¿Atsi Dios lenechʼethayaj toj tʼuhlak iti namejen?

Biblia yome toj wichi hiwʼen «ifwalas nitäkwiyejtʼa wet wujpe lelhaklis» (Job 14:1). Mat, ¿ha hope toja mʼak toj Dios tʼuhlak wichi ihi? Wet, che nimalhyejatso, ¿atsi Dios lenechʼethayaj toj tʼuhlak iti namejen? ¿Ha lhayamla matche ifwala che hope? Tetshan nʼolhometna toj iwoyek ikhajyen namel toj talho tʼat Biblia.

1. ¿Atsi mʼak toj Dios tʼuhlak nehi?

Heowa ihuminchek namel nehi tʼat mʼak toj is. Lewhay pʼante toj yenlhi wichi toj ichun, Adán wet Eva, itihi pʼante lhip toj matche toj isilataj toj hope pʼante: yachuyajwʼet Edén. Wet lewhaytso Dios «hiwʼenho lakäpfwayaj tä is häp lhamel, wet yok: -Woyay alesa, aʼämay wujpey häpkhilek tapoyej honhat. Aʼen niyatayej honhat» (Génesis 1:28). Heowa tʼupʼantehlak Adán wet Eva iwo lelesa, yam isilataj Honhat wet tʼuye tʼat itshatay. Wet lenechʼethayaj hope pʼante toj nilhokej wichi letʼisanis letʼinhayaj ihihitʼa wet toj iwoyek lepes ihihitʼa toj ilayhiche.

Tej toj mʼayhay malhyejatso,a mʼak toj Dios tʼupʼantehlak iwoye iwohitʼa elha (Isaías 46:10, 11). Lham kamaj tʼuhlak wichi toj chʼahunhas iwoyek lepes ihihitʼa toj ilayhiche wet is tʼat mʼak toj ihi (yahyen Apocalipsis 21:3, 4).

2. Athana, ¿chi malhyej (ep hote) toj iwoyek nen kajyaja mʼak toj nehi?

Heowa yenwetha pʼante namel hopkhilak «[na]tachʼahuye lhämet wet [na]woye» hop toj tamenej toj iwoyek natafwelej Lham wet nanʼokwiyej (yahyen Lucas 11:28). Dios tataye tʼat che namel naise, tʼuhlak «[na]nukwepej lenʼäyij», wet nahuminay wet nen at lhawuka imalhewek lhahusek (Deuteronomio 10:12; Santiago 2:23). Che nawoye tajtso, iwoyek lhakajyaj ihiche tej che nehi tʼat lhawitʼayhyajay. Toj nanʼokwiyej Heowa is tʼat mʼak toj nehi, hop toj nawoye tʼat mʼak toj lham tʼalh namehen toj nawoye.

3. Heowa tʼuhlak isilataj mʼak toj wichi ihi

Yahin VIDEO wet ame mʼayhaynay:

VIDEO: ¿Atsi mʼak toj tamenej Dios yenlhi pʼante Honhat? (lhip) (1:41)

• ¿Atsi mʼak toj tamenej toj Dios yam lhayʼe lhip toj is Honhat toj nehi?

Yahyen Eclesiastés 3:11 wet ame mʼayhayna:

• ¿Atsi mʼak toj ichufwen namejen toja toj yome Heowa?

4. Heowa lenechʼethayaj iwohitʼa elha

Yahyen Salmo 37:11, 29 wet Isaías 55:11 wet ame mʼayhayna:

• ¿Chi malhyej (Ep hote) toj nahanej toj Heowa lenechʼethayaj toj tʼuhlak iti namejen iwohitʼa elha?

5. Toj nanʼokwiyej Heowa hiwʼen namhohen lhakajyaj

VIDEO: Ohanej mʼak toj tamenej toj oiche (5:03)

• ¿Chi malhyej (Ep hote) toj tachʼote Terumi toj itafwelche mʼak toj tamenej toj iche?

Yahyen Eclesiastés 12:13 wet ame mʼayhayna:

• Toj natetshan mʼak toj Heowa iwoyej namehen, ¿atsi mʼak toj is che nawoye hopkhilak nanʼaltej lhaka gracias?

MʼAYHAY TOJ LETETSHANNE

Heowa tʼuhlak lepes ihihitʼa toj nalayhiche toj nehi honhatna wet mʼayhay toj nehi is tʼat. Hate ifwalasna, lhakajyaj ihi tʼat lewhay toj nanʼokwiyej Heowa toj namalhetwek lhahusek.

Mʼayhay toj nalechufwenejne

• Lewhay toj Heowa yenlhi pʼante Adán wet Eva, ¿atsi mʼak toj tʼuhlak ihi pʼante lhamel?

• ¿Chi malhyej (Ep hote) toj Dios lenechʼethayaj toj tʼuhlak itiyej wichi iwohitʼa elha?

• ¿Atsi mʼak toj tachʼotla ame hopkhilak akajlhi tʼat?

IWOYEK LEWʼEN IYHAJ MʼAYHAY:

Yahin mʼak toj tamenej toj iwoyek namatitche toj yachuyajwʼet Edén iche pʼante.

«Yachuyajwʼet Edén, ¿ha tajlhamet hop historia?» (La Atalaya, 1 toj enero toj 2011)

Tafwelej mʼak toj tamenej toj namatitche toj Honhat ihichetʼa che tatay.

«¿Ha nʼowasthihla hop Honhat?» (Nʼochufwenyaj toj ihi jw.org)

Tetshan mʼak toj tamenej toj nechehen toj Biblia yome.

«¿Atsi mʼak toj tamenej toj nechehen?» (Nʼochufwenyaj toj ihi jw.org)

Yahin chi malhyej (ep hote) toj hinʼu toj lham fwetaj hiwʼen pʼante nilhokej mʼak toj iwatla mat iche mʼak toj tataye.

Athana okajyaj ihi tʼat (3:55)