Por favor, hoye chenaj toj ihi lhip toj lhey Moria, chaj amche as toj weihalha wet en nʼo wayhata». Abraham ihanhiyejtʼa mʼak toj tamenej toj Heowa tʼalhe tajtso, mat lham tachʼahuye Heowa.
Toj ifwala elh, toj nechʼe ifwala, Abraham ichaj lhamche lhos Isaac wet dos lakawos toj lhamel tiyaje Moria. Toj tafwaytshi tres ifwalas, nechʼe toj lhamel hiwʼene chenhas toj ihoye. Abraham tʼalhe pʼante lakawos che inihihla lham wet Isaac toj ihoʼpe chenaj toj yenlhi nʼowayhat. Abraham ichaj lhamche tsonhat wet hiwʼenho lhos che tilhaj leña. Isaac yʼatshane lajcha: «Wet, ¿tsonʼataj toj nalanla?». Wet Abraham ichulho: «Heowa toj hiwʼenla namhohen».
Toj lhamel ichatʼpe chenaj, yenlhi altar. Toj paj, Abraham inahit Isaac lakalay wet lekweyey, wet itiʼpe altar.
Abraham tachuma tsonhat. Lewhaytso, Heowa laka ángel lepak toj tʼalh pele yok: «¡Abraham! ¡Yej lelan mamse! Athana ohanej toj letʼekhaye Dios, hop toj tʼunhitʼa amho toj lelan as». Abraham hiwʼene tsonʼataj toj lechʼulh imalhehi tuskal. Ilanche Isaac lekweyey tʼakay wet ilan tsonʼataj.
Talhe lewhaytso, Heowa yome toj Abraham hope laka amigo. ¿Ha lehanej mʼak toj tamenej? Hop toj Abraham iwoye nilhokej mʼak toj Heowa tʼalhe che iwoye, tej toj itafwnhichetʼa mʼak toj tamenej toj Heowa tʼalhe.
Heowa yachajo toj ikalelhtho Abraham toja: «Okapfwayhla ame wet wujlaʼpe wichi toj talh ame, wujlaʼpe ales». Tajtso hope toj, talhiyela Abraham lewʼet lheley, toj Heowa hiwʼenhihola mʼayhay toj isis wichi toj iwoye mʼak toj is.
«Tsi Dios wuj tä ihumnhen wichi tä iʼpe honhat, wet hiwʼenho Lhäs tä weihalha, häpkhilek elh at chik häpe chik tʼekhaye, tatäyhitʼala, mat ikatej lewʼatshancheyaj tä tʼun» (Juan 3:16).