¿Chi malhyej (Ep hote) toj iwo tesa nʼowʼatshancheyaj?

«Tsi iʼamej [Dios] inät tä tsʼifwik tä häpe nʼowʼatshancheyaj» (Salmo 36:9). ¿Ha lematitche tajtso? Iche wichi toj yome toj mʼayhay toj iche ihichetʼa elh toj yenlhi. Che ihichetʼa nʼoelh toj yenlhi mʼayhay, lhawʼatshancheyaj laha ihihitʼa. Mat, che Heowa yenlhi pʼante mʼayhay toj iche, iche tʼat mʼak toj tamenej, ¿ha mat?a Tetshan mʼak toj Biblia yome lhip toj talhe hop mʼayhay toj iche wet mʼak toj tamenej toj is che namatitche tajtso.

1. ¿Atsi lhip toj talhe Honhat wet katetsel?

Biblia yok: «Tä nechʼenyaya Dios yenlhi pule lhäyʼe honhat» (Génesis 1:1). Wujpe científicos tachumla toj Honhat wet katetsel iche pʼante lewhay toj iwo tesa toj iche. ¿Chi malhyej (Ep hote) toj Dios yenlhi tajtso? Lham ichumyenlhi hop «laka Espíritu» hopkhilak yenlhi mʼayhay toj ikapha, katetsel, planetas wet mʼayhay iyhaj (Génesis 1:2).

2. ¿Atsi mʼak toj tamenej toj Dios yenlhi Honhat?

Heowa «yenhitʼa tsʼanisa [honhat] mat iwo lheleya tä häpe wichi» (Isaías 45:18). Lham yenlhi Honhat hopkhilak hope lhip toj iwoyek nehi wet matche toj isilataj (yahyen Isaías 40:28 wet 42:5). Científicos yome toj Honhat hatehitʼa iwoye planetas iyhaj. Lhamel yome toj nʼotafwenhiyejtʼa planeta elh toj wichi iwoyek ihi.

3. ¿Atsi mʼayhay toj wichi iwoyek iwoye toj itshatay ikalhihitʼa che iwoye?

Toj tafwaytshi toj yenlhi Honhat, Heowa yenlhi halʼoy wet itshatay. Toj paj «Dios yenlhi hinʼo, wet itechʼayen lhamej» (yahyen Génesis 1:27). ¿Atsi mʼak toj tamenej toj nahatehitʼa iwoye itshatay? Toj Dios itechʼayen lhamej toj nayenwetha, iwoyek naten lakeyis, malhyej lehumnhayaj wet leʼisyaj. Lham hate hiwʼen namhohen lhahanyaj hopkhilak nahanej nʼolhomtes iyhaj toj wʼenhahiche, wet toj nen kajyaja toj natchʼahuye música wet mʼayhay toj isis toj nawʼen. Wet namel, iwoyek nanʼokwiyej elh toj lhenhay nilhokej mʼayhay, toj itshatay iwohiyetʼak iwoye tajtso.

NATʼAYHETTSHI TOJ NALECHUFWENEJ

Natetshan iyhaj mʼayhay toj inʼalit toj Dios yenlhi pʼante nilhokej mʼayhay toj lewʼatshancheyaj ihi wet mʼak toj tamenej toj mʼak toj Biblia yome yiwtejla tajtso. Wet nalechufwenhiyeja nʼoelh toj hope Dios che natetshan wichi lakeyis.

4. Mʼayhay toj ilayhiche iche pʼante nʼoelh toj yenlhi

Nʼotiyej lewujyaj wichi isej toj itenla mʼayhay toj iʼpe honhat. Mat, ¿atsi nʼoelh toj is che nʼowujyen toj nʼotenla mʼayhay toj yenlhi? Yahin VIDEO wet ame mʼayhayna:

VIDEO: Nʼotʼekhaye Dios (2:43)

• ¿Atsi mʼayhay toj iche toj wichi iten?

Nilhokej nʼowukwey toj iche, iche pʼante nʼoelh toj yenlhi. Mat, ¿atsi nʼoelh toj yenlhi pʼante nilhokej mʼayhay toj iʼpe honhatna? Yahyen Hebreos 3:4 wet ame mʼayhayna:

• ¿Atsi mʼayhay toj nʼolhenhay toj am leseltej toj letetshan?

• ¿Ha is tʼat toj letʼekhaye toj Honhat wet katetsel iche pʼante nʼoelh toj yenlhi? ¿Atsi mʼak toj tamenej?

