Heowa tatshupiye Josué

Moisés inuhyenkwe pʼante israelitas lenʼayij wujpe años, mat athana nofwila toj iwoye tajtso. Heowa ifwenho Moisés toja: «Am hopkhitʼala elh toj ichaje israelitas Honhat toj ofwenho pʼante lhamel, mat tajlhamet opaynhila ame». Toj malhyejtso, Moisés tʼalhe Heowa che itshupiye elh líder hopkhilak tʼuye tʼat wichi. Heowa nichulho Moisés: «Tahuyej Josué wet fwenho toj lham hope elh toj otshupiye».

Moisés ikalelhtho Israel lhayis toj lham yʼinhila wet toj Heowa pajche itshupiye Josué hopkhilak ihane Honhat toj pajche ifwenho lhamel. Wet Moisés ifwenho Josué toja: «Yej noway. Heowa tachʼotla ame». Toj tafwaytshi tajtso, Moisés ihoʼpe lhip toj tojpha toj iʼpe chenaj Nebo. Toj ihi lhiptso, Heowa ipayne Honhat toj pajche yome toj hiwʼenhihola Abraham, Isaac wet Jacob. Moisés hiwʼen pʼante 120 años toj yʼil.

Heowa ifwenho Josué: «Istho tewok Jordán wet hoye Canaán. Olham ochʼotla ame, malhyej toj ochʼote pʼante Moisés. Yej pʼethatla toj leyahyen oka Ley nilhokej ifwalas. Yej noway, is che atʼotle tʼun. Mah wet woye nilhokej mʼak toj oneʼtek lewoye».

Josué ichen dos hinʼul toj iyahne Jericó. Toj ihi nʼochufwenyaj elh nahanhiyeja mʼayhay iyhaj toj iche pʼante toj ihi lhiptso. Lewhay toj espías piltha toj talhe Jericó, ifwel toj athana hope lewhay toj is toj tiyajo Canaán. Toj ifwala elh, Josué ifwenho wichi toj is che inachu lewʼetes. Toj ichun, ichene tewok Jordán hop sacerdotes toj tilhaj arca toj nʼotʼamajchet. Tewok tapoyej, mat, toj sacerdotes tʼasi tewoktso noj toj ilafwelche wet tamchay. Toj malhyejtso sacerdotes inukwe lhiptso. Toj lhamel ichate lechowej tewoktso, takasithen wet itaye che israelitas ichate lhip elh. Toj lhamel hiwʼen tajtso, ¿ha lefwetaj toj lhamel ihusekchʼoye mʼak toj Heowa iwoye pʼante toj ihi mar Rojo?

Nilhokej añostso, israelitas nechʼe ichate Honhat toj Heowa pajche ifwenho lhamel. Athana lhamel iwoyek yenwetha lewʼetes wet ciudades. Lhamel iwoyek itatcha uvas lhiley, cebada, wet hate yenwetha laka huertas. Toj ihi honhattso toj Heowa ifwenho pʼante lhamel, iche wujpe mʼayhay toj isis toj iwoyek nʼotuj wet nʼoyayej wet toj nʼoyen lheya tʼos wet kʼayek lewʼet.