Seis plagas iyhaj

Moisés wet Aarón ihoye faraón hopkhilak ifwenho Dios lesilotyajna: «Che kamaj letshokweta oka wichi, ochenla ame tábanos». Tábanos hope kʼatas toj wus toj itshan wichi. Wujpe kʼatas toj tiyajchufwi egipcios lewʼetes, itetshanhitʼa che niyatey wok pʼalitses. Tábanos tapoyej Egipto. Mat lhip toj Israel lhayis ihi, toj lhey Gosén, ihichetʼa tábanos. Plagana wet iyhaj toj ihanpha wuj toj iwitʼayen egipcios, mat iwitʼayenhitʼa israelitas. Faraón wuj toj lhaipʼaltsene Moisés wet yok: «Alheje Heowa che itiyej kanhi kʼatas, wet nechʼe aka wichi iwohiyelak yikhen». Mat, toj Heowa iti kanhi kʼatas, faraón iwo elha letichunhayaj. ¿Ha lefwetaj toj faraón ihichehla ifwala toj noj toj lhetek tʼun?

Toj paj, Heowa yok: «Che kamaj faraón itsokwetha oka wichi, hop egipcios lelay tʼinhayaj ihihla wet yʼinhenla». Ifwala elh, matche Heowa lhomet, mat Israel lelay mʼak ihiyejtʼa. Tej toj malhyejtso, faraón kamaj lhetek tʼun.

Toj malhyejtso, Heowa ichene Moisés che yaple faraón wet itsaypha mokʼotaj. Hop mokʼotaj lhayen hopeya honhat mok toj lhaʼpe Egipto. Wet tajtso iwoyeje hop lhamel wet lelay lelatsek toj aytes. Mat faraón yachajo toj ifwenho israelita toj iwohitʼak yikhen.

Heowa yachajo toj ichene Moisés hop faraón hopkhilak ifwenho toja: «¿Ha kamaj letsoklhi oka wichi? Che fwala otshaylaʼpe kalatʼu». Toj ifwala elh, Heowa itshayʼpe kalatʼu, pelhay wet itaj hop Egipto. Hope pelhay toj ihichetʼa lewhay toj egipcios hiwʼen. Iwastiche halʼoy wet mʼak toj lhamel itatcha, mat Gosén kha. Toj malhyejtso faraón ifwenho toj yok: «Alheje Heowa che ikasthayen toja, wet nechʼe iwohiyelak lhekhen». Mat toj ikasit kalatʼu wet pelhay, faraón iwo elha letichunhayaj.

Toj malhyejtso Moisés yok: «Athana chol tufwila mʼak toj amel letatcha toj tafwaytshi pelhay». Wujpe chol toj tuj mʼak toj imalhehi halʼoy wet hate mʼak toj lhamel itatcha. Faraón lhaipʼaltsene Moisés wet yok: «Alheje Heowa che iti kanhi chol». Mat toj tafwaytshi lewhay toj Heowa iti kanhi chol, faraón kamaj lhetek tʼun.

Toj paj, Heowa ifwenho Moisés: «Tichepha akweyey». Toj iwoye tajtso nechʼe matche toj honatsi wuj. Tres ifwalas toj egipcios iwohiyetʼak hiwʼenche honhat. Tajlhamet israelitas toj hiwʼen luz toj ihi lewʼetes.

Faraón ifwenho Moisés wet yok: «Am wet aka wichi iwoyek yikhen, mat alay kha». Moisés ichulho: «Is che olhamel ochaj olay hopkhilak owʼenho oka Dios lewʼayhat». Hop faraón wuj toj lewak ihi wet tʼan: «¡Kelhtsi ek! Che lepil, leyʼinhila».