NʼOCHUFWENYAJ 19
Tres mʼayhay toj niʼisa toj itaye Egipto (plagas)
Israel lhayis hopehen pʼante esclavos, wet egipcios inityenej toj wuj toj tachumwetha. Heowa ichene pʼante Moisés wet Aarón hopkhilak ifwenho faraón toja: «Wahintsi oka wichi hopkhilak nʼokwi nʼoyej toj ihi desierto». Faraón matche toj lhaichajlhi wet yok: «¿Atsi elh toj hope Heowa? Israelitas iwohiyetʼak yikhen». Tafwaytshi lewhay, faraón lhayʼe lhip toj tachumyenwetha lhamel. Heowa ichufwenhiyeja mʼak. ¿Atsi mʼak toj iwoye? Ichene pʼante 10 plagas Egipto. Heowa ifwenho Moisés toja: «Faraón tachʼahuhitʼa noye. Toj nechʼe fwala lham ihohiyela tewok Nilo. Hoye wet fwenho toj inat toj ihi tewok hopkhila wʼoyis hop toj ichenhitʼa oka wichi». Moisés tachʼahuye wet ihoye faraón. Faraón hiwʼen toj Aarón itipha letsut wet yʼajeji tewok Nilo, wet inat lhayene wʼoyis. Hop tewok najuthi, wichi iwohiyetʼak iyayej inat, wet yʼinhen wʼahat. Mat faraón kamaj iwathitʼahlak ichenhen israelitas.
Toj tafwaytshi siete ifwalas, Heowa yachajo toj ichene Moisés hop faraón: «Che kamaj oka wichi imalhehi Egipto, pʼayi poyejla». Toj faraón tachʼahuhiyetʼa, Aarón itipha letsut, wet pʼayi poyej Egipto. Pʼayi ihi wichi lewʼetes, iʼpe lemawet, ihi platos... ¡Ihiche nilhokej lhipey! Faraón tahuyej Moisés wet yok: «Alheje Heowa che ikasthayen mʼayhaytso. Nechʼe, Israel lhayis inuhikwephala». Heowa iwoye lhomet, wet egipcios ihutwek pʼayi toj yʼinhen. Wet honhat nechʼe lenij ihi, mat faraón kamaj itsokwetha Israel lhayis.
Toj paj, Heowa ifwenho Moisés wet yok: «Is che Aarón yʼajej letsut honhat. Che iwoye tajtso, honhat mok lhayʼehila yaphinʼas». Wet malhyejtso, iche wujpe yaphinʼas toj itshanhen wichi. Iche egipcios toj ifwenho faraón toja: «¡Plagana talhe tʼat Dios!». Mat tej toj malhyejtso faraón kamaj itsokwetha Israel lhayis.
«Opaynhiyehla lhamel okhajyhayaj wet ihanhiyeja toj olhey hope Heowa» (Jeremías 16:21, nwt).