Joyada hope pʼante elh toj tʼotle tʼun

Jezabel lhase ihi pʼante, lhey Atalía wet matche pʼante toj fwitsaj hate iwoye lham. Atalía iyej pʼante hop Judá ka niyat. Toj lechʼefwa yʼil, lhos iwo tesa toj iwo leniyatyaja. Wet, toj yʼil lhos, Atalía imalheyej nʼoniyatyaj toj ihi Judá. Hopkhilak ihichetʼa elh che isoyej leniyatyaj, tʼupʼantehlak ilan nilhokej niyat leles wet iyhaj toj iwoyek hopehen niyatey. ¡Hate ilanhen tʼat laka nietos! Hop toj tamenej toj nilhokej nowaye lham.

Hop sacerdote toj lhamya, Joyada, wet lechʼefwa, Joseba, ihanej tʼat toj Atalía iwoye tʼat mʼak toj niʼisa. Hop toj tamenej toj lhamel iskat Atalía laka nieto toj hanʼafwaj toj lhey Joás, wet tajtso iwoyek tamenej hop lhamel. Wet ichiyhelit hop hanʼafwajtso toj ichufwi templo.

Toj Joás hiwʼen pʼante siete años, Joyada ihutwek nilhokej sipʼalis wet levitas. Wet yok: «Uye lepelis toj ihi templo. Isitʼak elh che hope che tiyajchufwi». Toj paj, Joyada itiʼpe Joás corona hopkhilak hope niyat toj ihi Judá. Toj malhyejtso wichi toj ihi Judá tʼanhen: «¡Lewujyaj ihi niyat!».

Hop niyat tsinha Atalía ilate toj wichi tʼanhen toj ihi templo wet inu alhoho toj ihoye. Toj hiwʼen niyat toj nechʼayek yok: «¡Kantses! ¡Kantses!». Sipʼalis itsoklhi hop niyat tsinha toj fwitsaj, ichaj wet ilan. Mʼak toj niʼisa toj lham iwoye, wichi iten tʼat. ¿Atsi mʼak toj ihiyeja athana?

Joyada tachʼote wichi hopkhilak ifwenho Heowa toj tajlhamet lham toj nʼokwihiyeja. Joyada tʼalhe pʼante wichi che iwasthi Baʼal laka templo wet hate iwasthi nʼocheyalis. Itihi sacerdotes wet levitas toj tachumhoplhi Heowa laka templo hopkhilak wichi iwoyek yachajo toj nʼokwiyej toj ihi lhiptso. Hate itihi sipʼalis templo lepelis hopkhilak ihichetʼa elh che nitʼuhawetayej toj tiyajchufwi. Toj paj, Joyada wet sipʼalis laka niyatey ichaje hop Joás palacio wet itiʼpe laka trono. Wichi toj ihi pʼante Judá matche toj lekajyaj ihi. Nechʼe toj lhamel iwoyek nʼokwiyej Heowa, ihichetʼa tsinha toj fwitsaj Atalía wet elh toj nʼokwiyej Baʼal. ¿Ha lefwetaj toj Joyada hope pʼante elh toj tʼotle tʼun? ¿Ha lewʼen toj tajtso tamenej toj tachʼote wujpe wichi?