NʼOCHUFWENYAJ 12
Jacob tachumla herencia
Isaac hiwʼen pʼante 40 años toj tawhayey toj iyej Rebeca. Lham matche pʼante toj ihumin. Toj tafwaytshi lewhay hiwʼen dos leles toj gemelos.
Lhos toj talakw lhey Esaú, wet lhos elh lhey Jacob. Esaú matche toj ihumin toj ihoye tayhi, wet ihanej toj ilan itshatay. Mat Jacob ihumin toj ihi lewʼet.
Lewhaytso, che yʼil lajcha, lhos toj talakw lhayʼe lhip toj tachumla honhat wet chinaj tʼoj, inuʼpe lechʼinhis. Tajtso nʼoyenla lheya herencia. Herencia toj talhe Isaac lewʼet lheley, hate hope mʼak toj Heowa ikalelhtho pʼante Abraham. Hop Esaú itetshanhitʼa mʼayhaytso. Mat Jacob ihanej toj matche toj laha ihi.
Iche ifwala, toj Esaú imalhewek ifwala toj ihi tayhi, toj ichate lewʼet wuj toj yʼel. Wet ilatche lenij toj matche toj akaj mʼak toj Jacob yenlhi wet yok: «¡Matche toj ochuyu! ¡Wʼen nʼoho lhip mʼak toj lhenlhi toj chat!». Mat Jacob yok: «Is tʼat, mat toj ichun kalelhat nʼoho toj lewʼenla nʼoho aka herencia». Esaú ichulho wet yok: «¿Atsi herencia? ¡Malheyej!, mʼak toj olham owatla hope toj otʼek». ¿Ha lefwetaj toj is alhoho mʼak toj Esaú iwoye pʼante? Kha, isitʼa alhoho. Takawayhla mʼak toj matche toj laha ihi itumhatla comila.
Toj Isaac hichʼut, ichate lewhay toj hiwʼenho lakopfwayaj lhos toj talakw. Mat Rebeca tachʼote pʼante Jacob, lhos toj nitalakwa, hopkhilak lajcha takopfwaye lham. Esaú ihanchʼoye mʼak toj lajcha iwoye toj ikapfwaye lechʼinij, wet tʼukwe lenʼayij hopkhilak ilan Jacob. Isaac wet Rebeca iwatlak tʼuye lhos Jacob, hop toj tamenej toj ifwenho toja: «Kelhtsi, malheyej aka tío Labán, ako lechila, yamlek tafwaytshi Esaú lewak». Jacob tachʼahuye lajcha wet lako wet yik hopkhilak lechila ilanhitʼa.
«¿Atsi mʼak chik hinʼo isej chik ikalhi pʼiya nilhokej mʼayhay tä ihi honhat, mat lham tatäy? Wok ¿chihätefwaj mʼak chik tiskanejpe pʼiya yämthilek õyachaje lewʼatshancheyaj?» (Marcos 8:36, 37).