NʼOCHUFWENYAJ 02

Biblia hiwʼen namhohen nʼoniwhayaj (esperanza)

Malhyej toj papel

Nilhokej wichi toj ihi honhatna, tatayhla nʼowitʼayhyajay toj hiwʼenho nʼotelaythayaj, wuj toj lelhakli ihi wet matche toj lefwitajayaj ihi. ¿Ha malhyejtso mʼak toj lhehi? Nʼalej toj alhakli ihi hop toj nʼotʼinhayajay matche toj aytajche wok iche elh toj lehumin toj yʼil pʼante, wet toj malhyejtso iwoyek leyʼatshan ame chik isenla mʼayhay ifwala che hope. Mʼak toj Biblia yome hiwʼen namhohen lhatamsek.

1. ¿Atsi nʼoniwhayaj toj tatay alhoho toj Biblia hiwʼen namhohen?

Biblia ikalelhat mʼak toj tamenej toj iche nʼowitʼayhyajay toj ihi honhatna. Wet, hate, yome toj nʼowitʼayhyajay toj ihi honhatna pitajitʼa lewhay toj ihichela wet nofwila. Mʼayhay toj Biblia yome toj ihichela iwoyek hiwʼen amho aniwhayaj (yahyen Jeremías 29:11, 12). Nʼoniwhayajna iwoyek tachʼot namehen toj natatayhla nʼowitʼayhyajay wet iwoyek nam is lhatichunhayajay. Hate ikalelhat toj lepes ihihitʼala lhakajyaj.

2. ¿Chi malhyej (Ep hote) toj Biblia yome mʼak toj ihichela?

Biblia yome toj «nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj»(yahyen Apocalipsis 21:4). Nemla iche mʼayhay toj matche toj iti namejen lhafwitajayaj, malhyej toj nawʼenhitʼa mʼak, nehi mʼak toj niʼisa, nʼotʼinhayaj wet nʼotʼilek. Biblia ikalelhat toj wichi iwohiyelak lepes ihihitʼa toj yen kajyaja che ihi honhat toj wʼatshan wet isilataj.

3. ¿Atsi mʼak toj tachʼotla ame hopkhilak letʼekhaye nʼoniwhayaj toj Biblia yome?

Wujpe wichi hiwʼen leniwhayaj toj mʼayhay toj ihi lhayamla isen, mat iyhaj tʼekhahiyetʼa che tajtso lhayam matche. Mʼak toj Biblia yome hatehitʼa iwoye wichi letichunhayaj. Iwoyek natʼekhaye mʼak toj Biblia yome che «[na]tetshan tʼat Nʼolesaynhay» (Apóstoles Lhenhay 17:11). Che alechufwenej Biblia iwohiyelak lekalelhat amho che mʼak toj yome toj ihichela letʼekhaye tʼat.

NATʼAYHETTSHI TOJ NALECHUFWENEJ

Natetshan mʼayhay iyhaj toj Biblia yome toj ihichela. Natetshan toj ifwalasna nʼoniwhayajtso tachʼote tʼat hop wichi iyhaj.

Nʼopeykas: nʼopeykas toj inʼalit mʼak toj wichi ihi ifwalasna wet m’ak toj Biblia yome toj ihichela toj tatay alhoho. Nʼopeykasna hope toj nʼotetshanla.

4. Biblia yome toj nemla iche nʼowitʼayhyajay wet iwohiyelak lepes ihihitʼa toj nalayhiche

Tetshan mʼayhayna toj Biblia yome. ¿Atsi iyhaj toj lehumin? ¿Atsi mʼak toj tamenej?

Yahyen textos toj yome mʼak toj ihichela, wet ame mʼayhayna:

¿Ha lematitche toj textosna ifwel hop nʼoniwhayaj? En atichunhayaja hop hawʼet lheley wet akalayʼis, ¿ha iwoyek lhamel isej?

En atichunhayaja toj lhehi honhat toj malhyejna:

IHICHETʼALA ELH CHE...	WICHI IWOHIYELAK YEN KAJYAJA TOJ...
... ihi letelaythayaj, ichʼut wok yʼil (Isaías 25:8)	... hiwʼenla iyhaj toj ihumnhen toj yachajohla toj ilayhiche toj ihi honhatna (Juan 5:28, 29)
... tʼinhayaj ihi wok lewitʼay iyej tʼisan (Isaías 33:24; 35:5, 6)	... hiwʼenla tʼisanis toj tʼinhayaj ihihitʼa wet lekhajyhayaj malhyej iwoye mamse wok lhutsha (Job 33:25)
... ihi mʼak toj niʼisa (Isaías 32:16, 17)	... hiwʼenla lhak toj wuj, hate lewʼet toj is wet lechumet toj ihumin (Salmo 72:16; Isaías 65:21, 22)
... toj lewitʼay iyej hop toj nʼokaʼtshayaj toj tamenej (Salmo 46:9)	... ihihla letamsek toj matche (Salmo 37:11)
... ilan lhamej letichunhayajay toj niʼisa wok lehusekchʼoye mʼak toj niʼisa toj ihi pʼante (Isaías 65:17)	... lepes ihihitʼala toj ihi mʼayhay toj matche toj isen (Salmo 37:29)

Hanʼafwaj toj letʼinhayaj ihi pʼante athana iches wet tatsufwelej lako.