Tetshan lhipna

Toj ihi jw.org lewʼenla artículos wet videos toj yiwtejla hop mʼayhayna. Ukwe toj ihi lhip toj lhey «¿Ha iche nʼoelh toj yenlhi? » wet «Mʼayhay toj nʼoyomeje nʼayij toj iwo tesa nʼowʼatshancheyaj».

«Hup chik häpe tä õyenlhi, nʼolhenek tʼat, mat Elh tä yenlhi nilhokej mʼayhay häpe Dios».

5. Mʼayhay toj nʼolhenhay toj Biblia yome hope tʼat mʼak toj matche

VIDEO: ¿Ha iche pʼante elh toj yenlhi mʼayhay toj ikapha? (lhip) (3:51)

• ¿Ha Biblia yome toj Honhat wet nilhokej mʼayhay toj ihi, nʼoyenlhi pʼante toj ihi 6 ifwalas toj natafwelej?

• ¿Ha lematitche toj mʼayhay toj Biblia yome toj nʼoyenlhi pʼante hope mʼak toj matche? ¿Atsi mʼak toj tamenej?

Yahyen Génesis 1:1 wet ame mʼayhayna:

• Wujpe científicos yome toj Honhat wet nilhokej mʼayhay toj ikapha iche pʼante lewhay toj iwo tesa toj iche. ¿Ha yiwitla mʼayhay toj lhamel letichunhayaj mʼak toj am leyahyenne toj ihi Biblia?

Iche wichi toj tayʼatshan lhamehen, che Dios ichumyenlhi pʼante evolución hopkhilak yenlhi mʼayhay toj lewʼatshancheyaj ihi, wok yen tichunhayaja toj Dios yenlhi celulafwaj hopkhilak che paj lhaiwo elha wet lhaiwelanhat toj lhayen hopeya mʼayhay toj lewʼatshancheyaj ihi. Yahyen Génesis 1:21, 24, 25, 27 wet ame mʼayhayna:

• ¿Ha Biblia yome toj Dios ichumyenlhi evolución hopkhilak yenlhi wʼahat, itshatay wet wichi? Wok, ¿ha yenlhi pʼante mʼayhay toj wʼenhahiche toj lewʼatshancheyaj ihi?

6. Wichi hatehitʼa iwoye Dios lhenhay at che hope

Hop namel, toj nawichi, matche tʼat toj nahatehitʼa iwoye itshatay. Yahyen Génesis 1:26 wet ame mʼayhayna:

• Hop nilhokej namel iwoyek nanʼalit nʼohumnhayaj wet nʼopʼaltsenyaj hop toj nʼonayenwetha toj nʼotechʼayen namejen Dios. ¿Atsi toj ichufwen amej tajtso toj yiwitla Heowa lakeyis?

MʼAYHAY TOJ LETETSHANNE

Heowa yenlhi pʼante Honhat, nilhokej mʼayhay toj ikapha wet nilhokej mʼayhay toj ihi.

Mʼayhay toj nalechufwenejne

• ¿Atsi toj Biblia lechufwenyaj toj yome lenʼayij toj iwo tesa toj nʼoyenlhi Honhat wet mʼayhay toj ikapha?

• ¿Ha Dios ichumyenlhi evolución hopkhilak celulafwaj lhayen hopeya mʼayhay toj lewʼatshancheyaj ihi, wok lham toj yenlhi?

• ¿Atsi mʼak toj tamenej toj namel nahatehitʼa iwoye iyhaj nʼolhenhay?

IWOYEK LEWʼEN IYHAJ MʼAYHAY:

Yahin hop ejemplos toj iche toj iʼpe honhatna toj inʼalit toj iche nʼoelh toj yenlhi pʼante.

«¿Atsi toj ichufwen namejen mʼayhay toj iche toj iʼpe honhatna?» (¡Despertad!, septiembre toj 2006)

Yahin chi malhyej (ep hote) toj nʼojcha ikalelhtho lhos hop mʼak toj Biblia yomeje lewhay toj nʼoyenlhi mʼayhay.

Heowa yenlhi nilhokej mʼayhay (2:37)

Tetshan che evolución yiwtejla mʼak toj Biblia yome.

«¿Ha Dios yenlhi pʼante mʼayhay toj lewʼatshancheyaj ihi toj ichumyenlhi evolución?» (Nʼochufwenyaj toj ihi jw.org)

Tetshanchʼoye che nʼolhiley toj científicos nilhoke wet mʼak toj lhamel itetshan ikalelhat: che nʼowʼatshancheyaj, iche tʼat elh toj yenlhi wok tajlhamet toj iche tʼat.

Lhip toj talhe nʼowʼatshancheyaj. Cinco mʼayhay toj is che natetshan (Librofwaj)