Jacob wet Esaú is lhamehen

Heowa yome pʼante toj tʼuhiyela Jacob, malhyej toj tʼuye pʼante Abraham wet Isaac. Jacob ihi pʼante lhip toj lhey Harán. Toj ihi lhiptso tawhayey, hiwʼen wujpe leles wet wuj toj hiwʼen mʼayhay.

Toj tafwaytshi lewhay, Heowa ifwenho Jacob toja: «Aple ajcha laka honhat». Toj malhyejtso, Jacob wet lewʼet lheley iwo tesa toj lhaiwaklhathen hopkhilak yikhen. Toj ihi nʼayij, iche lakawos iyhaj toj ifwenho toja: «Achila tiyaj kana lhayʼe 400 hinʼul». Jacob wuj toj nowaye che lechila Esaú iwoyeje mʼak toj niʼisa lham wet lewʼet lheley. Hop toj tamenej iwo tʼalhyajaye Heowa: «Por favor, fwayhat nʼoyej ochila». Toj ifwala elh, Jacob ichene lewʼayhat Esaú: tsonʼatas, kaylas, wʼasetas, camellos wet asnolis.

Honatsitso, toj Jacob unofwaj, hiwʼene hop ángel. Ángeltso tʼupʼantehlak yik mat Jacob itsoklhi pajtha ifwala elh. Tej toj Jacob lelatsek ihi, ilehiyejtʼa. Hop toj tamenej toj ángel yok: «Le nʼoyej». Mat Jacob ichulho: «Che lakopfway noye, olehla amej».

Toj lepes, ángel ikopfwaye Jacob. Wet athana Jacob ihanej toj Heowa inuhlahla che Esaú iwoyeje mʼak toj niʼisa.

Toj nechʼe fwalatso, Jacob hiwʼenla Esaú wet 400 hinʼul toj nekche. Ichunla lewʼet lheley hopkhilak ichutla Esaú wet, toj ichatwhaye, nʼokwiyej siete veces lham. Esaú inu alhoho toj ichutla Jacob wet toj ichate tatsufwelej. Lhamel iwo tesa toj tafwchehcha wet athana is lhamehen. ¿Ha lefwetaj toj Heowa ihumin mʼak toj Jacob iwoye pʼante?

Toj tafwaytshi mʼak toj lhamel iwoye, Esaú yaple lewʼet, wet Jacob tujlhache lenʼayij. Jacob hiwʼen pʼante 12 leles: Rubén, Simeón, Leví, Judá, Dan, Neftalí, Gad, Aser, Isacar, Zabulón, José wet Benjamín. Toj paj, Heowa ifwaythila laka wichi isej José, Jacob lhos elh. ¿Ha lewatlak lehanej? Natetshanla.