Hinʼu toj ichʼut athana hope mamse wet ihut lakʼas toj ilanhi.

5. Nʼoniwhayaj toj ihi Biblia iwoyek yam is mʼak toj nehi

Wujpe wichi toj hiwʼen nʼowitʼayhyajay toj ihi honhatna, lhamel lelhakli ihi wet inʼalit lefwitseyaj. Iyhaj iwoye mʼak at che hope hopkhilak is mʼak toj ihi. Tetshan mʼak toj ihi Biblia toj yome toj yamla isen mʼayhay toj tachʼote wujpe wichi ifwalasna. Yahin VIDEO, wet ame mʼayhayna:

VIDEO: Otʼuhtehlak otatayhla mʼayhay toj niʼisa alhoho (4:07)

Nʼopeykas toj ihi video «Otʼuhtehlak otatayhla mʼayhay toj niʼisa alhoho»: 1. Rafika lewhay toj hanʼafwaj wet iyhaj toj laka raza tachuma algodón. 2. Rafika toj nechʼe toj ihoye reunión toj wuj toj wichi toj yen lhometa Heowa yenlhi. Lekajyaj ihi toj hiwʼen wichi iyhaj toj wʼenha lhamej laka raza toj lhaihutwek.

Malhyej toj ihi video, ¿atsi mʼayhay toj Rafika yen lelhakliya?
Tej toj mʼayhay toj lham yen lelhakliya tatayhitʼa, ¿chi malhyej (ep hote) toj Biblia tachʼote?

Nʼoniwhayaj toj ihi Biblia iwoyek tachʼot namehen toj natatayhla toj nawohiyetʼa che nawo iyhaja mʼayhay toj niʼisa wet nam is lhatichunhayajay che nehi nʼowitʼayhyajay. Yahyen Proverbios 17:22 wet Romanos 12:12, wet ame mʼayhayna:

¿Ha lefwetaj toj nʼoniwhayaj toj Biblia yome iwoyek yam is mʼak toj lhehi athana? ¿Atsi mʼak toj tamenej?

IYHAJ WICHI YOME TOJA: «Mʼak toj Biblia yome matche toj is, che matche».

¿Atsi mʼak toj tamenej toj lefwetaj matche toj laha ihi che letetshan toj mʼak toj Biblia yome nʼal tʼat?

MʼAYHAY TOJ LETETSHANNE

Biblia yome toj nehihla nʼokajyaj toj wuj, tajtso hiwʼen namhohen lhaniwhayaj wet tachʼot namehen toj nam is mʼak toj nehi tej toj nehi nʼowitʼay.

Mʼayhay toj nalechufwenejne

¿Atsi mʼak toj tamenej toj wichi iwatla che leniwhayaj ihi?
¿Atsi mʼak toj Biblia yome toj ihichela toj tatay alhoho?
¿Chi malhyej (Ep hote) toj nʼoniwhayaj iwoyek tachʼot ame athana?

Ifwala toj noj nʼochufwenyajna:

Mʼak toj is che lewoye

Hopkhilak mʼayhay toj Biblia yome toj ihichela imalhehi etek achajo toj leyahyen textos toj ihi nʼochufwenyajna.

Iyhaj mʼayhay:

Your other goal

IWOYEK LEWʼEN IYHAJ MʼAYHAY:

Alechufwenej chi malhyej (ep hote) toj nʼoniwhayaj iwoyek tachʼot ame che lhehi awitʼay.

«¿Atsi lhip toj iwoyek ihi aniwhayaj hopkhilak lewʼen?» (¡Despertad!, 22 toj abril toj 2004)

Tetshan chi malhyej (ep hote) pʼante toj nʼoniwhayaj tachʼote iyhaj toj hiwʼen nʼotʼinhayaj toj aytajche.

«Che atʼinhayaj pitaj lewhay, ¿ha Biblia iwoyek tachʼot ame?» (Nʼochufwenyaj toj ihi jw.org)

Toj leyahin videona en atichunhayaja toj lelhayʼe hawʼet lheley toj lewo akajyaja toj lhehi honhat toj wʼatshan wet isilataj malhyej toj Biblia yome.

Onʼalte ifwalatso (3:37)

Yahyen nʼoelh toj lhaithatche pʼante organizaciones sociales lewhay toj itafwelej nʼoniwhayaj iwo elha mʼak toj ihi.

«Nemhit olate che owatlak owo elha mʼayhay toj ihi honhat» (La Atalaya, 1 toj julio toj 2013)