¿Atsi mʼak toj Jesús iwoye pʼante lewhay toj ihi Honhat?

Wujpe wichi wujitʼa toj itafwelej Jesús, mat iche iyhaj toj tajlhamet ihanej lewhay toj lham hope pʼante hanʼafwaj, iyhaj itafwelej lechumet toj lham iwoye pʼante lewhay toj ihi Honhat wet iche iyhaj toj itafwelej lewhay toj lham yʼil. Mat, ¿ha iwoyek lhayʼe lhip toj natafwelej che nalhaichufwenej mʼak toj lham iwoye pʼante lewhay toj ihi Honhat? Toj ihi nʼochufwenyajna natetshanla mʼayhay iyhaj toj lahal ihi toj Jesús iwoye pʼante wet chi malhyej (ep hote) toj tajtso iwoyek tachʼot ame.

1. ¿Atsi lechumet toj wuj toj laha ihi toj Jesús hiwʼen pʼante?

Jesús yome pʼante lechumet toj laha ihi lewhay toj yok: «Owo silätayej wichi [...] häp Dios Silätyaj tä Is tä yäme Leniyatyaj» (yahyen Lucas 4:43). Iwo pʼante silotyaja toj Dios itihihla Honhat Leniyatyaj hopkhilak inofwat nilhokej wichi lewitʼayhyajay.a Inuʼpe tres nekchomis Jesús matche pʼante toj lhaikhajyenej toj yomejlhi nʼosilotyajna (Mateo 9:35).

2. ¿Atsi mʼak toj tamenej toj laha ihi mʼayhay toj nʼoseltej toj Jesús iwoye pʼante?

Biblia yome toj «isej lham [Jesús], Dios yenlhi letetnhay lhäyʼe mʼayhay tä [nʼo]seltejen» (Apóstoles Lhenhay 2:22). Isej Dios lakhajyhayaj, Jesús iwoye pʼantek ikasthayen ihwok, toj hiwʼenho lhak wujpe wichi, ichesthen wichi toj tʼinhayaj ihi wet yachaje lewʼatshancheyaj hop wichi iyhaj toj yʼinhen (Mateo 8:23-27; 14:15-21; Marcos 6:56; Lucas 7:11-17). Mʼayhay toj nʼoseltejen toj Jesús iwoye pʼante inʼalit toj Dios ichen hop lham. Hate inʼalit pʼante toj Heowa hiwʼen lakhajyhayaj hopkhilak yam is nilhokej lhawitʼayhyajay.

3. ¿Atsi mʼak toj ichufwen namejen mʼak toj Jesús ihi pʼante?

Jesús tachʼahuye pʼante Heowa imalhewek lewhay (yahyen Juan 8:29). Lham afwtinsaj pʼante yak nichate lewhay toj yʼil, iwoye nilhokej mʼak toj Lajcha tʼalhe pʼante che iwoye, tej toj wujpe wichi tʼuhlak inuhla mʼak toj lham iwoye. Inʼalit pʼante toj namel iwoyek nachumhoplhi Dios tej che iche lewhay toj nehi lhawitʼay toj atha. Jesús iwoye tajtso «yämthilek [naten] tʼat mʼak tä iwoye» (1 Pedro 2:21).

5. Jesús ichufwenej pʼante wichi mʼak toj laha ihi

Tsʼilakhitʼa pʼante toj Jesús iwo silota nʼosilotyaj toj isis toj yome Dios Niyatyaj, Jesús hate ichufwenej pʼante wichi mʼak toj laha ihi toj iwoyek isej. Lhek natetshan ejemplos iyhaj toj Jesús yome pʼante lewhay toj iʼpe chenaj. Yahyen Mateo 6:14, 34 wet 7:12 wet ame mʼayhayna:

• ¿Atsi nʼofwonyajay toj isis toj Jesús yome toj ihi versiculosna?

• ¿Ha lefwetaj toj nʼofwonyajayna iwoyek tachʼote wichi ifwalasna?

6. Jesús iwoye pʼante mʼak toj wichi iseltej

Heowa hiwʼenho pʼante lakhajyhayaj hop Jesús hopkhilak yenlhi mʼayhay toj nʼoseltej. Hopkhilak lewʼen ejemplo, yahyen Marcos 5:25-34 wok yahin VIDEO. Che paj ame mʼayhayna:

VIDEO: Jesús ichesat atsinha (5:10)

• Malhyej toj ihi video, ¿atsi mʼak toj tʼekhaye atsinha toj tʼinhayaj ihi?

• ¿Atsi mʼak toj lhayʼe lhip toj leseltej mʼak toj Jesús iwoye?

Yahyen Juan 5:36 wet ame mʼayhayna:

• ¿Atsi mʼak toj «ikalelhät» wok inʼalit mʼak toj Jesús iwoye pʼante toj wichi iseltej?

MʼAYHAY TOJ LETETSHANNE

Jesús iwo pʼante lhometa toj yome Dios Leniyatyaj, yenlhi pʼante mʼayhay toj wichi iseltejen wet tachʼahuyepej hop Heowa.

Mʼayhay toj nalechufwenejne

• ¿Atsi mʼak toj ichun toj matche toj laha ihi toj Jesús iwoye pʼante toj ihi Honhat?

• ¿Atsi mʼak toj inʼalit mʼak toj Jesús iwoye pʼante toj wichi iseltej?

• ¿Atsi nʼochufwenyajay toj Jesús ichufwenej pʼante wichi?

IWOYEK LEWʼEN IYHAJ MʼAYHAY:

¿Atsi nʼosilot toj Jesús lhayʼe lhip pʼante toj yomejlhi?

«¿Atsi mʼak toj tamenej toj Jesús yenhitʼa wʼet mʼayeka Dios Niyatyaj?» (La Atalaya, 1 toj octubre toj 2014)

Yahyen mʼak toj tamenej toj kalelhaj namhohen toj mʼak toj Jesús iwoye toj wichi iseltej matche tʼat.

«Nʼotetnhay toj Jesús yenlhi pʼante toj wichi iseltejen: ¿atsi mʼak toj iwoyek lehanej toj talhe tajtso?» (La Atalaya, 15 toj julio toj 2004)

Yahyen chi malhyej (ep hote) pʼante toj iwo elha mʼak toj iyej hinʼu lewhay toj ihanej toj Jesús tsʼilakhitʼa toj lhaitetshan.

«Mʼak toj lhayʼe lhip toj laha ihi toj inʼoyej hope tʼat olham» (La Atalaya, 1 toj octubre toj 2014)

Testshan mʼak toj laha ihi toj Jesús iwoye pʼante wet atsi lewhay toj iwoye tajtso.

«Lewhay toj Jesús ihi pʼante Honhat» (La Biblia. Traducción del Nuevo Mundo, apéndice A7)