Amlhi malhyej toj lhomlhi tʼat

Mʼak toj iwoye p’ante Felipe

VIDEO: Felipe iwo silota hinʼu toj Etiopía lhele

1. Yahin VIDEO wok yahyen Apóstoles Lhenhay 8:30, 31. Che paj tetshan nʼoyʼatshanhayna:

1. ¿Atsi mʼak toj iwoye pʼante Felipe toj iwo tesa toj yomhoplhi hinʼuna?

2. ¿Atsi mʼak toj tamenej toj iwo tesa toj yomlhi malhyej toj yomlhipej wet toj paj yome mʼak toj matche?

¿Atsi mʼak toj ichufwen namejen mʼak toj Felipe iwoye pʼante?

2. Che nachumyenlhi lhalhomtes malhyej toj namlhipej, iwoyek nʼoelh ihuminchek tachʼahu namehen wet letamsek ihi.

Tenla mʼak toj Felipe iwoye pʼante

3. Tetshan wichi. Che natetshan mʼak toj inʼalit wichi leteʼpelis wet mʼak toj iwoye iwoyek nahanej wujpe mʼayhay. ¿Ha inʼalit toj matche toj tʼuhlak yomlhi? Che lehuminchek lhome mʼak toj ihi Biblia tajlhamet iwoyek leyʼatshane: «¿Ha am lehanej toj...?». Che iche nʼoelh toj tʼuhitʼahlak yomlhi, yej lenityen.

4. Is che letataye. Isitʼa che letichunejlhi toj is che lekelit toj lhome mʼak toj ihi Biblia. Taye lewhay toj tʼuhawetej wet toj lewo tesa toj lhome mʼak is che lhomlhi malhyej toj lhomlhipej. Nʼalej toj is che letataye che yachajo toj lhomhoplhi nʼoelh.

5. Iwoyek lewo elha mʼak toj lhome. Iwoyek naseltej mʼak toj wichi ifwel namhohen. Che iche nʼoelh toj ifwel namhohen mʼak toj yen lelhakliya, nafwenhihotʼala mʼak toj namel nawaklhat toj talho Biblia mat nawohla elha.